Elimizde shaǵyn orta kásipkerlik sýbektileriniń sany 7% ósti

<p>ASTANA. KAZINFORM &ndash; 2024 jylǵy 1 qańtardaǵy jaǵdaı boıynsha tirkelgen shaǵyn orta kásipkerlik sýbektileriniń sany 2 178,9 myń birlikti qurady jáne aldyńǵy jylmen salystyrǵanda 7% ósti. Bul rette onyń 2 002,2 myń birligi - jumys istep turǵandar. Bul týraly Ulttyq statıstıka bıýrosynyń baspasóz qyzmeti málimdedi.</p>

Jumys istep turǵan sýbektiler úlesi:

68,4% — dara kásipkerler
18% — shaǵyn kásipkerliktegi zańdy tulǵalary
13,5% — sharýa ne fermer qojalyqtary
0,1% — orta kásipkerliktegi zańdy tulǵalar

Jumys istep turǵan sýbektilerdiń 35,1% saýdamen, 15,6% basqa da qyzmet túrlerimen, 14,3% aýyl sharýashylyǵymen aınalysady.

«Shaǵyn orta kásipkerlik sektorynda eldiń ekonomıkalyq belsendi halqynyń jalpy sanynyń 45,6% eńbektenedi. Munda jumyspen qamtylǵandardyń sany 2022 jylmen salystyrǵanda 5,3% ósip, 4 326 myń adamdy qurady», - delingen habarlamada.

2023 jylǵy qańtar-qyrkúıekte respýblıka boıynsha JІÓ ShOK úlesi 36,5% qurady jáne aldyńǵy jylmen salystyrǵanda 0,5 paıyzǵa ósti.