Elimizde sarbazdarǵa kredıt berýge tolyq tyıym salý usynyldy

<p>Qazaqstan Parlamenti Májilisiniń depýtaty Erlan Stambekov sarbazdarǵa kredıt berýge tyıym salýdy usyndy, dep habarlaıdy <a href="Kazinform" target="_blank" rel="noopener">Kazinform</a>.</p>

«Áskerı qyzmetshilerge kelsek, kredıt alýǵa moratorıı engizýdi usynamyz. Bul jerde másele sarbazdarǵa qatysty bolyp otyr. ıAǵnı, biz merzimdi qyzmet sarbazdaryna nesıe berýge tolyq tyıym salǵymyz keledi. Nege? Sarbazǵa áskerı mindetin ótep júrgende májbúrlep kredıt alǵyzý faktileri bar. Biz ásker sarbazdardy tıisti deńgeıde qamtyp otyr dep senemiz.

Sondyqtan olardyń kredıt alýyna negiz joq», - dedi Erlan Stambekov BAQ ókilderiniń saýalyna jaýap bere turyp.

Aıta keteıik, zań shyǵarý qyzmeti máseleleri jónindegi vedomstvoaralyq komıssııanyń otyrysynda «Ákimshilik quqyq buzýshylyq týraly kodekske kredıt berý kezinde táýekelderdi azaıtý jáne qaryz alýshylardyń quqyqtaryn qorǵaý máseleleri boıynsha tolyqtyrýlar engizý týraly» jáne «Kredıt berý kezinde táýekelderdi azaıtý jáne qaryz alýshylardyń quqyqtaryn qorǵaý máseleleri boıynsha keıbir zańnamalyq aktilerge ózgerister men tolyqtyrýlar engizý týraly» zań jobalary boıynsha Úkimettiń qorytyndylary talqylandy.