Elimizde respýblıkalyq termınologııalyq komıssııa quryldy

<p>ASTANA. KAZINFORM &ndash; Ǵylym jáne joǵary bilim mınıstri 2024 jylǵy 18 naýryzdaǵy Respýblıkalyq termınologııalyq komıssııa qurý týraly buıryqqa qol qoıdy.</p>

Respýblıkalyq termınologııalyq komıssııa qazaq tiliniń ekonomıkanyń, ǵylymnyń, tehnıkanyń jáne mádenıettiń barlyq salalarynda termınologııalyq leksıkasy boıynsha usynystar ázirleıtin jáne óz qyzmetin qoǵamdyq-gýmanıtarlyq jáne jaratylystaný-matematıkalyq baǵyttar boıynsha júzege asyratyn konsýltatıvtik-keńesshi organ qyzmetin atqarady.

Komıssııanyń negizgi mindetteri:

- ekonomıkanyń, ǵylymnyń, tehnıkanyń jáne mádenıettiń túrli salalary boıynsha qazaq tiliniń termınologııalyq leksıkasy salasynda usynystar ázirleý;

- termınderdi qarastyrý jáne qabyldaý;

- ekonomıka, ǵylym, tehnıka jáne mádenıettiń túrli salalary boıynsha komıssııa bekitken termınderdi bıýlletender men salalyq termınologııalyq sózdikter túrinde shyǵarýǵa usynymdar daıyndaý, sondaı-aq termınderdi buqaralyq aqparat quraldarynda jarııalaý;

- qoǵamdyq-gýmanıtarlyq jáne jaratylystaný-matematıkalyq baǵyttar boıynsha, onyń ishinde ekonomıkanyń, ǵylymnyń, tehnıkanyń jáne mádenıettiń tıisti salalary boıynsha termınologııalyq sektsııalar qurý;

- qajet bolǵan jaǵdaıda termınderdi praktıkalyq qoldaný men qoldanýdyń durystyǵy men dáıektiligin aıqyndaý maqsatynda qazaq tiliniń termınologııasyn jetildirý jóninde usynystar daıyndaý úshin mamandardy, ǵalymdardy, ekonomıkanyń, ǵylymnyń, tehnıka men mádenıettiń tıisti salalarynyń termınologııalyq sektsııalarynyń múshelerin, sondaı-aq múddeli memlekettik organdar men uıymdardyń ókilderin tartý.