Elimizde órt qaýipsizdigine arnalǵan aılyq aktsııa ótedi

<p>ASTANA. KAZINFORM &ndash; Premer-mınıstr Oljas Bektenov Tótenshe jaǵdaılar mınıstrligi men ákimdikterge turǵyn úıdegi órt qaýipsizdigine arnalǵan aılyq ótkizýdi tapsyrdy.</p>

«Ákimdikter Tótenshe jaǵdaılar mınıstrligimen birlesip, turǵyn úı sektorynda jappaı órt qaýipsizdigi aılyǵyn uıymdastyrýy qajet. Buǵan ákimdikterdiń gaz-tehnıkalyq ınspektsııasyn tartý kerek. Birinshi kezekte, áleýmettik osal topqa jatatyn halyqtyń úılerin esepke alǵan jón. Olar erekshe baqylaý aımaǵynda bolýǵa tıis», - dedi Premer-mınıstr.

Oljas Bektenov atalmysh úılerdiń bárine órt datchıkterin tegin ornatý kerek ekenin eske saldy.

«Alaıda, Jetisý, Aqmola, Aqtóbe oblystarynyń jáne Almaty qalasy ákimdikteriniń bul baǵyttaǵy jumystary mardymsyz ekenin atap ótkim keledi. 2%-dan 14%-ǵa deıin ǵana qamtylǵan. Atalǵan ákimdikter jumysty kúsheıtińizder», - dedi Úkimet basshysy.