Elimizde óńirlerdi tsıfrlyq efırlik teleradıo habaryn taratýǵa kóshirý isi jalǵasyp jatyr

<p>ASTANA. KAZINFORM &ndash; Bıyl 1 qyrkúıekten bastap Qazaqstan tsıfrlyq efırlik teleradıo habarlaryn taratýǵa (TsETV) kezeń-kezeńimen kóshýdi jalǵastyrady.</p>

Bul joly tizimge ishinara Shyǵys Qazaqstan, Abaı jáne Atyraý oblystarynyń eldi mekenderi kiredi. Bul qadam televızııa baǵdarlamalaryn kórýdi osy óńirlerdiń turǵyndary úshin burynǵydan da qoljetimdi ári sapaly etýge baǵyttalǵan.

Jańa býyn tsıfrlyq teledvızııasy sıgnaldyń joǵary jyldamdyǵyn qamtamasyz etedi jáne kórermenderge kóptegen jańa múmkindikter ashady. Endi paıdalanýshylar kóp arnalardy, jaqsartylǵan sýret pen dybys sapasyn, mýltımedııalyq qosymshalardy, radıony, elektrondyq habarlar baǵdarlamasyn, sýbtıtr tilin tańdaýdy jáne basqa da kóptegen jańalyqtardy tamashalaı alady.

Analogty televızııadan aıyrmashylyǵy, tsıfrlyq sıgnal kedergige tózimdi jáne tipti eń shalǵaı eldi mekenderde de kórermenderge shýyl men burmalaýsyz beriledi. Bul osy óńirlerdiń turǵyndary irkilister jáne sýret pen dybys sapasynyń tómendigin umyta alady degen sóz.

TsETV-ǵa kóshý Qazaqstanda televızııany damytýdyń jańa baǵytyn ashady. Tsıfrlandyrý shaǵyn eldi mekenderde kóp telearna qabyldaýǵa múmkindik beredi — analogty formattaǵy 2-3 arnanyń ornyna 15 arnaǵa deıin qabyldaıdy. Oblys ortalyqtarynda kórermenderge 30 arna qoljetimdi bolady. Bul rette olardy jiberý úshin qajetti elektr energııasyn tutyný aıtarlyqtaı azaıady.

Bul qadam barlyq azamattyń ómir súrý sapasy men aqparattyq qoljetimdiligin arttyrýǵa baǵyttalǵan eldi tsıfrlandyrýdyń jalpy strategııasynyń bir bóligi bolyp sanalady. Tómende analogty televızııadan ajyratylyp, tsıfrlyq efırlik televızııaǵa aýysatyn eldi mekenderdiń tolyq tizimi keltirilgen.