Elimizde óndirilgen altyn men kúmis LBMA standartyna saı – Ónerkásip mınıstrligi

<p>Elimizde óndirilgen altyn men kúmis halyqaralyq sapa standarttaryna saı keledi. Bul týraly Ónerkásip jáne qurylys mınıstrliginen málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Elimizde altyn men kúmisti óńdeýmen úsh affınaj zaýyty («Taý-Ken Altyn» JShS, «Qazmyrysh» JShS, «Qazaqmys Smeltıng» JShS) aınalysady. Óńdelgen altyn men kúmistiń sapasy London naryq qaýymdastyǵynda qabyldanǵan baǵaly metaldar (LBMA) halyqaralyq sapa standarttaryna sáıkes keledi», - dedi mınıstrlikten agenttiktiń saýalyna oraı.

Vedomstvo málimetinshe, elimizde altyn men kúmisti óńdeýmen «Taý-Ken Altyn» JShS, «Qazmyrysh» JShS, «Qazaqmys Smeltıng» JShS-nyń úsh affınaj zaýyty aınalysady. Olardyń ishinde «Qazmyryshta» ǵana shveıtsarııalyq Glencore AG kompanııasynyń sheteldik úlesi bar.