Elimizde oqýshylardyń bilim jetistikteriniń monıtorıngi bastaldy

<p>ASTANA. KAZINFORM &ndash; 15 sáýirden bastap Qazaqstan mektepterinde oqýshylardyń bilim jetistikteriniń monıtorıngi bastaldy. Oǵan 2462 orta bilim berý uıymdaryndaǵy tórtinshi jáne toǵyzynshy synyptardan 150 myń oqýshy qatysady.</p>

«Sý tasqyny jaǵdaıyna baılanysty alty óńirde: Aqmola, Atyraý, Aqtóbe, SQO, Qostanaı jáne BQO-da BBJM ótkizý 15 sáýirden 29 sáýirge aýystyrylady. Qalǵan óńirlerde shtattyq rejımde ótedi. Monıtorıng oqý, matematıkalyq jáne jaratylystaný saýattylyǵy baǵyttary boıynsha kompıýterlik keshendi testileý túrinde ótedi», - dep atap ótti Oqý-aǵartý mınıstrligi bilim berý salasynda sapany qamtamasyz etý komıtetiniń basqarma basshysy Dınara Abylkanova.

Aıta keteıik, BBJM 3 mamyrǵa deıin jalǵasady. Osy jyly test tapsyrmalary PISA, PIRLS, TIMSS syndy halyqaralyq baǵalaý júıelerin eskere otyryp jańartyldy. Qazir qazaqstandyq BBJM júıesi halyqaralyq akkredıtteýden ótýde.

BBJM - bul oqý baǵdarlamalarynyń tıimdiligin baǵalaýǵa, oqý protsesiniń myqty jáne álsiz tustaryn anyqtaýǵa múmkindik beretin, oqýshylardyń bilim sapasyn anyqtaıtyn qazaqstandyq ulttyq zertteý. Túpkilikti nátıje bilim berý sapasyn arttyrý úshin ár aımaq pen naqty mektep boıynsha keshendi taldaý men ádistemelik usynymdar ázirleý bolyp tabylady.