Elimizde oqýǵa barmaı júrgen balalar anyqtalyp jatyr – prokýratýra

<p>QR Bas prokýratýrasy Qoǵamdyq múddelerdi qorǵaý qyzmeti basshysynyń orynbasary Sáken Samet elimizde oqýǵa barmaı júrgen balalar anyqtalyp jatqanyn aıtty, dep habarlaıdy <a href="Kazinform" target="_blank" rel="noopener">Kazinform</a>.</p>

«Bıylǵy jınalysta Eńbek jáne halyqty áleýmettik qorǵaý mınıstrligi otbasynyń tsıfrlyq kartasyn tanystyrdy. Sol baǵdarlamany zerdeleý nátıjesinde elimizde 1 myńǵa jýyq balanyń eshqandaı áleýmettik mártebesi belgilenbeni anyqtaldy. Bul jumysqa tikeleı prokýrorlar aralasyp, qazir olardyń árqaısysy qaıda oqıtyny, qaı balabaqshaǵa barǵany anyqtalyp,tıisti jumys atqarylyp jatyr», - dedi S. Samet Senatta kámeletke tolmaǵandardyń quqyqtary men zańdy múddeleriniń saqtalýyn qamtamasyz etý máselesin talqylaý kezinde.

Bul turǵyda ol osy máselege Bala quqyqtary jónindegi ýákil jáne onyń óńirlerdegi ókildikteri atsalysyp jatqanyn aıtty.

«Degenmen osy baǵdarlamany zerdeleý nátıjesinde týysqandary balany bir-birine berip jibergen derekter, ómiri balabaqshaǵa jáne oqýǵa barmaǵan balalar anyqtaldy. Sondyqtan prokýrorlar jumysy aıasynda olardyń báriniń quqyqtary qorǵalyp jatyr», - dedi Sáken Samet.