Elimizde ógeı ata-anamen turatyn balalar erekshe nazarǵa alynady

<p>ASTANA. KAZINFORM &ndash; Qazaqstanda balalardy zorlyq-zombylyqtan, býllıng jáne kıberbýllıngten qorǵaý jáne kómek kórsetýdiń arnaıy ádistemesi bekitildi. Bul týraly Іshki ister mınıstrligi Ákimshilik polıtsııa komıtetiniń basqarma bastyǵy Áset Ospanov málim etti.&nbsp;</p>

«Balalarǵa qatysty zorlyq-zombylyq faktilerin anyqtaý maqsatynda polıtseıler jumysynyń algorıtmi ázirlendi. Oǵan sáıkes ógeı ata-anamen turatyn balalarǵa erekshe nazar aýdarylady. Ótken jyly jeltoqsanda memlekettik organdarmen birlesip zorlyq-zombylyqqa, býllıng jáne kıberbýllıngke ushyraǵan balalar men jasóspirimderdi anyqtaý jáne olarǵa kómek kórsetý jónindegi arnaıy ádisteme bekitildi», - dedi Áset Ospanov ІІM-de ótken baspasóz máslıhatynda.

ІІM ókiliniń málimdeýinshe, barlyq óńir boıynsha ákimdik janynan balalardy zorlyq-zombylyqtan qorǵaý úshin vedomstvoaralyq mobıldi toptar quryldy.

«Onyń quramyna bala quqyqtary jónindegi óńirlik ýákilder, bilim berý, halyqty áleýmettik qorǵaý qyzmetkerleri jáne ýchaskelik polıtsııa ınspektorlary kiredi. Jedel aqparat almasý vatsap-chattardyń kómegimen júrgiziledi», - deıdi ol.