Elimizde nan qymbattaı ma – vıtse-mınıstrdiń jaýaby

<p>Qazaqstanda eginniń túsiminiń tómendiginen nan baǵasynyń ósýi múmkin be, degen saýalǵa QR Aýyl sharýashylyǵy vıtse-mınıstri Azat Sultanov jaýap berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Biz neni qadaǵalaımyz? áleýmettik mańyzy bar ónimderdi. Oǵan birinshi sortty un jáne odan jasalǵan nan, ıaǵnı áleýmettik nan. Áleýmettik nannyń baǵasy, qazir turaqty. Esterińizde bolsa, ótken jyly astyq baǵasy 85-90 myń teńgege (tonnasy) bolsa, bir jyl buryn nannyń baǵasy 80 myń teńgege deıin jetken. Ótken jyly jaǵdaı turaqty boldy. Naryqqa áser etý sharalary qarastyrylǵan. Biz áleýmettik nan óndirý úshin arzandatylǵan undy óńirlerge jóneltemiz. Áleýmettik nan baǵasy turaqty. Nan baǵasynyń qymbattaýyna negiz joq», - dedi Azat Sultanov KazAgro-2023 halyqaralyq kórmesiniń aıasynda jýrnalısterdiń suraqtaryna jaýap bere otyryp.

Sondaı-aq BAQ ókilderi vıtse-mınıstrden basqa nan túrleri men un ónimderiniń baǵasy týraly surady.

«Premıým dep atalatyn nan bar, aıtalyq, glıýtensiz, túrli qospalary bar nan, kartop qosylǵan nan bar. Sol sııaqty krýassandar, toqashtar taǵy sol sııaqty. Atalǵan kondıterlik ónimderdiń baǵasyn memleket rettemeıdi. Bul jerde óndirýshi naryqqa beıimdeledi. Kondıterlik ónimder basqa sortty unnan jasalady jáne olarǵa qosatyn túrli qospalar bar», - deıdi mınıstrdiń orynbasary.