Elimizde múgedektigi bar 537 myń adam áleýmettik járdemaqy alady

<p>Jyl basynan beri múgedektigi jáne asyraýshysynan aıyrylý jaǵdaıy boıynsha memlekettik áleýmettik járdemaqylardy (MÁJ) tóleýge respýblıkalyq bıýdjetten 431 mlrd teńge jumsaldy, dep habarlaıdy <a href="https://kaz.inform.kz/news/mangistauda-turmistik-zorlikka-ushiragan-11-ayel-shugil-komek-korsetu-ortaligina-zhugngen-5b8dd2/Kazinform" target="_blank" rel="noopener">Kazinform</a>.&nbsp;</p>

Buǵan qosymsha Memlekettik áleýmettik saqtandyrý qorynan eńbekke qabilettiliginen aıyrylý jáne asyraýshysynan aıyrylý boıynsha shamamen 53,3 mlrd teńge somasyna áleýmettik tólemder tólendi.

"2023 jylǵy 1 qarashadaǵy jaǵdaı boıynsha múgedektigi boıynsha MÁJ alýshylar sany shamamen 537 myń adamdy, asyraýshysynan aıyrylý jaǵdaıy boıynsha shamamen 176,1 myń adamdy qurady.

Múgedektigi boıynsha memlekettik áleýmettik járdemaqylardyń mólsheri múgedektiktiń tobyna jáne sebebine, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilengen eń tómen kúnkóris deńgeıiniń shamasyna baılanysty bolady", - dep jazdy eńbek jáne halyqty áleýmettik qorǵaý mınıstrliginen.

Asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri qaıtys bolǵan asyraýshynyń asyraýyndaǵy adamdardyń sanyna, qaıtys bolý sebepterine jáne eń tómen kúnkóris deńgeıine baılanysty bolady.

Sonymen qatar, múgedektigi boıynsha jáne asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri 2023 jylǵy 1 qańtardan bastap eń tómen kúnkóris deńgeıiniń ulǵaıýyna baılanysty 8,5% - ǵa ósti, 2023 jylǵy 1 shildeden bastap ortasha eseppen 14,5% - ǵa qosymsha arttyryldy.

"Máselen, 2023 jylǵy 1 shildeden bastap jalpy aýrýlardan múgedektigi boıynsha MÁJ mólsheri 1-top úshin – 89 248 teńgeni, 2-top úshin – 71 398 teńgeni, 3-top úshin – 48 681 teńgeni quraıdy.

Budan basqa, mindetti áleýmettik saqtandyrý júıesine qatysýshylarǵa áleýmettik táýekelder týyndaǵan jaǵdaıda MÁSQ-tan áleýmettik tólemder tólenedi. Máselen, bıylǵy 10 aıdyń qorytyndysy boıynsha 97,5 myń adam eńbek etý qabiletinen aıyrylý boıynsha áleýmettik tólem, al 62,4 myńǵa jýyq otbasy asyraýshysynan aıyrylý boıynsha áleýmettik tólem aldy", - delingen vedomstvo jazbasynda.

Tólemderdiń mólsheri jeke jáne mynalarǵa baılanysty: sońǵy 2 jyldaǵy MÁSQ-qa áleýmettik aýdarymdar júrgizilgen ortasha aılyq tabys, eńbekke qabilettiliginen aıyrylý koeffıtsıentteri, asyraýyndaǵy adamdar sany, mindetti áleýmettik saqtandyrý júıesine qatysý ótili jáne tabysty aýystyrý.

Bul tólemder respýblıkalyq bıýdjetten tólenetin uqsas járdemaqylarǵa qosymsha júzege asyrylady, sondaı-aq 2023 jylǵy 1 shildeden bastap QR Úkimetiniń sheshimimen olardyń mólsheri 14,5% - ǵa ulǵaıtyldy.

1 qarashadaǵy jaǵdaı boıynsha eńbekke qabilettiliginen aıyrylý boıynsha áleýmettik tólemderdiń ortasha mólsheri 35 671 teńgeni, asyraýshysynan aıyrylý boıynsha 36 800 teńgeni qurady.