Elimizde mobıldi aýdarymdar 30 paıyzǵa jýyq qysqardy

<p>ASTANA. KAZINFORM &ndash; Ulttyq banktiń statıstıkalyq derekterine sáıkes, qańtar aıynda elimizde mobıldi aýdarymdar arqyly jasalatyn tólem kólemi shamamen 30 paıyzǵa qysqardy. Bul týraly atalǵan bank tóraǵasy Tımýr Súleımenov aıtty.</p>

«Biz tipti keıbir núktede qolma qol valıýtany qosymsha nyǵaıtýymyzǵa týra keldi. Óıtkeni, bastapqyda adamdar qolma qol aqshaǵa júgirdi. Memlekettik kirister komıteti tarapynan túsindirýler, keńester berilgennen keıin jaǵdaı tynyshtaldy jáne aldaǵy ýaqytta da tynyshtala beredi. Óıtkeni, munda turǵan qorqynyshty eshteńe joq. Qolma qol aqshasyz tólem deńgeıi qalpyna keledi dep úmittenemiz», - dedi ol elordada ótken brıfıngte BAQ ókilderiniń saýalyna oraı.

Aıta keteıik, osy jyldyń basynan bastap ártúrli tulǵalardan úsh aı qatarynan aı saıyn 100 nemese odan da kóp mobıldi aýdarymdar alǵan tulǵalardy ǵana, ıaǵnı, kásipkerlik qyzmettiń belgileri baıqalǵan jaǵdaıda tekserý júrgizile bastady.

Degenmen, taıaýda Premer-Mınıstrdiń orynbasary – Ulttyq ekonomıka mınıstri Nurlan Baıbazarov mobıldi aýdarymdardy tekserý máselesin qaıta pysyqtaıtyndaryn aıtqan edi.