Elimizde mektepke deıingi jastaǵy balalardyń damý kartasy engizildi
Mınıstrliktiń baspasóz qyzmeti habarlaǵandaı, bul karta balalardyń damýyn baqylaýǵa jáne olardyń boıynda daǵdylardyń qanshalyqty qalyptasqanyn baǵalaýǵa múmkindik beredi.
Mektepke deıingi bilim berý departamentiniń dırektory atap ótkendeı, bul karta bastaýysh synyp pedagogteri úshin balalardyń mektep baǵdarlamasyn odan ári meńgerýinde mańyzdy qural bolmaq. Karta tsıfrlyq formatqa aýystyrylyp, Ulttyq bilim berý derekter bazasymen ıntegratsııalanǵan, bul mektepterge aqparatty berýde mektepke deıingi jáne bastaýysh bilim berý arasyndaǵy úzdiksiz baılanysty qamtamasyz etedi.
«Mektepke deıingi jastaǵy balalardyń damý kartasy bizge ár balanyń qajettilikterin tereńirek túsinýge jáne ony mektepte sátti bilim alýǵa daıyndaýǵa múmkindik beredi. Kartada damýdyń barlyq mańyzdy aspektileri kórsetilgen: fızıkalyq jaǵdaıy, Tıptik oqý baǵdarlamasyn meńgerý barysynda qalyptasatyn kommýnıkatıvtik, tanymdyq, zııatkerlik, shyǵarmashylyq, zertteýshilik jáne áleýmettik-emotsıonaldyq daǵdylary. Mundaı júıeli tásil sapaly bilim berýdi qamtamasyz etedi jáne balalardyń bastaýysh mektepte sátti beıimdelýine yqpal etedi», - deıdi Manar Adamova.
Aıta keteıik, elimizde 2-6 jas aralyǵyndaǵy shamamen 1 mln balany qamtıtyn 11,5 myńnan astam mektepke deıingi uıym jumys isteıdi.
Balany mektepke deıingi uıymǵa qabyldaý úshin qandaı qujattar qajet ekenin jazǵan bolatynbyz.