Elimizde maımyl sheshegi aýrýy tirkelgen joq – DSM

<p>ASTANA. KAZINFORM &ndash; Sońǵy ýaqytta álemniń kóptegen elinde maımyl sheshegi aýrýy beleń ala bastady. Bul rette, QR Densaýlyq saqtaý mınıstrligi el shekarasynda jolaýshylardy tekserý júıeli júrgiziletinin atap ótti.</p>

«Memlekettik shekara arqyly ótkizý oryndarynda sanıtarlyq-karantındik baqylaý júrgiziledi. Shekarada asa qaýipti indetterge kúdikti naýqasty qashyqtan termometrııa arqyly anyqtaý (aldyn alý) boıynsha is-sharalar jalǵasady», – dedi QR Densaýlyq saqtaý birinshi vıtse-mınıstri Sultanǵazıev Tımýr.

Onyń aıtýynsha, maımyl sheshegi sırek kezdesetin juqpaly aýrý. Ol qyzba, jalpy ıntoksıkatsııa jáne ekzantemanyń (qyzarý) paıda bolýymen sıpattalady. Іndettiń ınkýbatsııalyq kezeńi 5-ten 21 kúnge deıin sozylady. Adamdarda deneniń qyzýy, álsizdik, bórtpe, qusý, lımfa túıinderiniń ulǵaıýy, bas aınalý sııaqty belgiler paıda bolmaq.

Infektsııa juqtyrǵan adamnyń qanymen nemese onyń bıologııalyq suıyqtyqtarymen, sondaı-aq aýrý janýardyń etin qoldaný arqyly da paıda bolýy múmkin.