Elimizde koronavırýstyń qandaı shtamdary aınalymda júr

<p>Densaýlyq saqtaý mınıstrligi elimizdegi koronavırýs ınfektsııasy shtamdarynyń aınalymyn zertteý nátıjesin jarııa etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Respýblıkada turaqty negizde vırýstardy genetıkalyq zertteýge monıtorıng júrgiziledi. Sońǵy sekvenırleý qorytyndysynda Qazaqstanda omıkron shtammynyń mynadaı nusqalary aınalymda júrgeni naqtylandy: XBB.1.9. – 31,3%, XBB.1,16 – 21,5%, EG.5 (Erıs) – 25,49%. VA2.86 (Pırola) nusqasy anyqtalǵan joq», - dep atap ótti mınıstrlikten agenttiktiń resmı saýalyna oraı.

Vedomstvonyń naqtylaýynsha, qazirgi ýaqytta koronavırýs ınfektsııasyna qarsy vaktsınamen qamtýǵa, qalǵan vaktsına kólemi men onyń jaramdylyq merzimine monıtorıng jasalyp otyrady.

Mınıstrlik usynǵan málimetke sáıkes, 2021 jyldan bastap búginge deıin elimizde 10,8 mln adam ekpeniń birinshi dozasyn, 10,6 mln adam ekinshi dozasyn alǵan. 

Munan bólek, Dúnıejúzilik densaýlyq saqtaý uıymy maquldaǵan vatsınanyń eki dozasyn 149 myń adam saldyrdy.

Sondaı-aq 5,8 mln adam revaktsınatsııadan ótip, 1,5 mln adam qaıta vaktsına saldyrdy.