Elimizde kólik jyldamdyǵyn tym qatty asyrǵandarǵa jaza kúsheıtilmek

<p>ASTANA. KAZINFORM &ndash; Elimizde jyldamdyqty 60 km/saǵ jáne odan joǵary shamada asyrǵandarǵa qatysty jaza kúsheıtilmek. Bul týraly Parlament Májilisiniń jalpy otyrysynda &laquo;Jol júrisi týraly&raquo; Zańyna jekelegen kólik quraldary túrleriniń júrýin uıymdastyrý jáne jol qaýipsizdigin tsıfrlandyrý máseleleri boıynsha ózgerister men tolyqtyrýlar engizý týraly&raquo; zań jobasyn talqylaý kezinde málim boldy.</p>

Májilistiń Ekonomıkalyq reforma jáne óńirlik damý komıtetiniń qorytyndysyna qaraǵanda, ruqsat etilgen jyldamdyqty asyratyn adamdar úshin ákimshilik jaýaptylyqty belgileýge, sondaı-aq qaıtalama quqyq buzý derekteri úshin qosymsha jaýaptylyq sharalaryn engizý eskerilgen. 

Atap aıtqanda, kólik quraldarynyń jyldamdyǵyn ruqsat etilgen jyldamdyqtan 60 km/saǵ jáne odan joǵary shamada asyrǵany úshin 40 AEK mólsherinde aıyppul salýdy kózdeıtin neǵurlym qatań jaýaptylyq engizý usynylǵan. 

Budan buryn habarlanǵandaı, búgin Májilistiń jalpy otyrysynda «Jol júrisi týraly» Zańyna jekelegen kólik quraldary túrleriniń júrýin uıymdastyrý jáne jol qaýipsizdigin tsıfrlandyrý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.