Elimizde kóbine bankrot bolǵan adamdardyń ortasha jasy neshede

<p>ASTANA. KAZINFORM &ndash; QR Qarjy mınıstrligi Memlekettik kirister komıteti kóbine bankrot retinde tanylyp jatqan adamdardyń &laquo;portretin&raquo; jasady.</p>

Memlekettik kirister komıteti basqarmasynyń basshysy Merýert Sısembaevanyń aıtýynsha, bankrottyq rásimderine 18 jastan 92 jasqa deıingi ártúrli jastaǵy adamdar júginip jatyr.

«Negizinen 40-42 jas aralyǵyndaǵy er adamdar ótinish bergen. Bul – bankrottyń ortasha jasy. Atap aıtqanda, negizgi bankrottardyń 50 paıyzy 5 jyldan astam qaryzyn ótemegen adamdar. Bul óz kezeginde olardyń birazdan beri nesıeleri boıynsha qıyndyqtarǵa tap bolǵanyn bildiredi. Qazirgi kezde 5 jyldan astam qaryzyn ótemegen 7295 adam bankrot dep tanyldy», - dedi M.Sısembaeva.

Eske salsaq, 2023 jyly 3 naýryzdan bankrottyqqa ótinim qabyldaý bastalady. 

Sodan beri19 tamyzdaǵy jaǵdaı boıynsha sottan tys bankrot rásimine 109 myń 696 adam ótinish berdi. 35 mlrd tegeden astam somaǵa 15,1 myń adam bankrot dep tanyldy.