Elimizde kıim-keshek pen aıaq kıim qymbattap, turmys zattary arzandady

<p>Qyrkúıekte azyq-túlikke jatpaıtyn ınflıatsııa baıaýlady. Bul týraly Úkimet otyrysynda Ulttyq bank tóraǵasynyń orynbasar Berik Sholpanqulov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Azyq-túlikke jatpaıtyn ınflıatsııa da qyrkúıekte baıaýlap, 12,1 paıyzdyq mándi kórsetti. Ótken jylǵy joǵary bazanyń yqpaly aıaqtalǵandyqtan, jeke paıdalanýǵa arnalǵan taýarlar, turmystyq zattar, qurylys materıaldary men dári-dármek baǵasynyń jyldyq ósimi baıaýlap keledi. Otynǵa bólshek saýdanyń shekti baǵasy ósti. Keıin rettelmeıtin otyn túrlerine baǵa sharyqtap, janar-jaǵarmaıdyń azyq-túlikke jatpaıtyn ınflıatsııadaǵy úlesi arta tústi. Qyrkúıekte kıim-keshek pen aıaq kıimniń, dári-dármek pen qatty otynnyń baǵasy ósti. Esesine turmystyq buıymdardyń baǵasy tómendegenin kórdik», - dedi Berik Sholpanqulov.

Onyń atap ótýinshe, aqyly qyzmetterdiń ınflıatsııasy shilde-tamyz aralyǵynda jedeldegennen keıin ótken jylǵy joǵary bazanyń shyǵýy esebinen qyrkúıekte 11,9 paıyzǵa deıin baıaýlady.

«Tarıfti ınvestıtsııaǵa aıyrbastaý» baǵdarlamasy aıasynda iske asatyn turǵyn úı kommýnaldyq qyzmetter tarıfiniń ósimi qyrkúıekte – 0,4, jyldyq mánde 13,6 paıyzǵa deıin baıaýlady. Rettelmeıtin qyzmetterdiń baǵasy ósý úrdisin saqtap qaldy. Jańa oqý jylynyń bastalýyna baılanysty bilim berý qyzmetterinde de baǵa tez ósti. Budan basqa, jaldaý aqysynyń, kólik pen ambýlatorııalyq qyzmetterdiń quny da óse túskeni baıqaldy», - dedi UB tóraǵasynyń orynbasary.