Elimizde kassatsııalyq sottar qurylady
Aıta keteıik, búgin Parlament palatalarynyń birlesken otyrysynda depýtattar «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» QR Konstıtýtsııalyq zańynyń jobasyn birinshi oqylymda maquldaǵan edi.
«Zań jobasy birinshi oqylymnan shyqty, ekinshi oqylymǵa deıin tolyqtyrýlar men ózgertýler bolýy múmkin. Eń basty jańalyq – kassatsııalyq sottardyń qurylýy. Bul máseleni zańgerler qaýymy burynnan kóterip keledi. Osy kezge deıingi tártip qalaı edi? Joǵarǵy sot bir sýdıa quramymen máseleni kassatsııalyq alqaǵa bere me, bermeı me, ózi sheshetin. Sony joıdyq. Prezıdent te bul jaıynda aıtqan bolatyn. Memleket basshysynyń tapsyrmasyna sáıkes, kassatsııalyq sottar óz aldyna bólek qurylyp jatyr», - dedi ol.
Sonymen qatar májilismen depýtattardyń qazirgi jaǵdaıyna toqtaldy.
«Jalpy, sýdıalardyń jaǵdaıy siz ben biz oılaǵandaı máz emes. Olardyń jalaqysy bir kezderi jaqsy kóterilip edi. Keıin ınflıatsııa saldarynan azaıdy. Sonymen qatar olardyń materıaldyq-tehnıkalyq, kólikpen, úımen qamtamasyz etilý máselesi sheshilmeı jatyr. Jalaqylary eń alǵash sýdıa bolǵan kezde 300 myń teńge ne oǵan da jetpeıdi dep oılaımyn. Alys aýdandarǵa eshkimniń barǵysy kelmeıdi. Jaýapkershilik te joǵary», - dedi Abzal Quspan.