Elimizde Qasym-Jomart esimdi 12 adam, bir Pýtın, segiz Baıden bar

<p>ASTANA. KAZINFORM &mdash; 2023 jylǵy qarashada Qazaqstan halqynyń sany 20 mln boldy, bul - bir jyl burynǵy kórsetkishten 1,3%-ǵa artyq. Halyq sany birte-birte ósip jatyr. Jyl saıyn shamamen 1,3-1,5% ósim bar. Tek 2022 jyly &mdash; karantınnen keıingi bebıbým jyly ósim 3,3% bolǵan edi.&nbsp;&nbsp;</p>

Ranking.kz málimetinshe, qazaqstandyqtardyń basym kóbi dástúrli túrde elimizdiń ońtústik aımaqtarynda — Almaty (2,2 mln adam, plıýs jylyna 3,1%), Túrkistan (2,1 mln adam, plıýs 1,1%) jáne Almaty (1,5 mln adam, plıýs 1,7%) oblystarynda turady. 

Elordada 1,4 mıllıon adam bar.

Halyq az turatyn óńir — Ulytaý oblysy: 221,6 myń adam — bir jyl burynǵydan 0,1%-ǵa artyq. Odan keıin Soltústik Qazaqstan (530,1 myń adam) jáne Abaı (607,6 myń adam) oblystary tur. 

12,5 mln adam — qalada (jylyna plıýs 2%), aýylda — 7,6 mln adam (plıýs 0,3%) turady.

29 aqpandaǵy málimet boıynsha elimizde Qazaqstan esimdi 24 adam tirkelgen.

Onyń eń kóbi Aqmola oblysynda turady: 7 adam.

Astanada mundaı esimdi taǵy 5 adam, Qaraǵandy ​​oblysynda 4 adam bar.

Sonymen qatar, Qazaqstan esimdi 3 adam — Qostanaı oblysynda, 2 adam — Mańǵystaý oblysynda, 2 adam — Shymkent qalasynda, 1 adam — Batys Qazaqstan oblysynda turady. 

Qazaqstandyqtardyń ishinde 24 Astana, 20 Almaty jáne 3 Shymkent bar.

Sonymen qatar, Qazaqstanda Semeı atty 27 adam, Atyraý esimdi 15 adam, 15 Túrkistan, 14 Taraz, 10 Aqtaý, bir Aqtóbe, bir Taldyqorǵan bar.

Saıası qaıratkerlerdiń atyn qoıý da dástúrge aınalǵan. Elimizde 12 Qasym-Jomart, 1 Pýtın, 1 Tramp jáne 8 Baıden turady.

Bıylǵy jyldyń qańtar aıynda Qazaqstanda jıi qoıylatyn eń tanymal esimder Medına men Álıhan boldy. 

Elimizde 517 Medına, 313 Álıhan bar.

Qyzdardyń esimi boıynsha úzdik bestikke Asylym (468 adam), Aısha (436 adam), Aılın (387 adam) jáne Tomırıs (318 adam) kirdi. 

Ul esimderiniń ishinde eń tanymal bestikke Muhammed (305 adam), Aısultan (238 adam), Muhammad (231 adam) jáne Aldııar (219 adam) kirdi.