Elimizde qansha adam 1,5 mln teńgeden astam jalaqy alady

<p>Ulttyq statıstıka bıýrosy 2023 jylǵy sáýirde qyzmetkerlerdiń sanyn eseptelgen jalaqy mólsherine bólý boıynsha jyl saıynǵy júrgizilgen zertteý qorytyndysyn jarııalady. Bul týraly <a href="https://kaz.inform.kz/" target="_blank" rel="noopener">Kazinform</a> Ulttyq statıstıka bıýrosyna silteme jasap habarlaıdy.&nbsp;</p>

Onyń qorytyndysyna saı kásiporyndar men uıymdardyń kórsetilgen toby boıynsha 2023 jylǵy sáýirde tolyq jumys istegen qyzmetkerler sany 3 437,3 myń adamdy qurady.

Zertteýge orta jáne shaǵyn kásiporyndardyń ishinara 30%-y iriktelip qatysty. Onda barlyq qosymsha aqy, ústemeaqy, syıaqy, salyq pen zeınetaqy aýdarymyn eskere otyryp, 2023 jylǵy sáýir aıy úshin naqty eseptelgen jalaqy týraly derekter paıdalanyldy.

Qyzmetkerlerdiń ortasha aılyq jalaqysy – 70 000 teńgeni qyzmetkerlerdiń 1,5%-y alady. 70 000-nan 150 000 teńgege deıin – 22,8%, 150 000-nan 300 000 teńgege deıin – 36,2%, 300 000-nan 600 000 teńgege deıin – 30,8%, 600 000-nan 900 000 teńgege deıin – 5,5%, 900 000-nan 1 200 000 teńgege deıin – 1,7%, 1 200 000 teńgeden 1 500 000 teńgege deıin – 0,6%, 1 500 000 teńgeden joǵary jalaqyny qyzmekterlerdiń 0,9%-y alady. 

Sondaı-aq 2023 jylǵy qyzmetkerler jalaqysynyń modaldi máni 81 377 teńgeni qurady.