Elimizde qalaaralyq taksı júrgizýshilerine talap kúsheıedi

<p>Óńiraralyq jolaýshylardy tasymaldaıtyn Indraıver, ıAndeks taksı qyzmetine talapty qatańdatý qaralyp jatyr, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

 

«Jol qaýipsizdigin qamtýdaǵy taǵy bir problema – jolaýshylardy zańsyz tasymaldaýshylar (ındraıver, ıandeks taksı qyzmeti). Taksıster paıda tabý úshin toqtaýsyz, uıqysyz jáne demalyssyz qalalar arasynda qatynaıdy. Jol qaýipsizdigi úshin bul – qaýipti. Keıbir kólikter tozǵan, uzaq jolǵa shydamaıdy. Taksı júrgizýshileri adamdardy tasymaldaýda jol erejeleri talaptaryn oryndamaıdy», - dedi Іshki ister birinshi vıtse-mınıstri Marat Qojaev Úkimet otyrysynda.

Osy oraıda mınıstrlik zańsyz tasymaldaıtyn qalaaralyq taksı júrgizýshilerine talapty kúsheıtpek.

«Jolǵa shyǵar aldynda medıtsınalyq jáne kúndelikti avtokólikti tekserý, jylyna 2 ret - tehnıkalyq baıqaýdan ótý, sondaı-aq júrgizýshiniń rólde 8 saǵattan artyq otyrmaýyn qarastyrý kerek», - deıdi ol.