Elimizde nıkab kııýge zańdy túrde tyıym salyna ma

<p>Mádenıet jáne aqparat mınıstri Aıda Balaeva kópshilik jerde nıkab kıip júrýge qatysty taǵy bir túsindirip ótti, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«Bizdiń qoldanystaǵy zańymyzda «destrýktıvti dinı aǵymdar» degen uǵym joq. Sondyqtan munda biz barlyq tarmaqtar boıynsha jumys júrgizýimiz kerek. Árıne, bul másele qoǵamnyń pikirin eskere otyryp, óte muqııat zertteýdi qajet etedi. Meniń oıymsha, bul baǵytta sarapshylar, teologtar bizge kómektesip qana qoımaı, búkil jurtshylyq qosylady dep oılaımyn. Óıtkeni búginde azamattyq qoǵam ınstıtýttary, úkimettik emes uıymdar bizben óte tyǵyz qarym-qatynasta. Biz josparlaǵan sharalar joǵaryda atalǵan ókildermen birge júzege asyrylady dep oılaımyn, - dedi Aıda Balaeva OKQ-ótken brıfıngide.

Sondaı-aq, BAQ ókilderi mınıstrden nıkab jáne basqa da dinı kıimderdi kııýge tyıym salyna ma dep surady.

"Árıne, biz bul normalardy zerttep, usynatyn bolamyz. Qoǵamdyq oryndarda nıkab kıip júrý álemdik tájirıbe ekenin kórip júrmiz. Bul jerde másele ulttyq qaýipsizdikte. Qoǵamdyq oryndarda betin tumshalap jaýyp júretinderdi taný óte qıyn. Taǵy bir aıta ketetin jaıt, bul másele qoǵammen birge zerttelýi tıis. Biz ýákiletti organ retinde osy baǵyttaǵy jumysty kúsheıtý jáne zańnamalyq normalardy qatańdatý boıynsha jumys isteıtin bolamyz", - dep túıindedi mınıstr.