Elimizde gaz baǵasy óse me – mınıstr jaýaby

<p>ASTANA. KAZINFORM &ndash; Elimizde gaz baǵasyn kezeń-kezeńinen kóterý josparlanyp otyr. Bul týraly Energetıka mınıstri Almasadam Sátqalıev málim etti.</p>

Energetıka mınıstriniń málimdeýinshe, búginde Qazaqstanda taýarlyq gazdyń 1 myń tekshe metri 33 169 teńge turady, al bekitilgen kóterme baǵasy 23 646 teńge.

«Gaz salasyna ınvestıtsııalar tartý jáne taýarlyq gazdyń ózindik qunyna qol jetkizý maqsatynda halyq úshin baǵanyń kúrt ósýine jol bermeýdi eskere otyryp, gaz baǵasynyń kezeń-kezeńimen kóterý talap etiledi», - dedi Almasadam Sátqalıev Úkimet otyrysynda.

Sondaı-aq, vedomstvo basshysy 1 shildeden bastap ishki naryqta taýarlyq gazdy kóterme saýdada ótkizýdiń shekti baǵasy qaıta qaralyp, orta eseppen 14,6%-ǵa ulǵaıǵanyn aıtty.

«Jalpy, 3 jyldyń ishinde ishki naryqta gazdy satýdyń shyǵynsyz bolýyna qol jetkizý josparlanyp otyr. Bul eldiń gazǵa qajettiligin jabýǵa jáne elimiz úshin mańyzdy ınvestıtsııalyq jobalardy iske asyrýǵa múmkindik beredi», - deıdi A.Sátqalıev.

Aıta ketsek, Úkimet basshysy Oljas Bektenov elimizde gazben qamtýǵa qatysty aryz-shaǵymnyń kóptigin aıtqan edi.