Elimizde Frantsýz azamattyq avıatsııa ýnıversıtetiniń fılıaly ashylýy múmkin
«Azamattyq avıatsııa akademııasy» AQ túlekterdiń bilim sapasyna jáne oqý protsesin zamanaýı materıaldyq-tehnıkalyq bazamen qamtamasyz etýge nazar aýdara otyryp, avıatsııa salasyna biliktiligi kadrlardy daıyndaýdy mańyzdy ról atqarady. Aıtalyq, 2023 jyly sheteldik seriktestermen, onyń ishinde «Baltic Aviation Academy Training» kompanııasymen yntymaqtasa otyryp, áýe kemeleriniń ushqyshtary men ınjenerlerin daıyndý úshin Eýropalyq ushý qaýipsizdigi agenttiginiń sertıfıkatyn alýdy josparlap otyr. Frantsýz azamattyq avıatsııa ýnıversıteti fılıalyn ashý boıynsha jumys júrgizilip jatyr», - dedi Úkimet basshysy jaýabynda.
Onyń aıtýynsha, qazirgi ýaqytta tıisti memorandým jobasy daıyndalýda.
«Akademııanyń áskerı ushqyshtary men ınjenerlerin qoldaný úshin bul baǵytta Qorǵanys mınıstrligimen birge jumys júrgizilip jatyr. Sonymen qatar Akademııa bazasynda «Avıatsııalyq zertteý» ǵylymı-zertteý ınstıtýtyn qurý josparlanǵan. Ol salalyq, irgelik jáne ǵylymı zertteýlerdi sheshetin bolady», - dedi Oljas Bektenov.
Aıta keteıik, ENAC Ulttyq azamattyq avıatsııa mektebi (Frantsýz azamattyq avıatsııa ýnıversıteti) - Frantsýz joǵary avıatsııalyq ınjenerlerdi daıarlaý oqý orny. ENAC búginde Eýropadaǵy jáne búkil álemdegi aeronavtıka salasyndaǵy negizgi kóshbasshy ári ınjenerııa, ushqyshtyq, aeronavıgatsııa salalarynda mamandardy daıarlaý boıynsha úzdik oqý ortalyǵy sanalady.