Elimizde eski kýpıýralar aınalymnan qashan shyǵarylady

<p>ASTANA. KAZINFORM &mdash; QR Ulttyq bankiniń tóraǵasy Tımýr Súleımenov el aýmaǵynda eski 5 jáne 10 myń teńgelik kýpıýra jańasyna qashan aıyrbastalatynyn túsindirdi.</p>

«Olardy arnaıy aýystyrmaımyz, ıaǵnı biz barlyǵyn eski kýpıýralardy ákelýge májbúrleımiz degen túsinik joq. Eki jyl boıy eski aqsha aınalymda qatar júredi. Eski banknottar tolyǵymen taýsylǵansha qabyldanady», - dedi T. Súleımenov elordada ótken baspasóz máslıhatynda.

Osy oraıda ol elimizde eski kýpıýralar áli de emin-erkin aınalymda bolatynyn aıtty.

«Eger sizde eski bes jáne on myń teńgelik kýpıýralar bolsa, olarmen tóleýge bolady. Qalaı bolǵanda da bankter olardy qabyldap, jańasyna aıyrbastaıdy», - dedi UB basshysy.

Eske salsaq, kúzde «saq stılindegi» jańa 10 000 teńgelikter jappaı taralady.

Jańa banknotalar kúzge qaraı jappaı taralady. Aldaǵy kúnderi aınalymǵa shyqqannan keıin, ekinshi deńgeıdegi bankter ony yńǵaılaıdy. ıAǵnı búkil kassalyq tehnıka, bankomattar men termınaldar jańa aqshaǵa qatysty tıisti beıimdeýden ótkennen keıin, shamamen qyrkúıek aıynda el halqynyń qolyna tıedi.

Jańa serııamen jańartylǵan nomınaly 5 000 teńgelik banknotalar aınalymǵa 2023 jyly 25 jeltoqsanda shyǵaryldy.