Elimizde dári-dármekti tıimsiz paıdalaný problemasy áldeqaıda aýqymdy - Aqmaral Álnazarova

<p>ASTANA. KAZINFORM &ndash; Dárilik jáne medıtsınalyq zattardy tıimsiz paıdalaný faktileri anyqtalyp jatyr. Bul týraly Parlament Májilisinde medıtsına salasyn talqylaýǵa arnalǵan jıynda Densaýlyq saqtaý mınıstri Aqmaral Álnazarova aıtty.</p>

«Medıtsınalyq uıymdardyń deregine qaraǵanda, aqpan aıynda olardyń kredıtorlyq bereshegi 57,3 mlrd teńgeni, onyń ishinde merzimi ótken qaryz 22 mlrd teńgege jetti. Bul máseleni depýtattar korpýsy únemi kóterip keledi. Kredıtorlyq bereshek sebepteriniń biri - qarjylyq tártiptiń bolmaýy jáne medıtsınalyq uıymdardy tıisti baqylamaý», - dedi A. Álnazarova.

Bul rette ol dárilik jáne medıtsınalyq zattardy tıimsiz paıdalaný faktileri anyqtalǵanyn aıtty.

«Dári-dármektiń shamadan tys jınalýy, sodan keıin olardy kedergisiz joıýy medıtsınalyq uıymdardyń qarjylyq turaqtylyǵynyń nasharlaýyna úlken qaýip tóndiredi. Osylaısha, kredıtorlyq bereshegi eń kóp 24 medıtsınalyq uıym boıynsha dárilik ári medıtsınalyq zattar 5,5 mlrd teńgeni qurady. Onyń ishinde 1,3 mlrd teńgege dárilik jáne medıtsınalyq zattar alynǵanymen, paıdalanylmaǵan. Sonymen qatar, jyl saıyn 450 mln teńgege jýyq dárilik ári medıtsınalyq zattar paılanylmaı joıylady eken. Bul tek 24 medıtsınalyq uıymǵa jasalǵan taldaý nátıjesi. Atap aıtqanda, dári-dármekti tıimsiz paıdalaný problemasy áldeqaıda aýqymdy», - dedi mınıstr.