Elimizde birinshi ret búırekti aıqas transplanttaý otasy jasaldy

<p>ASTANA. KAZINFORM &ndash; Qazaqstanda birinshi ret&nbsp; A.Syzǵanov atyndaǵy Ulttyq ǵylymı hırýrgııa ortalyǵynyń bazasynda&nbsp; basqarma tóraǵasy, professor Bolatbek Baımahanovtyń jetekshiligimen eresek patsıentterge <a target="_blank">búırekti aıqas&nbsp; transplanttaý otasy júrgizildi</a>. Bul týraly Densaýlyq saqtaý mınıstrliginiń baspasóz qyzmeti habarlady.</p>

Aıqas transplantattaý – bul kem degende eki sáıkes kelmeıtin juptan, aıqastyrý arqyly aǵzany qondyrý. Bul operatsııa donorlardy almastyrý qaǵıdaty boıynsha oryndalady. Eger týysqan donor retsıpıentke medıtsınalyq kórsetilimder boıynsha sáıkes kelmese, sondaı problemasy bar basqa donor tańdalady.

Dúnıe júzindegi, atap aıtqanda, bizdiń elimizdegi donorlyq aǵzalardyń tapshylyǵy jaǵdaıynda altrýıstik donorlyq, AVO-sáıkes kelmeıtin, búırekti aıqas transplantattaý balama bolyp tabylady.

Qazir bizdiń respýblıkamyzda da osyndaı operatsııalar praktıkaǵa engizildi. Aıqas transplantattaý eki juptyń – qan toby boıynsha ózara sáıkes kelmegen kúıeýi, áıeli jáne qyzy men anasynyń arasynda jasaldy. Bul patsıentter uzaq jyldar boıy baǵdarlamalyq gemodıalızde boldy.

Ókinishke qaraı, naýqastar uzaq ýaqyt gemodıalızde bola almaıdy. Óıtkeni ýaqyt óte kele olardyń jaǵdaıy birtindep nasharlaıdy. Óıtkeni gemodıalız donorlyq aǵzaǵa balama bolyp tabylmaıdy.

Bul jaǵdaıda eń oryndy sheshim osy juptardyń arasynda búırekti aıqas transplantattaý júrgizý boldy. Muqııat zerttep-qaraýdan, úılesimdilikti baǵalaýdan jáne patsıentterdiń arasyndaǵy barlyq kelisimderdi rásimdegennen keıin eki kúnniń ishinde eki búırekti transplantattaý sátti oryndaldy, eki búırek te sińise bastady.

Eki patsıenttiń de densaýlyq kórsetkishteri tez jaqsarýda jáne aýrýhanadan shyǵarýǵa daıyndalyp jatyr.