Elimizde birqatar tósbelgi men medal ataýy ózgerýi múmkin

<p class="MsoNormal" style="text-align: justify;"><span style="font-size: 18.0pt; line-height: 107%; font-family: 'Times New Roman',serif;">Memlekettik kúzet qyzmetiniń mamandaryn marapattaıtyn nagradalardyń ataýy ózgerýi múmkin, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span></p>

Ashyq NQA portalynda jarııalanǵan Prezıdent Jarlyǵynda jazylǵandaı, buǵan deıin «Elbasynyń qaýipsizdigin aıbyndy atqarǵany úshin» dep atalyp kelgen medal endi «Abyroıly qyzmeti úshin» bolyp ózgertiledi. Sonymen birge myna tósbelgiler de basqasha atalýy múmkin:

– «Elbasy qorǵany» (buryn) – «QR Memlekettik kúzet qyzmetiniń qurmetti qyzmetkeri» (usynyldy);

– «QR Memlekettik kúzet qyzmeti Aıryqsha maqsattaǵy kúshteriniń úzdigi» (buryn) – «QR Memlekettik kúzet qyzmetiniń úzdigi» (usynyldy);

– «Úzdik sportshy-jaýynger» (buryn) – «Úzdik sportshy» (usynyldy) tósbelgisi bolyp atalady.

«QR Konstıtýtsııasyna ózgerister men tolyqtyrýlar engizý týraly» QR 2022 jylǵy 8 maýsymdaǵy Zańyna sáıkes, sondaı-aq Qazaqstan Respýblıkasy Memlekettik kúzet qyzmetiniń negizgi mindeti memleket basshysynyń jáne basqa da kúzetiletin adamdardyń qaýipsizdigin qamtamasyz etý bolyp tabylatynyna baılanysty ózgeris engizý usynylady», - dep túsindirme berilgen Jarlyq jobasyna.

Buǵan qosa, tıisti qujatpen Memlekettik kúzet qyzmetinen bólek «Saılaý organdary júıesin damytýǵa qosqan úlesi úshin» jańa nagrada bekitilmek. Onymen Ortalyq saılaý komıssııasynyń mamandary marapattalady.