Elimizde birqatar alkogol ónimderi qymbattaıdy

<p>Elimizde keıbir alkogol ónimderi qymbattaıdy. Bul týraly Ulttyq ekonomıka mınıstri Álibek Qýantyrov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Menińshe, syra baǵasy qatty óspeıdi. Óıtkeni ol ózimizde shyǵarylady. Kúshtiligi joǵary keıbir alkogol túrlerine qatysty másele basqa. Olardyń aktsızi tómen. Qazirgi ýaqytta jaǵdaı túzeldi. ıAǵnı, ol aktsızderdiń baǵasy jylda ósip jatyr. Óıtkeni ol aılyq eseptik kórsetkishke baılanystyrylǵan. Olar naqty mánde bir deńgeıde turaqty bola almaıdy. Qyzdyrylatyn temekige, alkogoldiń keıbir túrlerine aktsız eselep ósti», - dedi mınıstr Májilis otyrysynan keıin BAQ ókilderiniń saýalyna oraı.

Onyń atap ótýinshe, sán-saltanat salyǵy aıasynda tańdaýly alkogolderdiń aktsızi kóteriledi.

«Brendı alkogoldiń túri bolǵanymen, oǵan az tóledik. Biraq onyń aktsızi keminde araqtyń aktsızimen birdeı bolýy tıis edi. Qazirgi ýaqytta bul aktsız birneshe ret kóterildi. Importtalatyn, ásirese tańdaýly alkogolderge qosymsha sán-saltanat salyǵy engiziletin bollady. Salyq birneshe ese artady», - dedi Álibek Qýantyrov.

Aıta keteıik, búgin Májilistiń jalpy otyrysynda Salyq kodeksine ózgertýler men tolyqtyrýlar engizýdi kózdegen zań jobasyn 1-oqylymda maquldandy. Qujatta syra qaınatý ónimderine aktsız stavkalaryn lıtrine 79 teńgeden 90 teńgege deıin kóterý kózdelgen.