Elimizde bıdaı, kúrish, maqta egý qysqartyldy

<p>ASTANA. KAZINFORM &ndash; Bıyl elimizde jalpy egis alańy 23,8 mln gektardy qurady. Onda bıdaı, kúrish alqaptary qysqaryp, maıly daqyldarǵa basymdyq berilgen. Bul jóninde Aýyl sharýashylyǵy mınıstri Aıdarbek Saparov Úkimet otyrysynda aıtty.</p>

Prezıdent tapsyrmasyna sáıkes, respýblıka boıynsha egis alqaptaryn ártaraptandyrý josparlaryna qol jetkizildi.

«Bıdaı alqaby 450,3 myń gektarǵa qysqardy, sondaı-aq maıly daqyldar jáne qant qyzylshasy alqaptary sáıkesinshe 608 myń jáne 9,4 myń gektarǵa ulǵaıtyldy. Sýdy kóp qajet etetin daqyldar alańy – kúrish 6,9 myń gektarǵa, maqta 16 myń gektarǵa qysqardy», - dedi A. Saparov Úkimettiń búgingi otyrysynda.

Memleket basshysy 5 jylda aýyl sharýashylyǵynyń jalpy óniminiń kólemin 2 esege arttyrý mindetin qoıdy.

Bıyl Ekonomıkalyq ósýdi qamtamasyz etý jónindegi birinshi kezektegi is-qımyl jospary sheńberinde salanyń ósimin 11,6% deńgeıinde qamtamasyz etý maqsaty qoıylǵan.

«Jyl basynan beri 6 aıda aýyl sharýashylyǵynyń jalpy óniminiń kólemi 3,4%-ǵa ulǵaıyp, 1,6 trln teńgeni qurady. Bul rette mal sharýashylyǵynda naqty kórsetkish ındeksi 103,5%, ósimdik sharýashylyǵynda naqty kórsetkish ındeksi – 103% quraǵan. Josparlanǵan 11,6% deńgeıdegi kórsetkishke qol jetkizý egin jınaý jumystary aıaqtalǵannan keıin aǵymdaǵy jyldyń ekinshi jartyjyldyǵynda qamtamasyz etiledi», - dedi Aýyl sharýashylyǵy mınıstri.