Elimizde baspanaǵa suranys kúrt artty

<p>ASTANA. KAZINFORM &ndash; Qazaqstanda shildede ótken aılarmen salystyrǵanda baspanaǵa suranys kúrt ósken. Mamandar jaz ýaqytynda turǵyndardyń úı máselesin retteýi zańdylyq ekenin alǵa tartyp otyr.</p>

Ulttyq statıstıka bıýrosynyń málimetinshe, 2024 jylǵy shildede tirkelgen turǵyn úıdi satyp alý-satý mámileleriniń sany 40 099-dy quraǵan. Onyń 9 126-sy jeke turǵyn úılerge, al 30 973-i kópqabatty úılerdegi páterlerge qatysty kelisimsharttar ekenin atap ótken jón.

2024 jylǵy maýsymmen salystyrǵanda turǵyn úıdi satyp alý-satý operatsııalarynyń sany 21,7%-ǵa ósti. Mámileler sany boıynsha Almaty (7 091) jáne Astana (6 843) qalalary jáne Qaraǵandy oblysy (3 208) kósh bastap tur.

«Batys Qazaqstan oblysyn qospaǵanda (5%-ǵa az) 2024 jyldyń shildesinde elimizdiń barlyq óńirlerinde tranzaktsııalardyń ósýi tirkeldi. 2024 jylǵy maýsymmen salystyrǵanda kóppáterli úılerdegi turǵyn úı operatsııalarynyń sany 24,5%-ǵa (6 088 tranzaktsııaǵa) artty», - delingen Ulttyq statıstıka bıýrosy usynǵan málimette.

Esterińizge salsaq, buǵan deıin bıyl elimizde baspana baǵasy 10-15 paıyzǵa qymbattaýy múmkin ekenin jazǵan edik.