Elimizde bank ombýdsmeniniń quzyreti keńeıtilmek

<p>Bank ombýdsmenine azamattardyń barlyq kredıti boıynsha daýlardy retteý mindetin engizý usynyldy. Bul týraly Parlament Májilisinde kredıt berý kezinde táýekelderdi azaıtýǵa arnalǵan zań jobasynyń tanystyrylymynda depýtat Mádı Takıev aıtty, dep habarlaıdy Kazinform.&nbsp;</p>

«Merzimi ótken bereshekti sotqa deıin retteý aıasynda azamattardyń quqyqtaryn qorǵaýdy kúsheıtilmek. Keıingi jyldary tutynýshy kredıttiń ósýi aıasynda azamattardyń problemaly bereshek deńgeıin tómendetýge kómektesý boıynsha kóptegen ótinish kelip tústi. Alaıda, qazir Bank ombýdsmeni tek ıpotekalyq nesıeler boıynsha daýlardy qarastyryp jatyr. Osyǵan baılanysty, bank ombýdsmenine azamattardyń barlyq kredıti boıynsha daýlardy retteý mindetin engizý usynyldy», - dedi Mádı Takıev.

Depýtattyń sózine qaraǵanda, bankter, mıkroqarjy uıymdary jáne kollektorlar úshin bank ombýdsmeniniń sheshimderin oryndaý mindettiligi engiziledi.

Aıta keteıik, búgin Májiliste Parlamenttiń bir top depýtaty bastamashy bolǵan «Qazaqstan Respýblıkasynyń keıbir zańnamalyq aktilerine kredıt berý kezinde táýekelderdi azaıtý jáne qaryz alýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasy tanystyryldy.