Elimizde balalardy mektepke qabyldaý tártibi ózgeredi

<p><span style="font-family: sans-serif; font-size: 18px;">Balalardy mektepke qabyldaýǵa qajet qujattardy tapsyrý merzimi ózgerýi múmkin. Bul týraly <a href="https://legalacts.egov.kz/npa/view?id=14716276" target="_blank" rel="noopener">Ashyq NQA</a> portalynda jarııalanǵan Oqý-aǵartý mınıstrliginiń buıryq jobasynda jazylǵan, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</span></p>

«Birinshi synypqa qabyldanatyn balalardyń ata-anasynan nemese ózge de zańdy ókilderinen qujat qabyldaý aǵymdaǵy jyldyń 1 sáýirinen bastap júzege asyrylady», - delingen qujattyń jańa redaktsııasynda.

Aıta keteıik, qoldanystaǵy talap boıynsha birinshi synypqa baratyn balalardan qujat qabyldaý 1 sáýir men 1 tamyz aralyǵynda júredi. Endi ol tamyzdan keıin de jalǵasa berýi yqtımal.

Óıtkeni, buǵan deıin bekitilgen aıaqtalý ýaqyty alynyp tastalmaq,

Sonymen qatar 10, 11, 12-shi synyptarǵa oqýshylardan qujat qabyldaý merzimi ózgeredi.

«Onynshy, on birinshi, on ekinshi synyptarǵa bilim alýshylardy qabyldaý olardyń jeke ótinishi ne ata-anasynyń nemese ózge de zańdy ókilderiniń ótinishiniń jáne negizgi orta bilim týraly memlekettik úlgidegi qujat negizinde júzege asyrylady. Ótinish kúntizbelik jyldyń 31 tamyzyna deıin qabyldanady», - dep jazylǵan Oqý-aǵartý mınıstrliginiń buıryq jobasynda.

Qazirgi erejege saı, atalǵan synyptarǵa balalardan qujat qabyldaý 15 tamyzda aıaqtalady. Endi onyń ýaqyty 31 tamyzǵa deıin uzarady.

Qujat 3 qazanǵa deıin kópshilik talqysynda bolady.