Elimizde áıelderge arnalǵan poıyzdar sany artady

<p>ASTANA. KAZINFORM &ndash; &laquo;Jolaýshylar tasymaly&raquo; AQ basqarma tóraǵasy Jánibek Taıjanovtyń aıtýynsha Qazaqstanda áıelderge arnalǵan poıyzdarǵa suranys artyp keledi.</p>

«Biz «Áıelder vagony» jobasyn odan ári damytý boıynsha áleýmettik saýalnama júrgizdik. Oǵan 600-den astam respondent qatysty. Áleýmettik saýalnama qorytyndysy boıynsha áıelder vagondaryn taǵy úsh baǵytta iske qosý týraly sheshim qabyldandy», - dedi Jánibek Taıjanov vedomstvoda ótken brıfıngide.

Foto: Vıktor Fedıýnın/Kazinform

Jańadan iske qosylatyn «Áıelder vagony» poıyzdary «Astanadan Semeıge, Aqtóbeden Almatyǵa jáne Almatydan Shymkentke qatynaıdy.

«2024 jyldyń birinshi toqsanynda 70 myńnan astam jolaýshy «áıelderge arnalǵan vagondar» qyzmetin paıdalandy. Bul kórsetkish 2023 jylmen salystyrǵanda 2 ese artqanyn kórsetip otyr. Áıelderge arnalǵan vagondarda jeti jasqa deıingi er balalardyń júrýine ruqsat», - deıdi ol.

Eske sala keteıik, búginde áıelderge arnalǵan 8 poıyz marshrýty bar:

- №77/78 «Almaty-Mańǵystaý»;
- №351/352 «Almaty - Óskemen»;
- №45/46 «Pavlodar-Túrkistan»;
- №37/38 «Mańǵystaý-Semeı»;
- №47/48 «Atyraý-Astana»;
- №33/34 «Aqtóbe - Almaty-1»;
- №4/3 «Astana-Almaty-2»;
- №71/72 «Astana-Shymkent».