Elimizde avtomobıl óndirisi 13 paıyz qysqarǵan

<p>ASTANA. KAZINFORM &ndash; Premer-mınıstrdiń orynbasary &ndash; Ulttyq ekonomıka mınıstri Nurlan Baıbazarov Úkimet otyrysynda Elimizde avtomobıl óndirisi 13 paıyz qysqarǵanyn aıtty.&nbsp;</p>

«Óńdeý ónerkásibinde oń ósý qarqyny saqtalyp keledi. Óndiris kólemi 4,8%-ke ósti. Ósý 14 óńirde tirkeldi. Eń úlken ósý qarqyny Qyzylorda, Ulytaý, Mańǵystaý, Túrkistan, Aqtóbe oblystarynda baıqalady. Óńdeý ónerkásibindegi ósý negizinen metallýrgııa óndirisi 8,3%-ke jáne mashına jasaý – 4,2%-ke ósti. Bul rette avtomobıl óndirisi 13,3%-ke qysqardy. Bul jyl sońyna deıin óndiristi ulǵaıtý úshin rezervterdiń bar ekendigin kórsetedi», - dedi mınıstr.

Sondaı-aq, elektr jabdyqtaryn jasaý 11,3%-ke, farmatsevtıkalyq ónimder 15%-ke, metall buıymdary – 31,1%-ke jáne jıhaz óndirisi 17,9%-ke óskeni aıtyldy.

«Taý-ken ónerkásibinde óndiris kólemi 1,2%-ke ulǵaıdy. Metall kenderin óndirý 7,7%-ke jáne tabıǵı gaz óndirý 3,4%-ke ulǵaıdy. Bul rette munaı óndirý 0,3%-ke, kómir óndirý 0,5%-ke qysqardy», - dedi ol.

Munaı óndirýdi esepke almaǵandaǵy ekonomıkanyń ótken jyldyń tıisti bazasyna qatysty ósýi 4,5% deńgeıinde baǵalanyp otyrǵanyn atap ótkim keledi.