Aýyl sharýashylyǵy tehnıkasy 76%, temirjol tehnıkasy 55% tozǵan

<p>ASTANA. KAZINFORM &ndash; Aýyl sharýashylyǵy boıynsha tehnıkanyń tozý deńgeıi 76%-ǵa jetti. Bul týraly QR Premer-Mınıstri Oljas Bektenov Úkimet otyrysynda aıtty.</p>

Premerdiń aıtýynsha, aýyl sharýashylyǵy tehnıkalaryn jańartý qarqyny is júzinde 5%-ǵa jetken, al norma 6-8% bolýǵa tıis. 

«Bıyl biz qoldaý sharalaryn tek otandyq aýyl sharýashylyǵy tehnıkasyn shyǵarýǵa ǵana qaıta baǵyttadyq. Importtyq analogtardy sýbsıdııalaý alynyp tastaldy. Sondaı-aq, tehnıka lızınginiń paıyzdyq mólsherlemesin sýbsıdııalaý kezinde otandyq tehnıka úshin aıtarlyqtaı tómen – saralanǵan tásil kózdeldi. Osy sharalardyń barlyǵy lokalızatsııalaýdy tereńdetýge, shyǵarylatyn tehnıka nomenklatýrasyn keńeıtýge jáne otandyq tehnıka parkin jańartýdy jedeldetýge yqpal etedi», - dedi O. Bektenov. 

Temirjol mashınasyn jasaý sektorynyń da damý áleýeti óte joǵary. Qazirgi tańda atalǵan salada tehnıkanyń tozý deńgeıi 55%-dy qurap otyr. 

«Buǵan deıin qoljetimdi lızıngtik qarjylandyrý tetigi iske qosylǵan bolatyn. Sonyń arqasynda bıyl sektorda óndiris kólemi 1,5 esege ósti. Biraq, bul áli de jetkiliksiz. Tasymaldaýshylardyń qajettilikteri tolyq kólemde jáne birinshi kezekte otandyq tehnıkanyń esebinen qamtamasyz etilýge tıis. Sondyqtan jumys qarqynyn arttyryp, daıyn ónimder men qosalqy bólshekter shyǵaratyn jańa jobalardy iske qosý qajet», - dedi Úkimet basshysy. 

Aıta keteıik, 9 aıda elde 5 myńnan astam traktor men kombaın qurastyrylǵan.

Sondaı-aq, Ónerkásip jáne qurylys mınıstri Qanat Sharlapaev Úkimet otyrysynda 2025 jyly Astana qalasynda «Shtadler» jolaýshylar vagondary qurastyrylatyny týraly aıtty.