Saran qalasy ákiminiń qyzmetinen bosatylýy, apta ishindegi ózge de kadrlyq taǵaıyndaýlar
Apta sońynda Qarjy mınıstri Mádı Takıev Qazaqstan voleıbol federatsııasyna basshy bolyp taǵaıyndaldy.
Ol bul qyzmette Nurtaı Ábiqaevty almastyrdy.
Mádı Takıev 1978 jyly 1 sáýirde Almaty oblysynda dúnıege kelgen.
1998-2012 jj. – Almaty qalasy boıynsha salyq departamentinde jumys istegen.
2012-2013 jj. – Qazaqstan Respýblıkasy qarjy mınıstrliginiń salyq komıteti basqarmasynyń bastyǵy.
2013-2014 j. – Ulttyq ekonomıka mınıstrliginiń salyq jáne keden saıasaty departamentiniń dırektory.
2014 j. – Qazaqstan Premer-mınıstri keńsesiniń áleýmettik-ekonomıkalyq bóliminiń bas keńesshisi.
2014-2017 jj. – Atyraý oblysy boıynsha memlekettik kirister departamentiniń basshysy.
2017-2019 jj. – Qazaqstan Respýblıkasy qarjy mınıstrligi memlekettik kirister komıtetiniń salyqtyq baqylaý departamentiniń dırektory.
2019 jyldyń 12 naýryzynan – Qazaqstan Respýblıkasy ulttyq ekonomıka vıtse-mınıstri qyzmetinde boldy.
2020 jyly qyrkúıekte Prezıdent Ákimshiliginiń Áleýmettik-ekonomıkalyq monıtorıng bóliminiń meńgerýshisi bolyp taǵaıyndaldy.
Qazir negizgi qyzmeti – QR Qarjy mınıstri.
***
Úkimet qaýlysymen Tımýr Muratuly Muratov densaýlyq saqtaý vıtse-mınıstri qyzmetine taǵaıyndaldy.
Tımýr Muratov 1977 jyly Abaı oblysynda dúnıege kelgen.
Semeı memlekettik medıtsına akademııasyn, Eýrazııa gýmanıtarlyq ınstıtýtyn, «QDSJM» Qazaqstandyq medıtsına ýnıversıtetin bitirgen.
Eńbek jolyn 2001 jyly Astana qalasynyń №6 emhanasynda dáriger-ýrolog bolyp bastaǵan.
Ár jyldary «Aq nıet» saýyqtyrý ortalyǵynda, Qorǵanys mınıstrliginiń Bas áskerı emhanasynda, Ulttyq ǵylymı medıtsınalyq ortalyǵynda jumys istedi.
2010-2015 jyldary — Astana qalasynyń №2 qalalyq aýrýhanasynda bólimshe meńgerýshisi, bas dáriger orynbasary.
2015-2017 jyldary — №2 Aqmola oblystyq aýrýhanasynyń bas dárigeri.
2017-2018 jyldary — Astana qalasy Densaýlyq saqtaý basqarmasy basshysynyń orynbasary.
2018-2019 jyldary — Astana qalasynyń Qalalyq jedel medıtsınalyq járdem stansasynyń bas dárigeri.
2019-2020 jyldary Prezıdent Іs basqarmasy Medıtsınalyq ortalyǵy aýrýhanasy dırektorynyń birinshi orynbasary boldy.
2020 jyldan 2023 jylǵa deıin — Astana qalasy Qoǵamdyq densaýlyq saqtaý basqarmasynyń basshysy.
2023 jyldan bastap qazirgi ýaqytqa deıin — QR DSM Ulttyq shuǵyl medıtsınany úılestirý ortalyǵynyń basqarma tóraǵasy.
***
Eńbek jáne halyqty áleýmettik qorǵaý mınıstriniń buıryǵymen Áset Baǵdatuly Shonov Qazaqstan Respýblıkasy Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy qyzmetine taǵaıyndaldy.
Áset Shonov 1986 jyly Aqmola oblysynda dúnıege kelgen.
L.N. Gýmılev atyndaǵy EUÝ jáne Eýrazııalyq gýmanıtarlyq ınstıtýtyn bitirgen.
Ár jyldary Ekonomıka jáne bıýdjettik josparlaý, Qarjy mınıstrlikteriniń qurylymdarynda sarapshy bolyp jumys istedi.
2013 jyldan 2014 jylǵa deıin boldy.QR Memlekettik qyzmet isteri agenttigi Josparlaý jáne bıýdjet bólimi josparlaý sektorynyń meńgerýshisi
2014 jyldan 2017 jylǵa deıin QR Ulttyq ekonomıka mınıstrligi Strategııalyq josparlaý jáne taldaý departamenti dırektorynyń orynbasary qyzmetin atqardy.
2017 jyldan 2019 jylǵa deıin QR Ulttyq ekonomıka mınıstrligi Jobalyq basqarý departamentiniń dırektory, QR Eńbek jáne halyqty áleýmettik qorǵaý mınıstrligi Áleýmettik kómek departamentiniń dırektory bolyp jumys istedi.
2019 jyldan 2021 jylǵa deıin — QR Premer-mınıstri Keńsesi Ekonomıkalyq bólimi meńgerýshisiniń orynbasary.
15.07.2021 bastap taǵaıyndalǵanǵa deıin QR Qarjy mınıstrligi Zań qyzmeti departamentiniń dırektory qyzmetin atqardy.
***
Venera Kalımova QR Ádilet mınıstrligi Tirkeý qyzmeti jáne zańgerlik qyzmetter kórsetýdi uıymdastyrý komıtetiniń tóraǵasy bolyp taǵaıyndaldy.
Venera Kalımova Q.Jubanov atyndaǵy Aqtóbe pedagogıkalyq ınstıtýtyn, Qazaq memlekettik zań akademııasyn bitirgen.
1995–2001 jyldary — Aqtóbe oblysy Ádilet basqarmasy zańdy tulǵalardy tirkeý bóliminiń jetekshi mamany, bas mamany.
2001–2017 jyldary QR Ádilet mınıstrligi Tirkeý qyzmeti komıteti Zańdy tulǵalardy tirkeý basqarmasynda jumys istep, bas maman qyzmetinen bastap departament dırektory bolyp jumys istedi.
2017-2019 jyldary «Azamattarǵa arnalǵan úkimet» memlekettik korporatsııasy» KeAQ basqarmasy apparatynyń Jyljymaıtyn múlik departamentiniń dırektory qyzmetin atqardy.
2023 jyldan bastap osy ýaqytqa deıin QR Ádilet mınıstrligi Tirkeý qyzmeti jáne zań qyzmetterin uıymdastyrý departamentiniń dırektory bolyp qyzmet etti.
***
Almaty oblysy Talǵar aýdanynda prokýror qyzmetine Erlan Taǵaev taǵaıyndaldy.
Erlan Alıjanuly Taǵaev prokýrorlyq qyzmetin Almaty oblysynyń prokýratýrasynda bastap, keıin Qaraǵandy jene Shyǵys Qazaqstan oblystarynda jalǵastyrǵan.
Talǵar aýdany prokýrory bolyp taǵaıyndalǵanǵa deıin Kýrchatov qalasy túzeý mekemelerinde zańdylyqtyn saqtalýyn qadaǵalaý jónindegi arnaıy prokýrory, Kúrshim aýdany, Aıagóz, Abaı jáne Jańasemeı aýdandarynyń prokýrory qyzmetin atqarǵan.
***
Abaı oblysynyń qurylys basqarmasynyń basshysy bolyp Shyńǵys Rıahanov taǵaıyndaldy.
Shyńǵys Nurtasuly Rıahanov 1979 jyly 25 jeltoqsanda Abaı oblysy Abaı aýdany Qaraýyl aýylynda dúnıege kelgen.
Óskemen qalasyndaǵy Shyǵys Qazaqstan memlekettik ýnıversıtetin «Qoldanbaly matematıka jáne ınformatıka» mamandyǵy boıynsha, Qaraǵandy memlekettik tehnıkalyq ýnıversıtetin «Qurylys materıaldaryn, buıymdaryn jáne konstrýktsııalaryn óndirý» mamandyǵy boıynsha bitirdi. «Bolashaq» baǵdarlamasy boıynsha Mıchıgan ýnıversıtetiniń magıstranty, tehnıkalyq ǵylymdar magıstri.
Eńbek jolyn 2000 jyly Shyǵys Qazaqstan memlekettik ýnıversıtetiniń matematıkalyq modeldeý jáne kompıýterlik tehnıka kafedrasynyń taǵylymger-oqytýshysy bolyp bastady.
2001-2002 jyldary Qazaqstan Respýblıkasy Memlekettik qupııalardy qorǵaý jónindegi agenttiginiń jetekshi mamany.
2002-2003 jyldary Qazaqstan Respýblıkasynyń Premer-Mınıstri Keńsesiniń Memlekettik qupııalardy qorǵaý jónindegi bóliminiń referenti.
2009-2010 jyldary «Saryarqa» ÁÁK» UK» AQ bıznes-jobalar departamentiniń dırektory.
2010-2011 jyldary «Nazarbaev zııatkerlik mektepteri» DBBU basqarýshy dırektory.
2011-2017 jyldary «Salynyp jatqan Nazarbaev zııatkerlik mektepteri dırektsııasy» JM, dırektordyń orynbasary, dırektor.
2018 jyldan 2024 jyldyń 11 maýsymyna deıin kásipkerlik salasynda qyzmet etti.
***
Oral qalasy ákiminiń ókimimen Aslan Tapıshev Oral qalasy ákiminiń orynbasary bolyp taǵaıyndaldy.
Aslan Nurlanuly 1985 jyly Batys Qazaqstan oblysynda dúnıege kelgen.
Bilimi joǵary. Jáńgir atyndaǵy Batys Qazaqstan agrarlyq-tehnıkalyq ýnıversıteti men
Batys Qazaqstan ınjenerlik-gýmanıtarlyq ýnıversıtetin veterınarlyq medıtsına jáne quqyqtaný mamandyqtary boıynsha támamdaǵan.
Eńbek jolyn «Jasyl el» jastar eńbek jasaqtarynyń respýblıkalyq shtaby» BQO fılıalynyń basshysy qyzmetinen bastady.
BQO qoǵamdyq damý basqarmasynyń «Jastar resýrstyq ortalyǵy» KMM basshysy bolyp eńbek etti.
2020 jyldan bastap Batys Qazaqstan oblystyq «Azamattyq alıansy» qaýymdastyǵy» zańdy tulǵalar birlestiginiń prezıdenti qyzmetin atqardy.
Aslan Tapıshev qalalyq jumyspen qamtý jáne áleýmettik baǵdarlamalar, ishki saıasat, mádenıet jáne tilderdi damytý, dene shynyqtyrý jáne sport bólimderiniń qyzmetine jetekshilik etetin bolady.
***
Sondaı-aq osy aptada Qaraǵandy oblysy ákiminiń ókimimen Saran qalasynyń basshysy Erkin Baýlyqov qalada jylý berý maýsymynyń bastalýynda olqylyq jibergeni úshin atqaratyn qyzmetinen bosatyldy. Qala basshysy mindetin ýaqytsha osyǵan deıin Saran qalasy ákiminiń orynbasary bolǵan Maqsat Qaıreshov atqaratyn boldy.