Elimizde apta ishinde bolǵan kadrlyq taǵaıyndaýlar
Professor Dos Sarbasov - Nazarbaev Ýnıversıtetiniń Jaratylystaný, áleýmettik jáne gýmanıtarlyq ǵylymdar mektebiniń oqytýshysy, bıohımııa jáne molekýlalyq bıologııa ǵylymdarynyń kandıdaty (AQSh). Doktor Sarbasov uzaq ýaqyt amerıkalyq MD Anderson onkologııa ortalyǵynda jumys istep, 27 jyldan keıin Qazaqstanǵa oraldy. 2020 jyldan beri professor Nazarbaev Ýnıversıtetindegi National Laboratory Astana zerthanasyn basqarady. Komandasymen birge professor qaterli isiktiń KRAS-mýtantty túrlerin emdeýdi aıaqtaýdy kózdep otyr. Ol S dárýmeniniń joǵary dozadaǵy D-formasynyń (D-VC) shaǵyn kontsentratsııadaǵy kúshalamen (arsenic trioxide, ATO) qosyndysyna negizdelgen.
Sarbasov 80-nen astam ǵylymı jarııalanym men 37 qoljazbanyń avtory, mTOR aqýyzynyń ósýdegi, jasýshalardyń kóbeıýindegi, mRNQ transkrıptsııasyndaǵy jáne jasýsha ishindegi aqýyz bıosıntezindegi rólin ashýshylardyń biri. Amerıkalyq bıohımııa jáne molekýlalyq bıologııa qaýymdastyǵynyń, Prezıdent janyndaǵy ǵylym jáne tehnologııalar jónindegi ulttyq keńestiń múshesi.
Joǵarǵy sottyń kommýnıkatsııa bóliminiń meńgerýshisi qyzmetine Perızat Sádýaqas taǵaıyndaldy.
Perızat Sádýaqas Qaraǵandy oblysynda dúnıege kelgen. E.Bóketov atyndaǵy Qaraǵandy memlekettik ýnıversıtetin bitirgen, tarıhshy, zańger. Tarıh ǵylymdarynyń kandıdaty. 4-shi sanatty biliktilik synyby bar.
2002-2009 jyldary Qaraǵandy qalasyndaǵy M.Jumabaev atyndaǵy №39 mektep-gımnazııanyń, E.Bóketov atyndaǵy Qaraǵandy memlekettik ýnıversıteti tarıh fakýltetiniń oqytýshysy, Qaraǵandy memlekettik medıtsına akademııasynyń oqý-klınıkalyq ortalyǵynyń ınspektory; 2009-2017 jyldary Qaraǵandy oblystyq tilderdi damytý basqarmasynyń jetekshi mamany, QR Mádenıet jáne aqparat mınıstrligi Aqparat jáne muraǵat komıtetiniń sarapshysy, QR Prezıdenti Baspasóz qyzmetiniń referenti, sarapshysy, QR Prezıdenti Ákimshiligi Іshki saıasat bóliminiń sarapshysy, ınspektory, "M.Nárikbaev atyndaǵy KAZGıÝÝ" AQ Basqarma Tóraǵasynyń keńesshisi; 2019-2024 jyldary QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Seriktestik departamenti dırektorynyń orynbasary, dırektory, QR Sybaılas jemqorlyqqa qarsy is-qımyl agenttiginde (Sybaılas jemqorlyqqa qarsy qyzmet) úzdiksiz qyzmet, Ulytaý oblysy ákiminiń, QR Aqparat jáne qoǵamdyq damý mınıstriniń keńesshisi, QR Mádenıet jáne aqparat mınıstrliginiń Azamattyq qoǵam isteri komıteti tóraǵasynyń orynbasary bolǵan, «Qurmet» ordenimen, «Qazaqstan Konstıtýtsııasyna 20 jyl» merekelik medalimen marapattalǵan.
AMANAT partııasy Saıası keńesi Bıýrosynyń qaýlysymen Parlament Májilisi depýtatynyń partııalyq tizim boıynsha bos mandaty Baıtilesov Nursultan Tólenulyna berildi.
Nursultan Baıtilesov 1991 jyly týǵan. M. Áýezov atyndaǵy Ońtústik Qazaqstan memlekettik ýnıversıtetin «quqyqtaný» mamandyǵy boıynsha, Óńirlik áleýmettik-ınnovatsııalyq ýnıversıtetin «ekonomıka jáne bıznes» mamandyǵy boıynsha bitirgen. Zań ǵylymdarynyń magıstri.
2009 jyldan bastap Astana qalasy Almaty aýdandyq sotynyń jetekshi mamany, bas maman-sot otyrysynyń hatshysy, sot prıstavy, bas mamany, Atyraý, Pavlodar oblystyq sottarynyń keńsesi basshysynyń orynbasary, Joǵarǵy Sot janyndaǵy Sottardyń qyzmetin qamtamasyz etý departamentiniń bas konsýltanty bolyp qyzmet atqarǵan. 2016-2018 jyldary Joǵarǵy Sot janyndaǵy Sottardyń qyzmetin qamtamasyz etý depar¬tamentiniń halyqaralyq baılanystar jáne protokol bólimi meńgerýshisiniń orynbasary bolǵan. 2020 jyly Nursultan Tólenuly Baıtilesov Joǵarǵy Sot apparaty basshysynyń orynbasary qyzmetin atqardy. Ol jas kadrlar rezervi quramyna kirgen.
Aqtóbe oblystyq densaýlyq saqtaý basqarmasynyń basshysy qyzmetine Nurbol Tympıev taǵaıyndaldy.
Nurbol Tympıev 1991 jyly Qostanaı oblysynda dúnıege kelgen. 2014 jyly Marat Ospanov atyndaǵy Batys Qazaqstan memlekettik medıtsına ýnıversıtetin, 2018 jyly Chehııa Respýblıkasynyń Halyqaralyq ekonomıkalyq ınstıtýtyn, 2023 jyly Báıishev Ýnıversıtetin támamdaǵan.
Eńbek jolyn 2014 jyly Qostanaı oblysynyń Naýryzym aýdandyq ortalyq aýrýhanasynyń dárigeri bolyp bastaǵan. 2015-2018 jyldary Qostanaı onkologııalyq dıspanseriniń dárigeri, №1 Aqtóbe qalalyq emhanasynyń dárigeri, Aqtóbe oblystyq aýrýhanasynyń epıdemıolog dárigeri, Otbasylyq medıtsına ortalyǵynyń epıdemıolog dárigeri bolyp jumys istegen. 2018-2023 jyldary «Asyl-Med» JShS-niń dırektory, Qarǵaly qalalyq aýrýhanasy bas dárigeriniń orynbasary, «Áleýmettik medıtsınalyq saqtandyrý qory» KeAQ AOF satyp alý bóliminiń basshysy qyzmetterin atqarǵan
Aqtóbe oblystyq energetıka jáne turǵyn-úı kommýnaldyq sharýashylyǵy basqarmasy basshysy qyzmetine Arysulan Aıtbaev taǵaıyndaldy.
Arysulan Aıtbaev Aqtóbe oblysynyń Yrǵyz aýdanynda dúnıege kelgen. Joǵary bilimdi maman 2009 jyly Qazaq bas sáýlet-qurylys akademııasyn támamdaǵan.
Eńbek jolyn 2009 jyly «BogomolovPrektGrýpp» JShS-niń jobalaýshy ınjeneri bolyp bastaǵan. Qurylys, sonyń ishinde ınjenerlik jeliler qurylysymen aınalysatyn jeke kásipkerlik sýbektilerinde túrli laýazymda jumys istegen. 2023 jyldyń qarasha aıynan bastap osy kezge deıin «Aqtobe su-energy group» AQ bas dırektorynyń orynbasary qyzmetin atqaryp keldi.
Soltústik Kaspıı jobasynyń operatory – NCOC kompanııasynyń jańa basqarýshy dırektory laýazymyn Djankarlo Rýıý atqaratyn boldy.
Djankarlo Rýıýdyń Qazaqstanda jáne halyqaralyq aýqymdaǵy munaı-gaz ken oryndaryn basqarý strategııasy salasynda jıyrma jyldan astam tájirıbesi bar. Ol Italııadaǵy Pıza ýnıversıtetin bitirip, «Azamattyq qurylys» magıstri dárejesin alǵan. Sodan beri basqarýshylyq daǵdysyn jetildirip, múddeli taraptarmen berik qarym-qatynas ornatý boıynsha tájirıbe jınaqtady. Ol túrli óndiristik jobalardyń barlaý, ıgerý jáne paıdalaný, sondaı-aq bıznesti damytý jumystarynyń tolyq tsıklin qamtıtyn salalaryna jaýapty jumystardy atqaryp keldi.
Ár jyldary Abý-Dabıdegi Eni/ADNOC birlesken kásipornynda jerústi operatsııalary baǵdarlamasynyń jetekshisi, «Eni Ghana» kompanııasynyń basqarýshy dırektory, «North Caspian Operating Company» kompanııasynyń 1-kezeńdi ázirleý jónindegi dırektory laýazymyn atqarǵan. Osy kezge deıin «Karachaganak Petroleum Operating B.V.» kompanııasynyń bas dırektory bolǵan.