Elimizde apta ishinde bolǵan kadrlyq taǵaıyndaýlar
Atap aıtqanda, Memleket basshysynyń ókimimen Qanataı Jorabekuly Dalmatov Qazaqstan Respýblıkasy Ulttyq qaýipsizdik komıteti Tóraǵasynyń orynbasary laýazymyna taǵaıyndaldy.
***
QR Úkimetiniń qaýlysymen Kegen Ahmetuly Tursynbaev Tótenshe jaǵdaılar vıtse-mınıstri qyzmetine taǵaıyndaldy.
Ol 1971 jyly Shyǵys Qazaqstan oblysynda dúnıege kelgen. Lenın komsomoly atyndaǵy eki márte Qyzyl Týly Rıazan joǵary áýe desanttyq komandalyq ýchılışesin, L.N. Gýmılev atyndaǵy Eýrazııa memlekettik ýnıversıtetin, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn bitirgen.
Ár jyldary QR Respýblıkalyq ulany, QR Ulttyq qaýipsizdik komıtetiniń Shekara qyzmeti qatarynda qyzmet etken.
2020-2021 jyldary Shyǵys Qazaqstan oblysy boıynsha Tutynýshylardyń quqyqtaryn qorǵaý komıteti departamentiniń basshysy bolyp jumys istedi. 2021-2022 jyldary — QR Prezıdenti Іs basqarmasynyń bólim bastyǵy. 2022-2024 jyldary QR Іshki ister mınıstrliginiń qurylymynda basshylyq qyzmetter atqardy. 2024 jylǵy sáýirden bastap qazirgi ýaqytqa deıin — QR TJM Azamattyq qorǵanys jáne áskerı bólimder komıtetiniń tóraǵasy.
***
Kólik mınıstriniń buıryǵymen Jánibek Jumauly Taıjanov Kólik mınıstrligi Temirjol jáne sý kóligi komıtetiniń tóraǵasy qyzmetine taǵaıyndaldy.
Ol 1982 jyly Aqmola oblysynda dúnıege kelgen. T. Rysqulov atyndaǵy Qazaq ekonomıkalyq ýnıversıtetin, Qazaq qatynas joldary ýnıversıtetin, Azamattyq avıatsııa akademııasyn bitirgen.
Eńbek jolyn 2003 jyly bastaǵan, uzaq jyldar boıy «Qazaqstan temir joly» UK fılıaldarynda jumys istedi. 2014-2019 jyldary — QR Investıtsııalar jáne damý mınıstrligi, Indýstrııa jáne ınfraqurylymdyq damý mınıstrligi departamenti dırektory.
2019-2022 jyldary — QR IIDM Kólik komıteti tóraǵasynyń orynbasary. 2022 jyldyń naýryz aıynan bastap qazirgi ýaqytqa deıin — «Qazaqstan temir joly» UK «Jolaýshylar tasymaly» AQ basqarma tóraǵasy – bas dırektory.
***
Qydyrberdi Ándiruly Bekov QR Ekologııa jáne tabıǵı resýrstar mınıstrligi apparatynyń basshysy qyzmetine taǵaıyndaldy.
Ol 1977 jyly dúnıege kelgen. Qorqyt Ata atyndaǵy Qyzylorda memlekettik ýnıversıtetin, Sh.Esenov atyndaǵy Kaspıı tehnologııalar jáne ınjınırıng ýnıversıtetin bitirgen. Eńbek jolyn 2001 jyly Mańǵystaý oblystyq jerge ornalastyrý bóliminde ınjener-jerge ornalastyrýshy bolyp bastaǵan. 2004-2010 jyldary Mańǵystaý oblysy ákiminiń apparaty Jer resýrstary basqarmasynda jerge ornalastyrý boıynsha bas maman, bólim bastyǵy jáne bas ınspektor bolyp jumys istedi.
2010-2011 jyldary — Mańǵystaý oblysy Basqudyq aýyldyq okrýginiń ákimi. 2011-2023 jyldary — Mańǵystaý oblysy Qaraqııa aýdany ákiminiń orynbasary, aýdan ákimi.
2023-2024 jyldary — QR Úkimeti Apparatynyń óńirlik ınspektory.
***
Qazaqstan Respýblıkasy Prezıdenti ákimshiliginiń kelisimi boıynsha Іshki ister mınıstriniń buıryǵymen Meıram Ábikeev Almaty oblystyq polıtsııa departamentiniń bastyǵy bolyp taǵaıyndaldy.
Polıtsııa polkovnıgi Meıram Ábikeev buǵan deıin Soltústik Qazaqstan oblysy ІІD bastyǵynyń orynbasary bolǵan.
***
Qyzylorda qalasynyń ákimi qyzmetin atqarǵan Serik Qojanııazov endi «Petro Qazaqstan Qumkól Resorsız» kompanııasy vıtse-prezıdenti qyzmetine taǵaıyndaldy.
Serik Qojanııazov 1965 jyly Qyzylorda qalasynda dúnıege kelgen. 1989 jyly Kýzbass polıtehnıkalyq ınstıtýtyn (RF) «Injener-mehanık» mamandyǵy boıynsha bitirdi. 2002 jyly L.Gýmılev atyndaǵy Eýrazııa memlekettik ýnıversıtetiniń Qyzylorda fılıalyn ekonomıst-qarjyger mamandyǵy boıynsha bitirgen.
Eńbek jolyn 1989 jyly Qyzylorda qalasyndaǵy №2 mehanıka-jóndeý zaýyty ýchaskesiniń ınjener-tehnology, sheberi bolyp bastaǵan. 1992-1999 jyldary «Serik» shaǵyn kásipornynyń, «Arko-ınvest» ınvestıtsııalyq jekeshelendirý qorynyń dırektory boldy. Odan keıingi jyldarda Qyzylorda qalasy ákiminiń janyndaǵy «Qalalyq bıznes-ortalyq» memlekettik kásipornynyń jáne Qyzylorda oblysy ákiminiń janyndaǵy «Investıtsııalar tartý jáne baǵaly qaǵazdar naryǵyn damytý ortalyǵy» memlekettik kásipornynyń dırektory, Qyzylorda qalasyndaǵy «Senim» ashyq jınaqtaýshy zeınetaqy qorynyń dırektory qyzmetterin atqardy.
2001-2007 jyldary Qyzylorda oblysy ákimi apparatynyń naryqtyq ınfraqurylymdy qalyptastyrý bóliminiń meńgerýshisi, Qyzylorda oblysynyń kásipkerlik jáne ónerkásip departamentiniń dırektory;
2007-2008 jyldary Qyzylorda qalasynyń ákim laýazymynda bolsa, 2008- 2014 jylǵa deıin QR Premer-Mınıstri Keńsesiniń uıymdastyrý jumysy jáne Óńirlik damý bóliminiń bas ınspektory, osy bólim meńgerýshisiniń orynbasary, budan ári Premer-Mınıstr Keńsesiniń Óńirlik damý bóliminiń meńgerýshisi, 2014-2019 jylǵa deıin Qyzylorda oblysy ákiminiń orynbasary, QR Prezıdentiniń Baıqońyr keshenindegi arnaıy ókili, 2019-2022 jylǵa deıin QR ekologııa, geologııa jáne tabıǵı resýrstar vıtse-mınıstri, 2022-2024 jylǵa deıin Qyzylorda oblysy ákiminiń birinshi orynbasary qyzmetin atqarǵan.
Al 2024 jylǵy qańtar-tamyz aılary aralyǵynda Qyzylorda oblysy ákiminiń ókimimen Qyzylorda qalasynyń ákimi qyzmetin atqardy.
***
Elordalyq «Barys» hokkeı komandasynyń bas dırektory qyzmetine Nurlan Orazbaev taǵaıyndaldy. Bul sheshimdi «Týrızm jáne sport ındýstrııasyn qoldaý qory» korporatıvtik qory qabyldady.
Sonymen qatar qazaqstandyq maman Ǵalym Mámbetálıev «Barys» hokkeı klýbynyń bas bapkeri qyzmetine taǵaıyndaldy.
Ǵalym Mámbetálıev 1965 jyly dúnıege kelgen. Sporttyq mansabynda 1980-2002 jyldar aralyǵynda reseılik jáne qazaqstandyq klýbtardyń namysyn qorǵady. 2002 jyldan beri bapkerlik qyzmetpen aınalysady. Buǵan deıin elordalyq klýbta 2004-2005, 2017-2018, 2023 jyldarda bas bapker jáne kómekshisi qyzmetterin atqardy. Sondaı-aq, elimizdiń ulttyq quramasyna 2018, 2023 jyldarda jetekshilik etti.