Elimizde apta ishinde bolǵan kadrlyq taǵaıyndaýlar
Abaı oblysynyń densaýlyq saqtaý basqarmasynyń basshysy bolyp Talǵat Qarkenuly Moldabekov taǵaıyndaldy.
Talǵat Qarkenuly 1969 jyly 20 maýsymda Semeı qalasynda dúnıege kelgen. 1993 jyly Semeı memlekettik medıtsına ınstıtýtyn «dáriger kardıolog» mamandyǵy boıynsha, 2021 jyly Ál-Farabı atyndaǵy Qazaq ulttyq ýnıversıtetin «iskerlik ákimshilik magıstri» mamandyǵy boıynsha bitirgen.
Eńbek jolyn 1994 jyly Semeı qalasynyń ortalyq qalalyq aýrýhanasy kardıologııa bóliminiń dárigeri bolyp bastap, 2017 jylǵa deıin medıtsınanyń túrli salalarynda maman bolyp jumys istedi. «Respýblıkalyq shuǵyl medıtsınalyq kómek ǵylymı ortalyǵy» AQ (Astana qalasy) kardıologııa bóliminiń meńgerýshisi, «UMC» korporatıvtik qorynyń Ulttyq onkologııa jáne transplantologııa ǵylymı ortalyǵynda (Astana qalasy) kardıologııa jáne nevrologııa bóliminiń meńgerýshisi, № 1 «Ulttyq ǵylymı onkologııalyq ortalyq» JShS (Astana qalasy) terapııa bóliminiń meńgerýshisi boldy.
2022 jyly Ulttyq ǵylymı onkologııa ortalyǵy kópsalaly terapııa ortalyǵynyń meńgerýshisi bolyp jumys istedi. Sondaı-aq, dál osy 2022 jyly Abaı oblysynyń densaýlyq saqtaý basqarmasy basshysynyń strategııalyq damý jónindegi orynbasary boldy. Jańa qyzmetke taǵaıyndalǵanǵa deıin Abaı oblysynyń densaýlyq saqtaý basqarmasy basshysynyń mindetin atqarýshy boldy.
Abaı oblysy jumyspen qamtý jáne áleýmettik baǵdarlamalardy úılestirý basqarmasynyń basshysy bolyp Aıman Nurlybek taǵaıyndaldy.
Aıman Nurlybek 1989 jyly 13 sáýirde dúnıege kelgen. 2008 jyly Óskemen ekonomıka jáne qarjy kolledjin «Baǵalaý» mamandyǵy boıynsha, 2011 jyly D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin «Esep jáne aýdıt» mamandyǵy boıynsha bitirgen.
Eńbek jolyn 2008 jyly «ShQO dene shynyqtyrý jáne sport basqarmasy» MM statısti bolyp bastaǵan. «Shyǵys Qazaqstan oblysy ekonomıka jáne bıýdjettik josparlaý baqarmasy» MM agroónerkásiptik keshen jáne aýyldyq aýmaqtar bóliminde túrli laýazymdarda eńbek etken. 2014 jyly «Shyǵys Qazaqstan oblysy ekonomıka jáne bıýdjettik josparlaý baqarmasy» MM densaýlyq saqtaý, áleýmettik qorǵaý, mádenıet, ishki jáne jastar saıasaty bóliminiń bas mamany, 2014-2016 jyldary- «Shyǵys Qazaqstan oblysy ekonomıka jáne bıýdjettik josparlaý basqarmasy» MM ekonomıkanyń bazalyq salalary jáne týrızm bóliminiń bas mamany qyzmetterinde bolǵan.
2018-2020 jyldary — «Shyǵys Qazaqstan oblysy ekonomıka jáne bıýdjettik josparlaý basqarmasy» MM ekonomıkanyń bazalyq salalary jáne týrızm bóliminiń basshysy, 2020 jyldan 2022 jylǵa deıin Semeı qalasynyń jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń jumyspen qamtý máseleleri boıynsha basshysynyń orynbasary boldy. 2022-2024 jyldary — «Abaı oblysynyń jumyspen qamtý jáne áleýmettik baǵdarlamalardy úılestirý basqarmasy» MM basqarma basshysynyń orynbasary bolyp eńbek etti. Jańa qyzmetke kiriskenge deıin «Abaı oblysynyń jumyspen qamtý jáne áleýmettik baǵdarlamalardy úılestirý basqarmasy» MM basqarma basshysynyń mindetin atqarýshy qyzmetin atqardy.
Abaı oblysynyń aýyl sharýashylyǵy basqarmasynyń basshysy bolyp Ertaı Múbarakuly Qýanbaev taǵaıyndaldy.
Ertaı Múbarakuly Qýanbaev 1989 jyly 2 jeltoqsanda dúnıege kelgen. 2008 jyly ShQMÝ kolledjin, 2011 jyly D.Serikbaev atyndaǵy Shyǵys Qazaqstan memlekettik tehnıkalyq ýnıversıtetin «Qarjy» mamandyǵy boıynsha bitirgen. 2021 jyly Semeı qalasynyń Shákárim atyndaǵy ýnıversıtetin «Mal sharýashylyǵy ónimderin óndirý tehnologııasy» mamandyǵy boıynsha támamdaǵan.
2012-2016 jyldary ShQO, «Qaratal aýyldyq okrýgi ákiminiń apparaty» MM ártúrli laýazymdarda jumys istedi. 2016-2019 jyldary - Shyǵys Qazaqstan oblysy aýyl sharýashylyǵy basqarmasy mal sharýashylyǵyn damytý jáne sýbsıdııalaý bóliminiń bas mamany, 2019-2022 jyldary Shyǵys Qazaqstan oblysy aýyl sharýashylyǵy basqarmasy mal sharýashylyǵyn damytý jáne sýbsıdııalaý bóliminiń basshysy boldy. 2022 jyly Shyǵys Qazaqstan oblysy aýyl sharýashylyǵy basqarmasy mal sharýashylyǵy jáne aýyl sharýashylyǵy janýarlaryn birdeılendirý bóliminiń basshysy boldy. Jańa qyzmetke taǵaıyndalǵanǵa deıin «Abaı oblysynyń aýyl sharýashylyǵy basqarmasy» MM basqarmasy basshysynyń orynbasary qyzmetin atqardy.
Abaı oblystyq sáýlet, qala qurylysy jáne jer qatynastary basqarmasynyń basshysy laýazymyna Anzor Abaev taǵaıyndaldy.
Anzor Abaev 1987 jyldyń 26 qańtarynda Aqmola oblysy Atbasar qalasynda dúnıege kelgen.
S.Seıfýllın atyndaǵy Qazaq agrotehnıkalyq ýnıversıtetin «jerge ornalastyrý jáne kadastr», sondaı-aq 2012 jyly Qaztutynýodaǵy Qaraǵandy ekonomıkalyq ýnıversıtetin «quqyqtaný» mamandyǵy boıynsha bitirgen. 2010 jyly S. Seıfýllın atyndaǵy Qazaq memlekettik agrotehnıkalyq ýnıversıtetin «Aýyl sharýashylyǵy ǵylymdarynyń magıstri» boıynsha aıaqtaǵan.
2010 jyly Astana qalasynyń jer qatynastary basqarmasynda jastar parktıkasymen tájirıbeden ótip, eńbek sharty boıynsha tirkeýshi qyzmetin atqarǵan. Ár jyldary Astana qalasynyń jer qatynastary basqarmasynda, Astana qalasynyń jer qatynastary jáne jerdi paıdalaný men qorǵaýdy baqylaý basqarmasynda ártúrli bólimderde basshylyq laýazymdarda jumys istedi. 2018-2022 jyldary Astana qalasynyń sáýlet, qala qurylysy jáne jer qatynastary basqarmasy jer komıssııasynyń jumysyn uıymdastyrý bóliminiń basshysy boldy. 2022 jyldan bastap Abaı oblysynyń aýyl sharýashylyǵy jáne jer qatynastary basqarmasynyń basshysy qyzmetin atqardy.
Abaı oblysynyń Tabıǵı resýrstar jáne tabıǵat paıdalanýdy retteý basqarmasynyń basshysy bolyp Aınur Erbolqyzy Aqmyrza taǵaıyndaldy.
Aınur Aqmyrza 1987 jyly 10 jeltoqsanda dúnıege kelgen. 2009 jyly Shyǵys Qazaqstan D.Serikbaev atyndaǵy memlekettik tehnıkalyq ýnıversıtetin «Tirshilik áreketiniń qaýipsizdigi jáne qorshaǵan ortany qorǵaý» mamandyǵy boıynsha bitirgen.
Ol 2009-2010 jyldary «Shyǵys Qazaqstan oblysy tabıǵı resýrstar jáne tabıǵat paıdalanýdy retteý basqarmasy» MM jastar is-tájirıbesi boıynsha taǵylymdamadan ótýshi, 2011 jyldan 2015 jylǵa deıin «Shyǵys Qazaqstan oblysy tabıǵı resýrstar jáne tabıǵat paıdalanýdy retteý basqarmasy» MM-de ártúrli laýazymdarda jumys istedi. Al 2015-2022 jyldary «Shyǵys Qazaqstan oblysy tabıǵı resýrstar jáne tabıǵat paıdalanýdy retteý basqarmasy» MM ekologııalyq retteý bóliminiń basshysy, «Shyǵys Qazaqstan oblysy tabıǵı resýrstar jáne tabıǵat paıdalanýdy retteý basqarmasy» MM sý resýrstaryn paıdalanýdy retteý jáne qorǵaý bóliminiń bólim basshysy boldy.
Jańa qyzmetke taǵaıyndalǵanǵa deıin «Abaı oblysynyń Tabıǵı resýrstar jáne tabıǵat paıdalanýdy retteý basqarmasy» MM basqarmasy basshysynyń orynbasary qyzmetin atqardy.
Almaty oblysy ákiminiń keńesshisi laýazymyna Aıbar Temenov taǵaıyndaldy.
Aıbar Talǵatuly Temenov 1983 jyly týǵan, bilimi joǵary. 2004 jyly Beıjiń pedagogıkalyq ýnıversıtetiniń qytaı tili jáne ádebıeti kolledjin «qytaı tili jáne ádebıeti», 2005 jyly Ál-Farabı atyndaǵy Qazaq Ulttyq ýnıversıtetin «eltaný», 2007 jyly Turar Rysqulov atyndaǵy Qazaq ekonomıkalyq ýnıversıtetin «ekonomıka» mamandyqtary boıynsha bitirgen.
Eńbek jolyn 2005 jyly Almaty qalasy Medeý aýdany ákimi apparatynyń mádenıet, tilderdi damytý, bilim jáne sport bóliminiń bas mamany bolyp bastaǵan. Ár jyldary Medeý aýdany ákiminiń kómekshisi, Medeý aýdany ishki saıasat bóliminiń basshysy, Almaty qalasy kásipkerlik jáne ónerkásip basqarmasy basshysynyń orynbasary, Astana qalasy Esil aýdany ákiminiń orynbasary, «Din máselelerin zertteý ortalyǵy» kommýnaldyq memlekettik mekemesiniń dırektory, Kazakh-sino Silkway Company jaýapkershiligi shekteýli seriktestigi dırektorynyń keńesshisi, Almaty qalasy qoǵamdyq damý basqarmasy basshysynyń orynbasary, Áýezov aýdany ákiminiń orynbasary laýazymdarynda jumys istedi.
2022 jylǵy qarasha aıynan 2024 jylǵy sáýir aıyna deıin Almaty oblysy týrızm basqarmasynyń basshysy bolyp qyzmet atqardy.
Almaty oblysy týrızm basqarmasynyń basshysy laýazymyna Qýanyshbek Mırambekuly taǵaıyndaldy.
Qýanyshbek Mırambekuly 1993 jyly Almaty oblysy Іle aýdanynda týǵan, bilimi joǵary. 2012 jyly Seýl Kangnam ýnıversıtetinde adam resýrstaryn basqarý baǵdarlamasy boıynsha kýrstan ótken, 2013 jyly Bamberg Otto-Frıdrıh ýnıversıtetinde almasý baǵdarlamasy stýdenti bolǵan, 2015 jyly Turar Rysqulov atyndaǵy Jańa ekonomıkalyq ýnıversıtetin «ekonomıkajáne bıznes», 2016 jyly Ortalyq Azııa ýnıversıtetin «zańtaný» mamandyqtary boıynsha bitirgen.
Bolashaq baǵdarlamasy boıynsha 2022 jyly London Koroldik kolledjinde quqyq mamandyǵy boıynsha taǵylymdamadan ótken.
Eńbek jolyn 2012 jyly jeke kásipker retinde bastaǵan. Ár jyldary «Hıt trevel» jaýapkershiligi shekteýli seriktestiginiń býhgalterynyń kómekshisi, Astana qalasy boıynsha sot saraptamalary ınstıtýtynyń sarapshysy, QR Ádilet mınıstrliginiń sot saraptamalary ortalyǵynyń kadrlyq, zańdyq qamtamasyz etý jáne qujat aınalymy basqarmasynyń basshysy, Qaraǵandy oblysy boıynsha sot saraptamalary ınstıtýty dırektorynyń orynbasary laýazymdarynda jumys istedi. 2022 jylǵy tamyz aıynan búgingi kúnge deıin Almaty oblysy ákimi apparatynyń biryńǵaı personaldy basqarý qyzmetiniń basshysy laýazymynda qyzmet atqardy.
Mańǵystaý oblysy tótenshe jaǵdaılar departamentiniń bastyǵy bolyp polkovnık Muhanov Murat Seıtmoldauly taǵaıyndaldy.
Murat Muhanov 1985 jyly Mańǵystaý oblysynyń Jańaózen qalasynda dúnıege kelgen. Ol 2006 jyly QR TJM Kókshetaý tehnıkalyq ınstıtýtyn, 2020 jyly Reseı Federatsııasyndaǵy Azamattyq qorǵanys, tótenshe jaǵdaılar jáne dúleı zilzalalardyń saldaryn joıý isteri mınıstrligi Memlekettik órtke qarsy qyzmetiniń Sankt-Peterbýrg ýnıversıtetin bitirgen.
Alǵashqy eńbek jolyn Mańǵystaý oblysynyń tótenshe jaǵdaılar salasyndaǵy memlekettik baqylaý jáne qadaǵalaý basqarmasy normatıvtik-tehnıkalyq bóliminiń ınjeneri qyzmetinen bastaǵan. 2006-2010 jyldar aralyǵynda memlekettik órt baqylaý baǵyty boıynsha ártúrli laýazymda qyzmet atqardy. Ár jyldary memlekettik órt baqylaý bóliminiń bastyǵy, memlekettik órt baqylaý basqarmasynyń bastyǵy, Mańǵystaý oblysy Tótenshe jaǵdaılar departamenti bastyǵynyń orynbasary, bastyǵy, laýazymdarynda qyzmet atqardy. Jańa qyzmetke taǵaıyndalǵanǵa deıin elimizdiń Tótenshe jaǵdaılar mınıstrliginiń Órtke qarsy qyzmet komıteti tóraǵasynyń orynbasary laýazymyn atqarǵan.
Mańǵystaý oblysynyń týrızm basqarmasynyń jańa basshysy qyzmetine Nurádil Imanǵalıev taǵaıyndaldy.
Nurádil Imanǵalıev Astrahan memlekettik tehnıkalyq ýnıversıtetin «tehnologııalyq protsester men óndiristerdi avtomattandyrý» mamandyǵy boıynsha, Sh. Esenov atyndaǵy Kaspıı tehnologııalar jáne ınjınırıng ýnıversıtetiniń «bıznes jáne basqarý» mamandyǵynyń magıstratýrasyn bitirgen.
Eńbek jolyn 2015 jyly Aqtóbe oblysy Hromtaý qalasyndaǵy Don taý-ken baıytý «Qazhrom TUK» AQ fılıalynyń kombınatynda avtomattandyrý ınjeneri bolyp bastaǵan. 2016 jyly Mańǵystaý oblysynyń ındýstrııalyq-ınnovatsııalyq damý basqarmasynyń ınvestıtsııalyq jáne ınnovatsııalyq saıasat jáne syrtqy ekonomıkalyq qyzmet bóliminiń bas mamany bolyp taǵaıyndaldy. 2017 jyldyń qarashasynan 2018 jyldyń naýryzyna deıin memlekettik organdarmen jumys departamentinde Aqtaý teńiz porty bas menedjeri bolyp jumys istedi.
2018 jyldyń naýryz-qarasha aılary aralyǵynda Mańǵystaý oblysynyń ındýstrııalyq-ınnovatsııalyq damý basqarmasynyń ınvestıtsııalyq jáne ınnovatsııalyq saıasat jáne syrtqy ekonomıkalyq qyzmet bóliminiń bas mamany, 2018 jyly qarasha aıynan 2019 jyldyń jeltoqsan aıyna deıin Mańǵystaý oblysy ákimi apparatynyń taldaý jáne óńirlik damý bóliminiń bas ınspektory boldy. 2019 jyldyń jeltoqsan aıynan 2020 jyldyń qazan aıyna deıin Mańǵystaý oblysynyń Investıtsııalar jáne týrızmdi damytý basqarmasynyń ınvestıtsııalyq-ınnovatsııalyq saıasat bóliminiń basshysy qyzmetin atqardy.
2020 jyldyń qazan aıynan 2022 jyldyń aqpan aıyna deıin Mańǵystaý oblysynyń ınvestıtsııalar jáne damý basqarmasy basshysynyń ınvestıtsııalyq-ınnovatsııalyq saıasat pen týrızmdi damytý máseleleri jónindegi orynbasary bolyp jumys istedi. 2022 jyldyń aqpan aıynan bastap búgingi kúnge deıin Mańǵystaý oblysynyń ındýstrııalyq-ınnovatsııalyq damý basqarmasy basshysynyń ınvestıtsııalyq-ınnovatsııalyq saıasat jáne syrtqy ekonomıkalyq qyzmet máseleleri jónindegi orynbasary bolyp jumys istedi.
Sonymen birge, Joǵary aýdıtorlyq palatanyń burynǵy tóraǵasy Natalıa Godýnova «Qazaqstan temir joly» UK» AQ táýelsiz dırektory bolyp saılandy.
Natalıa Nıkolaevna Godýnova 1972 jyly 24 mamyrda Oral qalasynda týǵan. Batys Qazaqstan aýyl sharýashylyǵy ınstıtýtyn (ekonomıst mamandyǵy boıynsha), Reseı Federatsııasy Úkimetiniń janyndaǵy Qarjy akademııasyn bitirgen. Ekonomıka ǵylymdarynyń kandıdaty.
Eńbek jolyn 1993 jyly «Oral» agroónerkásipbankte» ekonomıst bolyp bastaǵan. 1997-2005 jyldary Batys Qazaqstan aýmaqtyq memlekettik múlikti jáne aktıvterdi basqarý komıtetiniń jetekshi mamany, bólim bastyǵy, Batys Qazaqstan oblysy ákimi apparatynyń bólim meńgerýshisi, Batys Qazaqstan oblysy Ekonomıka jáne bıýdjettik josparlaý departamentiniń dırektory bolyp jumys istegen. 2005-2006 jyldary –QR Reseı Federatsııasyndaǵy Saýda ókildiginde keńesshi-ekonomıst. 2006-2009 jyldary Mańǵystaý oblysy ákiminiń keńesshisi qyzmetin atqarǵan.
2009-2011 jyldary – QR Reseı Federatsııasyndaǵy Saýda ókildiginiń konsýltanty, orynbasary, mindetin atqarýshy. 2012-2013 jyldary – QR Premer-Mınıstri orynbasarynyń keńesshisi. 2013-2015 jyldary Qyzylorda oblysy ákiminiń orynbasary qyzmetin atqardy, ekonomıka, qarjy jáne jumyspen qamtý máselelerine jetekshilik etti.
2015-2017 jyldary – «Nur Otan» partııasynyń hatshysy, «Nur Otan» partııasynyń Saıası keńesi bıýrosynyń múshesi. 2017 jylǵy jeltoqsannan bastap – QR Ortalyq saılaý komıssııasynyń múshesi. 2018 jylǵy aqpannan bastap – Respýblıkalyq bıýdjettiń atqarylýyn baqylaý jónindegi esep komıtetiniń Tóraıymy. 2022 jyly 28 qarashada QR Joǵary aýdıtorlyq palatasynyń tóraǵasy bolyp taǵaıyndaldy. Bul qyzmetti 2024 jyldyń 1 sáýirine deıin atqardy.
Al bokstan álem chempıony Mereı Aqshalov Astana qalasyndaǵy Q. Muńaıtpasov atyndaǵy olımpıada rezerviniń respýblıkalyq mamandandyrylǵan mektep-ınternat-kolledjine dırektor bolyp taǵaıyndaldy.
Mereı Aqshalov 1988 jyly 8 mamyrda Aıagóz qalasynda (qazirgi Abaı oblysy) dúnıege keldi. Qazaqstan Respýblıkasyna eńbegi sińgen sport sheberi. 2013 jylǵy Álem chempıony, Azııa chempıony. 2010 jylǵy Áskerıler arasyndaǵy Álem chempıony. 2013 jylǵy Azııa qurlyǵynyń eń úzdik boksshysy. 2013 jylǵy Qazaqstannyń «Jyl sportshysy». 2008 jylǵy Olımpıada oıyndarynyń qatysýshysy. Sporttyq mansabynda 60 jáne 64 kelige deıin salmaq dárejesinde judyryqtasty.
Eńbek jolyn Astana qalasynyń dene shynyqtyrý jáne sport basqarmasynyń balalar men jasóspirimder sport mektebiniń ádiskeri bolyp bastady. Keıin, qalalyq joǵarǵy sporttyq sheberligi mektebi, sport mektebi dırektorynyń orynbasary, dırektory bolyp jalǵastyrdy. QR Ulttyq Olımpıada Komıtetinde, Aqmola oblysy dene shynyqtyrý jáne sport basqarmasy bastyǵynyń orynbasary laýazymdyq qyzmetterin atqardy. Aqmola oblysy Shortandy aýdany ákiminiń orynbasary boldy.
Sońǵy jumys orny – QR Týrızm jáne sport mınıstrligi, sport jáne dene shynyqtyrý isteri komıteti, sportty damytý dırektsııasynyń bokstan memlekettik jattyqtyrýshy.