Elimizde apta ishinde bolǵan kadrlyq taǵaıyndaýlar
Prezıdent jarlyǵymen:
Madııar Smádiluly Meńilbekov Qazaqstan Respýblıkasynyń Saýd Arabııasy Koroldigindegi Tótenshe jáne Ókiletti Elshisi, Qazaqstan Respýblıkasynyń Islam Yntymaqtastyǵy Uıymy janyndaǵy Turaqty ókili bolyp taǵaıyndaldy. Ol Qazaqstan Respýblıkasynyń Birikken Arab Ámirlikterindegi Tótenshe jáne Ókiletti Elshisi laýazymynan bosatyldy;
Najmedın Muhametáliuly Qazaqstan Respýblıkasynyń Birikken Arab Ámirlikterindegi Tótenshe jáne Ókiletti Elshisi bolyp taǵaıyndaldy, ol Qazaqstan Respýblıkasynyń Oman Sultandyǵyndaǵy Tótenshe jáne Ókiletti Elshisi laýazymynan bosatyldy;
Aıdarbek Ánýarbekuly Tumatov Qazaqstan Respýblıkasynyń Oman Sultandyǵyndaǵy Tótenshe jáne Ókiletti Elshisi bolyp taǵaıyndaldy. Ol Qazaqstan Respýblıkasynyń Iordan Hashımıt Koroldigindegi Tótenshe jáne Ókiletti Elshisi, Qazaqstan Respýblıkasynyń Irak Respýblıkasyndaǵy, Palestına Memleketindegi Tótenshe jáne Ókiletti Elshisi qyzmetin qosa atqarýshy laýazymdarynan bosatyldy;
Qazaqstan Respýblıkasynyń Qytaı Halyq Respýblıkasyndaǵy Tótenshe jáne Ókiletti Elshisi Shahrat Shákızatuly Nuryshev Qazaqstan Respýblıkasynyń Koreı Halyq Demokratııalyq Respýblıkasyndaǵy Tótenshe jáne Ókiletti Elshisi qyzmetin qosa atqarýshy bolyp taǵaıyndaldy.
***
Osy aptada Qazaqstan Respýblıkasy Úkimetiniń qaýlysymen Qajkenov Qýandyq Jumabekuly Ónerkásip jáne qurylys vıtse-mınıstri bolyp taǵaıyndaldy. Ol 1984 jyly týǵan. 2021 jyldan bastap «Memsaraptama» RMK bas dırektory bolǵan.
***
QR Úkimetiniń 2024 jylǵy 19 sáýirdegi qaýlysymen Ábdishev Batyrbek Qadyrbekuly Tótenshe jaǵdaılar vıtse-mınıstri bolyp taǵaıyndaldy.
1977 jyly Aqtóbe oblysynda dúnıege kelgen. QR Qarýly Kúshteriniń Joǵarǵy shekara-komandalyq ýchılışesin bitirgen.
***
QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri qyzmetine Rostıslav Konıashkın keldi. Ol 1989 jyly Taraz qalasynda týǵan. 2021 jyldan bastap «Ulttyq aqparattyq tehnologııalar» aktsıonerlik qoǵamynyń basqarma tóraǵasy laýazymynda boldy.
***
QR Prezıdenti ákimshiliginiń kelisimimen Almaty qalasy ákiminiń orynbasary laýazymyna Beıbit Shahanov taǵaıyndaldy.
Beıbit Shahanov 1979 jyly týǵan. Abylaı han atyndaǵy Qazaq Memlekettik Halyqaralyq qatynastar jáne álem tilderi ýnıversıtetin; Qazaq memlekettik zań ýnıversıtetin; Qazaq kommertsııalyq-qarjy akademııasyn; Lankaster ýnıversıtetin (Ulybrıtanııa) bitirgen.
2015-2022 jyldary QR Ulttyq ekonomıka mınıstrliginiń, Investıtsııalar jáne damý mınıstrliginiń, Indýstrııa jáne ınfraqurylymdyq damý mınıstrliginiń Qurylys, turǵyn úı-kommýnaldyq sharýashylyq jáne jer resýrstaryn basqarý isteri komıtetinde jumys istedi.
Almaty qalasy qurylys basqarmasynyń basshysy bolyp jumys istedi. 2023 jylǵy mamyrdan bastap qazirgi taǵaıyndaýǵa deıin Almaty qalasy ákimi apparatynyń basshysy boldy.
***
Almaty qalasy ákimi apparatynyń basshysy laýazymyna Aıdar Jákibaev taǵaıyndaldy.
A. Jákibaev 1988 jyly 14 qyrkúıekte Óskemen qalasynda dúnıege kelgen. 2011 jyly Boston ýnıversıtetin (AQSh) «ınjener-elektrık» mamandyǵy boıynsha bitirdi. 2023 jyldyń mamyr aıynan bastap qazirgi taǵaıyndalǵanǵa deıin Almaty qalasy Almaly aýdanynyń ákimi bolyp jumys istedi.
***
QR Prezıdenti Ákimshiligi jáne Almaty qalasy máslıhatynyń kelisimi boıynsha Almaly aýdanynyń ákimi bolyp Arman Shamshın taǵaıyndaldy.
A. Shamshın 1986 jyly dúnıege kelgen. Shyǵys Qazaqstan memlekettik tehnıkalyq ýnıversıtetin (ekonomıka fakýlteti), Pekın ýnıversıtetin (áleýmettaný) bitirgen. Nazarbayev University Joǵary bıznes mektebiniń basshylary úshin iskerlik ákimshilendirý magıstri (Executive MBA) dárejesine ıe. 2022 jyldyń shildesinen bastap búginge deıin «Almaty ÁKK» AQ basqarma tóraǵasy qyzmetin atqardy.
***
Almaty oblysy ákiminiń ókimimen Ashat Berdihanov Qonaev qalasynyń ákimi bolyp taǵaıyndaldy.
A. Berdihanov 1975 jyly týǵan, bilimi joǵary. 1995 jyly Pavlodar kalasynyń mashına jasaý kolledjin «Ónerkásiptik kásiporyndardyń elektr jabdyǵy» mamandyǵy boıynsha, 2005 jyly S.M.Toraıǵyrov atyndaǵy Pavlodar memlekettik ýnıversıtetin zańger mamandyǵy boıynsha oqyǵan.
2023 jyldyń naýryz aıynan bastap qazirgi ýaqytqa deıin Almaty oblysynyń energetıka jáne turǵyn úı-kommýnaldyq sharýashylyq basqarmasynyń basshysy boldy.
***
Bolat Meshelov QR Strategııalyq josparlaý jáne reformalar agenttigi ulttyq statıstıka bıýrosy BQO boıynsha departamentiniń basshysy bolyp taǵaıyndaldy.
BQO statıstıka departamentinen túsken málimetke qaraǵanda, Bolat Tileýǵabyluly 1981 jyly dúnıege kelgen. Bilimi joǵary, 2009 jyly Ortalyq Azııa ýnıversıtetin, 2014 jyly S.Amanjolov atyndaǵy Shyǵys Qazaqstan memlekettik ýnıversıtetin qarjy, memlekettik jáne jergilikti basqarý mamandyqtary boıynsha bitirgen.
2014 jyldan bastap Aıagóz aýdany statıstıka basqarmasynyń basshysy, Semeı qalasy statıstıka basqarmasynyń basshysy, ShQO statıstıka departamenti basshysynyń orynbasary qyzmetinde boldy.
***
Qostanaı oblysy ákiminiń ókimimen Jitiqara aýdany ákiminiń laýazymyna Aslan Amantaıuly Janyspaev taǵaıyndaldy.
A. Janyspaev 1982 jyly týǵan, Qostanaı oblysy Jitiqara aýdanynyń týmasy, qazaq, bilimi joǵary. 2003 jyly Qostanaı aýylsharýashylyq ınstıtýtyn býhgalterlik esep jáne aýdıt mamandyǵy boıynsha, 2016 jyly Chelıabi memlekettik ýnıversıtetin ıýrısprýdentsııa mamandyǵy boıynsha bitirgen. 2022 jylǵy qarashadan bastap «Tobyl» ÁKK» AQ tóraǵasy qyzmetin atqardy.
***
Danııar Ramazanuly Qadyrov «Otandastar Qory» KEAQ prezıdenti laýazymyna taǵaıyndaldy.
Danııar Qadyrov 1975 jyly Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin bitirgen. «Otandastar qory» KEAQ prezıdenti bolyp taǵaıyndalǵanǵa deıin 2023 jylǵy qarashadan 2024 jylǵy naýryzǵa deıin QR Mádenıet jáne aqparat vıtse-mınıstri boldy.
***
Respýblıkalyq sport kolledjiniń dırektory laýazymyna Islam Іlııasuly Baıramýkov taǵaıyndaldy.
Islam Baıramýkov – erkin kúresten eńbek sińirgen sport sheberi jáne Sıdneı Olımpıadasynyń kúmis júldegeri. 1971 jyly Jambyl oblysynyń Kamenka aýylynda dúnıege kelgen. Ál-Farabı atyndaǵy Qazaq ulttyq ýnıversıtetiniń «Quqyqtaný» mamandyǵyn (2003 jyl), Máskeý áleýmettik-gýmanıtarlyq ýnıversıtetin (Qarjy jáne ekonomıka) (2005 jyl) aıaqtaǵan.