Elimizde apta ishinde bolǵan kadrlyq taǵaıyndaýlar
Aptanyń ortasynda Syrty ister mınıstriniń orynbasary laýazymyna taǵaıyndalǵan Álibek Qýantyrovtyń ornyna KAZENERGY qaýymdastyǵynyń bas dırektory bolyp Energetıka mınıstriniń burynǵy orynbasary Jandos Demesinuly Nurmaǵanbetov taǵaıyndaldy.
Ol 1981 jyly Jambyl oblysynda dúnıege kelgen.
E. Bóketov atyndaǵy Qaraǵandy memlekettik ýnıversıtetin, Halyqaralyq bıznes ýnıversıtetin, Qorqyt ata atyndaǵy Qyzylorda memlekettik ýnıversıtetin, «KIMEP Ýnıversıteti» AQ bitirgen.
Eńbek jolyn 2003 jyly jeke qurylymdarda bastaǵan.
2005-2010 jyldary — «Qyzylorda TEK» AQ bas dırektory.
2011-2013 jyldary – «Qyzylorda» ÁKK» UK» AQ basqarma tóraǵasy.
2013 jyldan bastap 2019 jylǵa deıin jeke kompanııada jumys istedi.
2020 jyldan bastap qazirge deıin «KEGOC» AQ Strategııa jáne damý jónindegi basqarýshy dırektory qyzmetin atqardy.
2021 jyldan bastap QR energetıka vıtse-mınıstri qyzmetin atqardy.
Úkimetiniń qaýlysymen Asqarbek Maratuly Ertaev eńbek jáne halyqty áleýmettik qorǵaý vıtse-mınıstri qyzmetine taǵaıyndaldy.
Ol 1977 jyly Aqtóbe qalasynda dúnıege kelgen.
«Nur» Aqtóbe menedjment, bıznes jáne quqyq ınstıtýtyn, Q. Jubanov atyndaǵy Aqtóbe memlekettik ýnıversıtetin bitirgen.
Eńbek jolyn 1997 jyly Aqtóbe oblysy Muǵaljar aýdany ákimi apparatynyń ónerkásip, kólik, baılanys, qurylys jáne kommýnaldyq sharýashylyq máseleleri jónindegi II sanattaǵy maman bolyp bastaǵan.
2000-2014 jj. bank salasynda ártúrli qyzmette jumys istedi.
2014-2021 jj. QR Ulttyq ekonomıka mınıstrligi Memlekettik basqarý júıesin damytý departamentiniń bas sarapshysy, basqarma bastyǵy, dırektordyń orynbasary, Strategııalyq taldaý jáne damý departamentiniń dırektory.
2021-2022 jj. – QR Prezıdenti Ákimshiligi QR Qaýipsizdik keńesi Taldaý bóliminiń sektor meńgerýshisi.
2022 jylǵy maýsymnan bastap qazirgi ýaqytqa deıin QR Úkimeti Apparaty Ekonomıkalyq bóliminiń meńgerýshisi bolyp qyzmet etti.
2023 jyly QR EHÁQM Kóshi-qon komıtetiniń tóraǵasy laýazymynda boldy.
Mádenıet jáne aqparat mınıstriniń buıryǵymen Erjan Bolatqanuly Núkejanov Din isteri komıtetiniń tóraǵasy qyzmetine taǵaıyndaldy.
Ol 1981 jyly Almatyda dúnıege kelgen. Ál-Farabı atyndaǵy Qazaq ulttyq ýnıversıtetin támamdaǵan. Mamandyǵy — tarıh magıstri.
2002 jyly eńbek jolyn «Qazaqstan teledıdary men radıosy» respýblıkalyq korporatsııasy» JAQ aqparattyq-taldamalyq qyzmetiniń redaktor-júrgizýshisi bolyp bastaǵan.
2002–2009 jyldary Halyqaralyq zamanaýı saıasat ınstıtýtynda, «Habar» agenttiginde, «Nur Otan» respýblıkalyq saıası partııasy» QM-da, QR Mádenıet jáne aqparat mınıstrliginde jumys istegen.
2009–2016 jyldary — QR Prezıdentiniń Baspasóz qyzmetinde sarapshy, keńesshi jáne sektor meńgerýshisi retinde qyzmet etken.
2016 jylǵy maýsym aıynan bastap QR Parlamenti Májilisiniń Apparat basshysynyń orynbasary laýazymyn atqarǵan.
2018 jylǵy maýsymynan bastap QR Mádenıet jáne aqparat mınıstrliginiń Aqparat komıtetiniń tóraǵasy qyzmetin atqarǵan.
QR Aqparat jáne qoǵamdyq damý mınıstrliginiń Din isteri komıteti tóraǵasy mindetin atqarǵan.
Aqtóbe oblysy ákiminiń orynbasary qyzmetine Joldas Batyrhan taǵaıyndaldy.
Ol 1998 jyly Aqtóbe pedagogıkalyq ınstıtýtyn, 2019 jyly Qazaq-orys halyqaralyq ýnıversıtetin támamdaǵan.
Eńbek jolyn 1998 jyly Temir aýdanynyń Sartoǵaı negizgi mektebinde bastady. Ár jyldarda Temir aýdanynyń №6 Shubarqudyq negizgi orta mektebiniń dırektory, Temir aýdanynyń Tasqopa aýyldyq okrýginiń, Shubarshı kenttik okrýginiń ákimi, Temir aýdandyq bilim bóliminiń basshysy, Temir aýdandyq bilim, dene shynyqtyrý jáne sport bóliminiń bastyǵy bolyp qyzmet etken.
2015-2022 jyldary Temir aýdany ákiminiń orynbasary, Aqtóbe oblysynyń din isteri basqarmasynyń basshysy, Temir aýdanynyń ákimi, Aqtóbe oblysynyń bilim basqarmasynyń basshysy boldy.
2023 jyldyń qańtar aıynan bastap QR Oqý-aǵartý mınıstrligi balalardyń quqyqtaryn qorǵaý komıteti tóraǵasynyń orynbasary qyzmetin atqaryp keldi.
Aıgúl Malıkova Pavlodar oblysy ákiminiń orynbasary laýazymyna taǵaıyndaldy.
Ol ishki saıasat, memlekettik tildi damytý, din, mádenıet, bilim jáne sport salalaryna jetekshilik etedi.
Aıgúl Qaıyrtasqyzy, 1976 jyly týǵan. «Bıologııa jáne hımııa», «Qarjy» mamandyqtary boıynsha joǵary bilimi jáne saıasattaný magıstri dárejesi bar.
1997-2008 jyldary Pavlodar qalasynyń mektepterinde muǵalim, dırektordyń tárbıe jónindegi orynbasary bolyp jumys istedi.
Memlekettik qyzmettegi eńbek jolyn 2008 jyly Pavlodar qalasy bilim bóliminiń mamany bolyp bastady.
2010-2018 jyldary Pavlodar qalasynyń № 20 mektep-lıtseıi men № 17 mektebin basqardy. 2018 jyldan bastap Pavlodar oblysynyń Kásipodaq ortalyǵynda, «AMANAT» partııasynyń PQF, Pavlodar qalasynyń bilim bólimi men ákimi apparatynda basshylyq laýazymdarda qyzmet atqardy.
2023 jylǵy sáýirden bastap osy laýazymǵa taǵaıyndalǵanǵa deıin «AMANAT» partııasynyń POF atqarýshy hatshysy boldy.
Murat Balpan Aqmola oblysy ákiminiń orynbasary bolyp taǵaıyndaldy.
Murat Saǵatuly 1970 jyly Aqmola oblysynyń Aqkól aýdanynda týǵan. Qaraǵandy memlekettik tehnıkalyq ýnıversıtetin, A.Myrzahmetov atyndaǵy Kókshetaý ýnıversıtetin jáne Omby gýmanıtarlyq-tehnıkalyq akademııasyn bitirgen.
Eńbek jolyn 1989 jyly Aqkól aýdany «Hleborob» keńsharynyń qurylys ýchaskesinde jumysshy bolyp bastady.
1989-1994 jyldary Aqkól aýdanynda aýyl sharýashylyǵy óndirisiniń ártúrli jaýapty laýazymdarynda jumys istedi.
1994-1998 jyldary Aqkól aýdany Naýmov aýyldyq okrýginiń ákimi, 1999-2000 jyldary Aqmola oblysy ákimi apparatynda uıymdastyrý-baqylaý bóliminiń keńesshisi, Tselınograd aýdany ákimi apparatynyń basshysy, 2000-2008 jyldary Aqkól aýdany ákiminiń orynbasary, 2008-2009 jyldary «QTJ» UK» AQ sharýashylyq basqarmasy fılıalynyń bólim bastyǵynyń orynbasary, keıin basshysy bolyp jumys istedi.
2019-2012 jyldary «Básekelestik saıasatty damytý jáne qorǵaý ortalyǵy» AQ departamentiniń dırektory, Básekelestikti qorǵaý agenttiginiń tergeý departamenti memlekettik organdarynyń básekelestikke qarsy is-qımyldardy tergeý basqarmasyn, Básekelestikti qorǵaý agenttiginiń Qostanaı jáne Soltústik Qazaqstan oblystary boıynsha óńiraralyq ınspektsııasyn basqardy.
2012-2014 jyldary Bulandy aýdanynyń ákimi, 2014-2015 jyldary Aqmola oblysy kásipkerlik jáne ónerkásip basqarmasy basshysynyń orynbasary, 2015-2017 jyldary Aqmola oblysy aýyl sharýashylyǵy basqarmasynyń basshysy, 2017 — 2021 jyldary Jarqaıyń aýdanynyń ákimi, 2021-2022 jyldary Aqmola oblystyq máslıhatynyń hatshysy boldy.
Osy taǵaıyndaýǵa deıin Arshaly aýdanynyń ákimi qyzmetin atqardy.
Qyzylorda oblysy boıynsha ekonomıkalyq tergep-tekserý departamentiniń basshysy bolyp Keńes Aslan taǵaıyndaldy.
Ol buǵan deıin ortalyq apparattyń departament basshysynyń orynbasary qyzmetin atqarǵan.
Apta ishinde birneshe oblysta aýdan ákimderi taǵaıyndaldy. Mysaly, Ádilet Nursaǵatuly Qojanbaev Kókpekti aýdanynyń ákimi bolyp taǵaıyndaldy.
Ol 1980 jyly 1 qańtarda Semeı oblysy Kókpekti aýdany Bıǵash aýlynda dúnıege kelgen.
Qaztutyný odaǵynyń ań-terisi meh kolledjin «Ekonomıka, býhgalterlik esep jáne taldaý» mamandyǵy boıynsha bitirgen.
Turan ýnıversıtetiniń «Býhgalterlik esep jáne taldaý», «quqyqtaný» mamandyqtary boıynsha bitirdi.
Máskeý qalasyndaǵy Reseı Federatsııasy Prezıdentiniń janyndaǵy Reseı halyq sharýashylyǵy jáne Memlekettik qyzmet akademııasynda oqyp, «Іskerlik ákimshilendirý sheberi – Master of Business Administration (MBA)» biliktiligin aldy.
Eńbek jolyn 2000 jyldan bastap «Kramdsbank» AQ Semeı fılıalynyń taratý komıssııasynda kredıttik qyzmetker retinde bastady.
2001 -2013 jyldary - Almaty qalasyndaǵy «BTA Ipoteka» AQ-da protsessıng jáne kepil monıtorıngi bóliminiń basshysy, kredıttik basqarmanyń basshysy, atqarýshy dırektory.
2013-2014 jyldary - «Temirbank» AQ Basqarma tóraǵasynyń keńesshisi, Semeı qalasyndaǵy Bank fılıalynyń dırektory.
2014 -2021 jyldary - «Qazaqstannyń turǵyn úı qurylys jınaq banki» AQ-da operatsııalyq departament dırektory, basqarýshy dırektor, basqarma tóraǵasynyń orynbasary.
2021-2022 jyldary - «Qazaqtelekom» AQ Almaty qalasyndaǵy servıstik fabrıka – fılıalynyń bas dırektory.
2022 jyldan 2024 jyldyń 2 tamyzyna deıin - «Abaı oblysynyń qarjy basqarmasy» memlekettik mekemesiniń basshysy.
Shyǵys Qazaqstan oblysy Ulan aýdanynyń ákimi laýazymyna Arman Bekbosynov taǵaıyndaldy.
Ol 1973 jyly Shyǵys Qazaqstan oblysy Zaısan aýdanynda týǵan.
Óskemen qurylys-jol ınstıtýtyn bitirgen, mamandyǵy boıynsha avtomobıl joldarynyń ınjener-qurylysshysy. Eńbek jolyn Shyǵys Qazaqstan oblysy avtomobıl joldary qazynalyq kásipornynyń paıdalanýǵa berý bóliminde birinshi sanatty ınjener retinde bastady.
Ár jyldary Qazaqstan Kólik jáne kommýnıkatsııa mınıstrligi Avtomobıl joldary komıtetinde qyzmet atqarǵan. Sondaı-aq Shyǵys Qazaqstan oblysynyń Jolaýshylar kóligi jáne avtomobıl joldary basqarmasynyń basshysy, Shyǵys Qazaqstan oblysy Qatonqaraǵaı, Glýbokoe aýdandarynyń ákimi laýazymdarynda jumys istedi.
2021 jyldan bastap osy ýaqytqa deıin Pavlodar oblysynyń Qala qurylysy jáne jer baqylaý basqarmasynyń basshysy qyzmetin atqarǵan.
Soltústik Qazaqstan oblysy ákiminiń ókimimen Rahat Smaǵulov Maǵjan Jumabaev aýdanynyń ákimi bolyp taǵaıyndaldy.
Ol 1982 jyly Reseıdiń Omby oblysynda Esilkól aýdanyndaǵy Qasqat eldi mekeninde dúnıege kelgen.
2004 jyly Omby memlekettik agrarlyq ýnıversıtetin «Agronomııa» mamandyǵy boıynsha bitirgen. 2021 jyly Qazaq ekonomıka, qarjy jáne halyqaralyq saýda ýnıversıtetin «Ekonomıka» mamandyǵy boıynsha támamdady.
Eńbek jolyn 2004 jyly týǵan aýylynda – Qasqat selolyq ákimshiliginde maman bolyp bastady.
2005-2015 jyldar aralyǵynda oblystyń aýyl sharýashylyǵy salasynda jergilikti atqarýshy bılik organdarynda túrli qyzmetter atqardy.
2015-2019 jyldary M. Jumabaev aýdany ákiminiń orynbasary boldy.
2019-2020 jyldary QR Aýyl sharýashylyǵy mınıstrliginiń agroónerkásip komıtetiniń oblystyq aýmaqtyq ınspektsııasynyń jetekshisi laýazymynda eńbek etti.
Al, 2020 jyldyń shildesinen bastap osy taǵaıyndaýǵa deıin Shal aqyn aýdanynyń ákimi bolyp eńbek etti.
Buǵan deıin M. Jumabaev aýdanyn Qaırat Omarov basqarǵan.