Elimizde apta ishinde bolǵan kadrlyq taǵaıyndaýlar
Bul aptada Oljas Bektenov Premer-Mınıstr bolyp taǵaıyndaldy.
Oljas Abaıuly 1980 jyly 13 jeltoqsanda Almaty qalasynda týǵan. Qazaq memlekettik zań akademııasyn (2001 j.) úzdik bitirgen, mamandyǵy «Zańger».
Sonymen qatar 6 qańtarda O. Bektenov basqaratyn Mınıstrler kabınetiniń quramy da belgili boldy.
***
48 jastaǵy Nurlan Baıbazarov Ulttyq ekonomıka mınıstri laýazymyna keldi. Búginge deıin «Báıterek» ulttyq basqarýshy holdıngin basqarǵan ol qyzmettegi 23 jylynyń kóbin kvazımemlekettik sektorda ótkergen.
N. Baıbazarov Premer-mınıstrdiń orynbasary qyzmetin qatar alyp júredi.
***
Qarjy mınıstri bolyp Mádı Tákıev taǵaıyndaldy. 2023 jylǵy naýryzdan bastap ol Májilistiń Qarjy jáne bıýdjet komıtetiniń tóraǵasy qyzmetin atqaryp keldi.
***
Tótenshe jaǵdaılar mınıstri laýazymyna kelgen Shyńǵys Árinov 2006 jyldan 2022 jylǵa deıin Memlekettik kúzet qyzmetinde túrli satydan ótip, shyńdalǵan. 2022 jyldyń qańtarynan búginge deıin Qazaqstan Respýblıkasy Prezıdentiniń Ókimimen Qazaqstan Respýblıkasy Memlekettik kúzet qyzmeti bastyǵynyń orynbasary — Prezıdent kúzet qyzmetiniń bastyǵy bolyp keldi.
***
Densaýlyq mınıstri qyzmetine Aqmaral Álnazarova keldi. Ol osyǵan deıin Senat depýtaty boldy.
A. Álnazarova – medıtsına ǵylymdarynyń doktory.
***
Memleket basshysynyń Jarlyqtarymen kelesi laýazym ıeleri Mınıstrler kabınetinde burynǵy oryndarynda qaldy:
- Kólik mınıstri Marat Qarabaev,
- Týrızm jáne sport mınıstri Ermek Marjyqpaev,
- Mádenıet jáne aqparat mınıstri Aıda Balaeva,
- Sý resýrstary jáne ırrıgatsııa mınıstri Nurjan Nurjigitov,
- Ǵylym jáne joǵary bilim mınıstri Saıasat Nurbek,
- Ekologııa jáne tabıǵı resýrstar mınıstri Erlan Nysanbaev,
- Oqý-aǵartý mınıstri Ǵanı Beısembaev,
- Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın,
- Aýyl sharýashylyǵy mınıstri Aıdarbek Saparov,
- Energetıka mınıstri Almasadam Sátqalıev,
- Saýda jáne ıntegratsııa mınıstri Arman Shaqqalıev,
- Ónerkásip jáne qurylys mınıstri Qanat Sharlapaev,
- Eńbek jáne halyqty áleýmettik qorǵaý mınıstri Svetlana Jaqypova,
- Ádilet mınıstri Azamat Esqaraev.
Sonymen qatar, Roman Sklıar Qazaqstan Respýblıkasy Premer-Mınıstriniń birinshi orynbasary laýazymyna,
Murat Nurtileý Qazaqstan Respýblıkasy Premer-Mınıstriniń orynbasary – Syrtqy ister mınıstri laýazymyna,
Ǵalymjan Qoıshybaev Premer-Mınıstrdiń orynbasary – Úkimet Apparatynyń Basshysy laýazymyna,
Tamara Dúısenova Qazaqstan Respýblıkasy Premer-Mınıstriniń orynbasary laýazymyna,
Serik Jumanǵarın Premer-Mınıstriniń orynbasary laýazymyna,
Erjan Sádenov Qazaqstan Respýblıkasynyń Іshki ister mınıstri laýazymyna,
Rýslan Jaqsylyqov Qorǵanys mınıstri laýazymyna qaıta taǵaıyndaldy.
***
Osy aptada Aıbek Dádebaev Prezıdent Ákimshiliginiń Basshysy boldy.
Aıbek Arqabaıuly 1980 jyly 1 sáýirde Almaty qalasynda týǵan. 2001 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetin «halyqaralyq qujattanýshy» mamandyǵy boıynsha támamdaǵan; 2003 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń magıstratýrasyn aıaqtaǵan, magıstr-aımaqtanýshy.
2022 jyldyń 11 qantarynan bastap Qazaqstan Respýblıkasy Prezıdentiniń Іs basqarýshysy boldy.
***
Memleket basshysynyń ókimimen Baýyrjan Shubaıuly Artyqov «Batys» óńirlik qolbasshylyǵy áskerleriniń qolbasshysy laýazymyna taǵaıyndaldy.
***
Asat Bolatuly Nurpeıisov Qazaqstan Respýblıkasy Prezıdentiniń Іs basqarýshysy bolyp bekitildi.
Aıta keteıik, Asat Bolatuly 1987 jyly 18 shildede dúnıege kelgen. 2010 jyly Pragadaǵy Nıý-Iork ýnıversıtetin «ekonomıka jáne menedjment» mamandyǵy boıynsha, 2012 jyly Eýropalyq bıznes mektebin bitirgen, MSc Global Banking and Finance «Halyqaralyq bank isi jáne qarjy» magıstri.
***
Memleket basshysynyń ókimimen Baqyt Úristemuly Ábildınov Qazaqstan Respýblıkasy Prezıdenti Іs basqarýshysynyń orynbasary laýazymyna taǵaıyndaldy.
Baqyt Úristemuly 1975 jyly 8 aqpanda Almaty oblysynda dúnıege kelgen. 1997 jyly - Lenın atyndaǵy Qazaq polıtehnıkalyq ınstıtýtyn, 2002 jyly - «Turan» ýnıversıtetin, 2006 jyly Eýrazııalyq naryq ınstıtýtin bitirgen.
***
Memleket basshysynyń ókimimen Dáýren Bolatuly Muratbekov Qazaqstan Respýblıkasy Joǵary Sot Keńesiniń hatshysy – apparat basshysy laýazymyna taǵaıyndaldy.
***
Memleket basshysynyń ókimimen Shaıh-Hasan Sattarqululy Jazyqbaev Qazaqstan Respýblıkasy Qorǵanys mınıstriniń orynbasary laýazymyna taǵaıyndaldy.
Qazaqstan armııasynda general-maıor Shaıh-Hasan Jazyqbaev áskerı ýchılışe kýrsantynan bastap "Astana" óńirlik qolbasshylyǵy áskerleriniń qolbasshysyna deıingi laýazymdyq joldan ótti.
***
Memleket basshysynyń ókimimen Roman Almahanuly Tórehanov Qazaqstan Respýblıkasy Memlekettik kúzet qyzmeti bastyǵynyń orynbasary – Qazaqstan Respýblıkasy Prezıdentiniń Kúzet qyzmetiniń bastyǵy laýazymyna taǵaıyndaldy.
***
QR Premer-Mınıstriniń qaýlysymen Asqar Serikjanuly Jákenov QR Úkimeti Apparaty basshysynyń birinshi orynbasary bolyp taǵaıyndaldy.
Asqar Jákenov 1975 jyly Qaraǵandy qalasynda dúnıege kelgen. Qaraǵandy memlekettik tehnıkalyq ýnıversıtetin jáne «Qaınar» ýnıversıtetin támamdaǵan.
***
QR Úkimetiniń qaýlysymen Erbol Shymkentbaıuly Áliqulov Mádenıet jáne aqparat vıtse-mınıstri bolyp taǵaıyndaldy.
Erbol Áliqulov 1974 jyly Ońtústik Qazaqstan oblysynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin bitirgen. 2023 jyldyń qazan aıynan qazirgi ýaqytqa deıin Mádenıet jáne aqparat mınıstrligi apparatynyń basshysy boldy.
***
Osy aptada Qazaqstan Respýblıkasy Prezıdenti Ákimshiliginiń kelisimi boıynsha Tamabek Ábilhaıyr Ǵalymuly Jambyl oblysy ákiminiń orynbasary bolyp taǵaıyndaldy.
Ábilhaıyr Ǵalymuly 1994 jyly Jambyl oblysy Talas aýdanynda týǵan. 2015 jyly halyqaralyq Bıznes ýnıversıtetin «baǵalaý», Polsha Respýblıkasy Lýıs ulttyq ýnıversıteti Joǵary bıznes mektebin «menedjment», 2019 jyly Qazaqstan Respýblıkasy Prezıdenti janyndaǵy Memlekettik basqarý akademııasyn «memlekettik jáne jergilikti basqarý» mamandyqtary boıynsha támamdaǵan.
***
Qyzylorda qalasynyń prokýrory qyzmetine ádilet keńesshisi Jandarbek Sultanbekuly taǵaıyndaldy.
Prokýratýra organdarynda 13 jyldan astam eńbek ótili bar.
***
Talǵat Ǵazızov «Qazposhta» AQ basqarýshy dırektory bolyp taǵaıyndaldy.
Onyń burynǵy laýazymy ‐ «Qazposhta» AQ fılıaly dırektorynyń orynbasary.
***
Mańǵystaý oblysy boıynsha ekologııa departamentiniń basshysy laýazymyna Armat Júsipqalıev bekitildi.
Armat Jalǵasbaıuly 1981 jyly Batys Qazaqstan oblysynda dúnıege kelgen. Eki joǵary bilimi bar.
***
Jetisý oblysy ákiminiń ókimimen Túkibaev Sáken Ǵalymuly oblys ákimi apparatynyń basshysy bolyp taǵaıyndaldy.
S. Ǵalymuly - 1991 jyly týǵan, bilimi joǵary.
***
Rýstam Qaraǵoıshın «Báıterek» holdınginiń basshysy bolyp taǵaıyndaldy.
Rýstam Tımýruly 1983 jyly týǵan. Qazaqstandyq menedjment, ekonomıka jáne boljaý ınstıtýtyn jáne Halyqaralyq bıznes akademııasyn támamdaǵan.
***
Álıev Arman Mahmutuly Raıymbek Seıtmetov atyndaǵy Túrkistan qalasy sazdy-drama teatrynyń dırektory mindetin atqarýshy bolyp taǵaıyndaldy.
Arman Mahmutuly 1978 jyly 25 qarashada Qyzylorda oblysynyń Shıeli aýdany, Gıgant aýlynda dúnıege keldi.
***
Qazaqstan boks federatsııasyna jańa basshy saılandy.
Federatsııanyń jańa prezıdenti qyzmetine Shahmurat Mútálip keldi. Ol bul qyzmette Keńes Raqyshevti almastyrdy.
Shahmurat Mútálip 1990 jyly 18 qyrkúıekte Almaty oblysyndaǵy Kaztsık aýylynda týǵan. Ekonomıka ǵylymdarynyń magıstri, Kýala-Lýmpýrdegi The Asia Pacific University of Technology & Innovation (APU) oqý ornynda bilim alǵan. Kásipker, «Integra Construction KZ» JShS-nyń benefıtsıar ıesi.