Elimizde apta ishinde bolǵan kadrlyq taǵaıyndaýlar
11 qarashada Baýyrjan Temirǵalıuly Dáribaev Almaty oblysynyń veterınarııa basqarmasynyń basshysy laýazymyna taǵaıyndaldy.
Baýyrjan Temirǵalıuly 1977 jyly dúnıege kelgen. 2000 jyly Almatynyń zootehnıkalyq maldárigerlik ınstıtýtyn «veterınarııalyq medıtsına» mamandyǵy boıynsha, 2014 jyly Ó.A.Joldasbekov atyndaǵy ekonomıka jáne quqyq akademııasyn «memlekettik jáne jergilikti basqarý» mamandyǵy boıynsha bitirgen.
Eńbek jolyn 1993 jyly Qaroı ujymdyq kásiporynynyń mal emdeýshisi bolyp bastaǵan. Ár jyldary Qazaqstan Respýblıkasy Aýyl sharýashylyǵy mınıstrliginiń Balqash aýdandyq aýmaqtyq basqarmasynyń veterınarııalyq qadaǵalaý, Balqash aýdanynyń veterınarııa, Balqash aýdanynyń aýyl sharýashylyq bólimderinde basshylyq laýazymdarynda qyzmet atqarǵan.
2017-2024 jyldar aralyǵynda Balqash aýdany ákiminiń orynbasary bolǵan. 2024 jyldyń mamyr aıynan Almaty oblysynyń veterınarııa basqarmasy basshysynyń orynbasary qyzmetine taǵaıyndaldy.
11 qarashada Joǵarǵy sottyń BAQ-pen ózara is-qımyl jónindegi úılestirýshi-sýdıalary taǵaıyndaldy.
Ákimshilik is júrgizý boıynsha Aslan Týkıev (JS Ákimshilik ister jónindegi sot alqasynyń tóraǵasy), qylmystyq sot isin júrgizý boıynsha Erkesh Máýken (JS sýdıasy), azamattyq sot isin júrgizý boıynsha Marına Borovık (JS sýdıasy) bekitildi.
Olarǵa Kommýnıkatsııa bólimimen birlese otyryp, sot júıesinde júrgizilip jatqan jańarýlar, sondaı-aq sýdıalar men sot qyzmetkerleriniń kásibı qyzmeti týraly qoǵamnyń habardar bolýyn qamtamasyz etý, sot isin júrgizý týraly aqparattyq-túsindirý jumystaryn júrgizý júkteldi.
BAQ-pen jáne qoǵamdyq pikir kóshbasshylarymen ózara is-qımyl tásilderin qaıta qaraýdy talap etetin belsendi kommýnıkatsııalardyń jańa shyndyqtaryn eskere otyryp, mynalardy qamtamasyz etý jónindegi mindetter qoıyldy:
— BAQ-qa ashyq sot protsesterine qoljetimdilik jáne jabyq sot otyrystarynda qaralǵan ister boıynsha sapaly aqparat berý;
— úılestirýshi-sýdıalar men sottardyń baspasóz qyzmetteriniń biliktiligin arttyrý;
— zamanaýı kommýnıkatsııalyq quraldardy paıdalana otyryp, BAQ-pen ózara baılanys ornatý jáne taǵy basqa.
Apta basynda Sanjar Ádilov Іshki ister mınıstriniń orynbasary laýazymyna taǵaıyndaldy.
Sanjar Ádilov 1977 jyly 26 qyrkúıekte Almaty oblysy Jambyl aýdany Uzynaǵash aýylynda dúnıege kelgen. Bilimi joǵary.
Eńbek jolyn tergeýshi bolyp bastaǵan.
Osy taǵaıyndaýǵa deıin QR Іshki ister mınıstrligi Tergeý departamentiniń bastyǵy, Qaraǵandy oblysy Polıtsııa departamentiniń bastyǵy qyzmetterin atqardy.
Dúısenbide Aıbek Samat Abaı oblysy mádenıet basqarmasynyń basshysy bolyp taǵaıyndaldy.
Aıbek Tólegenuly 1987 jyly 16 qarashada Semeı oblysy Aqsýat aýdany Aqsýat aýylynda dúnıege kelgen. 2008 jyly Shákárim atyndaǵy Semeı memlekettik ýnıversıtetin «Memlekettik jáne jergilikti basqarý» mamandyǵy boıynsha bitirgen.
Eńbek jolyn 2009 jyly Semeı qalasynyń ishki saıasat bóliminde mamannyń kómekshisi bolyp bastaǵan. 2010 jyldan 2012 jylǵa deıin Semeı qalasy ákiminiń apparatynda kompıýterlik tehnıka operatory boldy.
2012-2013 jyldary Semeı qalasynyń ishki saıasat bóliminiń bas mamany. 20132015 jyldary Semeı qalasy ákiminiń kómekshisi bolyp jumys istegen.
2015-2016 jyldary Semeı qalasynyń ishki saıasat bóliminde aqparattyq-nasıhattaý jumys sektorynyń meńgerýshisi.
2016-2020 jyldary Semeı qalasynyń ishki saıasat bólimi basshysynyń orynbasary laýazymy atqarǵan. 2020-2021 jyldary Semeı qalasynyń ishki saıasat bóliminiń basshysy.
2022 jyldyń sáýirinen tamyz aıyna deıin Shyǵys Qazaqstan oblysy Qazaqstan halqy Assambleıasy hatshylyǵy jáne Shyǵys Qazaqstan oblysy ishki saıasat basqarmasynyń etnosaralyq qatynastar monıtorıngi bóliminiń basshysy. 2022 jyldyń tamyzynan 2023 jyldyń maýsymyna deıin Abaı oblysy ákimi apparatynyń uıymdastyrý-ınspektorlyq bóliminiń bas ınspektory.
2023 jyldyń maýsymynan qyrkúıek aıyna deıin Abaı oblysynyń jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary.
2023 jyldyń maýsymynan osy ýaqytqa deıin Abaı oblysy ákimi apparatynyń uıymdastyrý jáne baqylaý-ınspektorlyq jumys bóliminiń basshysy boldy.
Aptanyń alǵashqy kúni Aqmola oblysy ákiminiń 2024 jylǵy 11 qarashadaǵy ókimimen Qosshy qalasynyń ákimi bolyp Azamat Kapyshev taǵaıyndaldy.
Aqmola oblysynyń ákimi Marat Ahmetjanov Qosshy qalasynyń aktıvine jańa ákimdi tanystyra otyryp, Azamat Kapyshevtyń joǵary kásibı qasıetteri bar bilimdi jáne bilikti basshy ekenin atap ótti. Jańa basshylyqqa turǵyn úı-kommýnaldyq sharýashylyq, sonyń ishinde sýmen qamtamasyz etý, elektr jáne jylýmen jabdyqtaý, ınfraqurylym salalarynda birqatar mindetter qoıyldy.
11 qarashada Rýslan Esenalın Týrızm jáne sport mınıstrligi Sport komıtetiniń tóraǵasy bolyp taǵaıyndaldy.
Rýslan Esenalın 1976 jyly Soltústik Qazaqstan oblysynda dúnıege kelgen.
Soltústik Qazaqstan memlekettik ýnıversıtetin, Qazaq memlekettik zań akademııasynyń Memlekettik qyzmet ınstıtýtyn, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn bitirgen.
Ár jyldary SQO BJSM boks jáne kıkboksıng boıynsha jattyqtyrýshy-oqytýshysy bolyp jumys istedi. Sondaı-aq SQO Shtattyq ulttyq komandalar jáne sporttyq rezerv dırektsııasynyń kıkboksıng boıynsha QR memlekettik jattyqtyrýshysy boldy.
2008–2012 jyldary SQO dene shynyqtyrý jáne sport basqarmasy basshysynyń orynbasary qyzmetin atqardy.
2012–2020 jyldary SQO ákimdigi dene shynyqtyrý jáne sport basqarmasynyń basshysy bolyp eńbek etti.
2020 jyldan 2024 jylǵa deıin — «Qulager» hokkeı klýbynyń dırektory.
05.06.2024 jyldan bastap qazirgi ýaqytqa deıin «Astana» olımpıadalyq daıarlaý ortalyǵy RMQK dırektorynyń orynbasary boldy.
12 qarashada Sánııa Smaılova SQO memlekettik satyp alý basqarmasyna basshy bolyp taǵaıyndaldy.
Sánııa Nıkolaıqyzy 1969 jyly týǵan, SQO M.Jumabaev aýdany Uzynkól aýylynyń týmasy.
Omby aýyl sharýashylyǵy ınstıtýtyn, Kókshetaý gýmanıtarlyq-ekonomıkalyq ýnıversıtetin «Jerge ornalystyrý ınjeneri», «Qarjy jáne kredıt» mamandyqtary boıynsha bitirgen.
Ár jyldary oblystyń qarjy basqarmasynyń bilim uıymdaryn qarjylandyrý bóliminiń basshysy, oblystyń bilim basqarmasy basshysynyń orynbasary bolyp jumys istedi.
Osy taǵaıyndaýǵa deıin Sánııa Smaılova Petropavl qalasy ákiminiń ekonomıkalyq máseleler jónindegi orynbasary qyzmetin atqardy.
12 qarasha kúni Ádil Qusmanov «Halyqaralyq baǵdarlamalar ortalyǵy» AQ-nyń basqarma tóraǵasy bolyp taǵaıyndaldy.
Qusmanov Ádil Mıratuly Oksford ýnıversıtetiniń matematıka ınstıtýtyn támamamdaǵan alǵashqy túlek. Nazarbaev Ýnıversıtetinde ótken «Jyl stýdenti – 2016» ataǵynyń ıegeri.
Sonymen qatar, Ádil Qusmanov «NU Alumni» ÚEU (Nazarbaev Ýnıversıteti Túlekter Qaýymdastyǵy) quryltaıshylarynyń biri jáne basqarma tóraǵasy.
A. Qusmanov ulttyq progress ındeksi ádistemesin jáne Qazaqstan Respýblıkasy memlekettik organdarynyń qyzmetin jyl saıynǵy baǵalaý ádistemesin ázirleýshilerdiń biri. Matematıka, ekonomıka jáne strategııalyq josparlaý salasynda analıtıkalyq jáne ǵylymı zertteýler júrgizý tájirıbesi bar.
Sondaı-aq, Ádil Mıratuly salymshylardyń zeınetaqy jınaqtarynyń bir bóligin paıdalaný boıynsha QR-nyń zeınetaqy júıesin reformalaýdyń negizgi ázirleýshileriniń biri.
Kásibı qyzmetinen bólek «QAZMZÝ» AQ-da «Ekonomıkadaǵy matematıka» páninen dáris beredi, sonymen qatar Nursultan Nazarbaev qory men Qazaqstan Respýblıkasy Úkimetiniń «Bilim berý» baǵyty boıynsha ózgeristerdi basqarý boıynsha salalyq menedjerlerdi daıarlaý jónindegi «El Úmiti» baǵdarlamasyna qatysýshysy.
13 qarashada Aqmola oblysy ákiminiń ókimimen Stepnogor qalasynyń ákimi bolyp Gaıdar Qasenov taǵaıyndaldy. https://kaz.inform.kz/news/kosshinin-buringi-akm-zhana-kizmetke-tagayindaldi-a74d7d/
Memleket basshysynyń tapsyrmasy boıynsha Gaıdar Qasenovke qalany damytý jáne turǵyndarǵa qolaıly jaǵdaı jasaý boıynsha birqatar mindetter júkteldi.
Sonymen qatar, Stepnogor qalasynyń ákimdigine ınvestıtsııa tartý, jańa jumys oryndaryn qurý, kásipkerlikti damytý jáne turǵyn úı qurylysy boıynsha naqty jumystar júrgizý tapsyryldy.
Ol buǵan deıin Qosshy qalasynyń ákimi qyzmetin atqardy.
Sársenbide OSK Tóraǵasy Nurlan Ábdirov Memleket basshysynyń Jarlyǵymen Azamat Aımanaqumov pen Mıhaıl Bortnık Ortalyq saılaý komıssııasynyń músheleri, Lázzat Súıindik QR Parlamenti Senatynyń qaýlysymen OSK múshesi boldy.
Ortalyq saılaý komıssııasynyń otyrysy barysynda tóraǵanyń orynbasary jáne hatshy saılandy. Komıssııanyń biraýyzdan qabyldaǵan sheshimimen OSK tóraǵasynyń orynbasary bolyp Muhtar Erman, al hatshy bolyp Shavhat Ótemisov saılandy.
OSK Tóraǵasy OSK músheleri jumysynyń negizgi baǵyttaryn jáne olar jetekshilik etetin qyzmet salalaryn belgiledi.
Sondaı-aq, óńirlerden máslıhattardyń shyǵyp qalǵan depýtattarynyń ornyna saılaýdy ótkizýdiń aǵymdaǵy máseleleri talqylandy.
14 qarasha kúni Qyzylorda oblysynda eki departamentke basshy taǵaıyndaldy.
Jumaǵulov Bektemir Ulybekuly Memlekettik eńbek ınspektsııasy komıteti Qyzylorda oblysy boıynsha departamentiniń basshysy bolyp taǵaıyndaldy.
B. Jumaǵulov 1983 jyly Aral aýdanynda dúnıege kelgen. Qorqyt ata atyndaǵy Qyzylorda memlekettik ýnıversıtetin «Quqyqtaný» mamandyǵy boıynsha bitirgen. QR Prezıdenti janyndaǵy Memlekettik basqarý akademııasy «Óńirlik damý» bilim berý baǵdarlamasynyń «Bıznes jáne basqarý» magıstri.
Eńbek jolyn 2003 jyly Qorqyt ata atyndaǵy Qyzylorda memlekettik ýnıversıteti «Arnaıy quqyqtyq pánder» kafedrasynyń laboranty bolyp bastaǵan. 2007-2018 jyldary Aral aýdandyq jer qatynastary, kásipkerlik, ónerkásip jáne týrızm bólimderiniń basshysy, aýdan ákimi apparatynda túrli jaýapty qyzmetter atqarǵan. 2018 jyldan osy kezge deıin Aral aýdany ákiminiń orynbasary bolǵan.
Sondaı-aq, Talekenov Erbol Sátbaıuly Qyzylorda oblysy boıynsha kóliktik baqylaý ınspektsııasynyń basshysy bolyp taǵaıyndaldy.
Erbol Sátbaıuly 1983 jyly Aral aýdanynda dúnıege kelgen. Q.Jubanov atyndaǵy Aqtóbe óńirlik memlekettik ýnıversıtetin «Býhgalterlik esep jáne aýdıt», M.Tynyshbaev atyndaǵy Qazaq kólik jáne kommýnıkatsııalar akademııasyn «Kólikti paıdalaný jáne júk qozǵalysy men tasymaldaý» mamandyqtary boıynsha bitirgen.
Eńbek jolyn 2004 jyly «Global Trans Servıs Eýrazııa» jaýapkershiligi shekteýli seriktestiginde menedjer-logıst bolyp bastaǵan. 2006-2007 jyldary Astana qalasy Saryarqa aýdany boıynsha memlekettik kirister basqarmasynyń jetekshi mamany, 2007-2017 jyldary Kólik jáne kommýnıkatsııalar mınıstrliginiń Kólik komıtetinde maman, bas sarapshy, Soltústik Qazaqstan oblysy, Astana qalasy boıynsha kóliktik baqylaý ınspektsııalarynda bas maman, bólim basshysy, Investıtsııalar jáne damý mınıstrliginde basqarma basshysy bolǵan. 2017-2020 jyldary «Jolaýshylar tasymaly», «Temirjolsý» aktsıonerlik qoǵamdarynda prezıdent keńesshisi, «Temirjolsý-Aqtóbe» jaýapkershiligi shekteýli seriktestiginiń bas ınjeneri, 2020-2023 jyldary Aral aýdany ákiminiń orynbasary, Aral qalasynyń ákimi qyzmetterin atqarǵan.
2023 jyldyń qazan aıynan osy kezge deıin «Atameken» ulttyq kásipkerler palatasy logıstıka jáne tasymaldaý departamentiniń dırektory qyzmetin atqaryp keldi.
14 qarashada Almaty oblysy polıtsııa departamenti bastyǵynyń orynbasary qyzmetterinde Aqylbek Tóleýov jáne Nurjan Baıqulov taǵaıyndaldy.
Qazaqstan Respýblıkasy Іshki ister mınıstriniń buıryǵymen polıtsııa podpolkovnıgi Aqylbek Tóleýov Almaty oblysy polıtsııa departamenti bastyǵynyń orynbasary qyzmetine taǵaıyndaldy.
Aqylbek Tóleýov 1982 jyly týǵan. Onyń eki joǵary bilimi bar. Ol S.Seıfýllın atyndaǵy Qazaq agrotehnıkalyq ýnıversıtetin jáne QR ІІM Akademııasyn bitirgen. Іshki ister organdaryndaǵy qyzmetin 2005 jyly bastaǵan. Osy ýaqytqa deıin osy vedomstvoda aqparattandyrý jáne baılanys basqarmasynyń bastyǵy qyzmetin atqardy.
Sondaı-aq QR Іshki ister mınıstriniń buıryǵymen polıtsııa polkovnıgi Nurjan Baıqulov Almaty oblysy polıtsııa departamenti bastyǵynyń orynbasary qyzmetine taǵaıyndaldy.
Nurjan Baıqulov 1977 jyly Jambyl oblysynda dúnıege kelgen, ekonomıka jáne zań ǵylymdarynyń magıstri. Іshki ister organdarynda qyzmetin 1996 jyly bastap, túrli basshylyq laýazymdarda qyzmet atqardy. Osy ýaqytqa deıin Almaty oblysy polıtsııa departamenti tylmen qamtamasyz etý basqarmasynyń bastyǵy qyzmetin atqardy.
15 qarashada Maǵjan Qaıratuly Erjan Aqmola oblysy tsıfrlandyrý jáne arhıvter basqarmasynyń basshysy bolyp taǵaıyndaldy. https://kaz.inform.kz/news/akmola-oblisi-tsifrlandiru-zhane-arhivter-baskarmasinin-basshisi-tagayindaldi-83e23e/
Maǵjan Qaıratuly Eýrazııa tehnologııalyq ýnıversıtetin, Qazaq Eńbek jáne áleýmettik qatynastar akademııasyn jáne Qazaq qatynas joldary ýnıversıtetin aıaqtady.
Eńbek jolyn 2014 jyly Almaty qalasyndaǵy jeke logıstıkalyq kompanııada maman retinde bastaǵan.
«Azamattarǵa arnalǵan úkimet» memlekettik korporatsııasy» KEAQ tsıfrlandyrý ofısinde maman, menedjer, bas menedjer, servıs boıynsha basqarýshy dırektor laýazymdaryn atqardy.
2021-2022 jyldary Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrliginde jumys istegen. «Tsıfrlyq transformatsııa qaýymdastyǵy» zańdy tulǵalar birlestiginiń bas dırektorynyń orynbasary boldy.
Taǵaıyndalǵanǵa deıin «Azamattarǵa arnalǵan úkimet» memlekettik korporatsııasy» KEAQ sapany baqylaý departamentiniń dırektory qyzmetin atqarǵan.
Aqmola oblysynyń óńirlik kadrlyq rezervine engizilgen.
Juma kúni Almaty oblysy Talǵar aýdany ákimi apparatynyń basshysy laýazymyna Nurjan Abdalımov taǵaıyndaldy.
Nurjan Abdalımov 1988 jyly 10 maýsymda dúnıege kelgen. Bilimi – joǵary. Qazaq qatynas joldary ýnıversıtetin keden isi mamandyǵy boıynsha bitirgen. Sonymen qatar «Qaınar» akademııasynda quqyqtaný magıstri dárejesin alǵan.
Eńbek jolyn 2011 jyly Almaty qalasynyń aqparattyq júıeler ortalyǵynda aǵa operator bolyp bastaǵan. 2011-2015 jyldary Almaty qalasy Alataý aýdany ákiminiń apparatynda kásipkerlik pen ónerkásipti damytý jónindegi bóliminiń mamany, 2015 jyly memlekettik-quqyqtyq bóliminiń basshysy, 2015-2018 jyldary kásipkerlik pen ónerkásipti damytý bóliminiń basshysy, 2018-2019 jyldary memlekettik-quqyqtyq bóliminiń bas mamany boldy. 2019-2021 jyldary «AlmatyElektroTrans» JShS-de bólim basshysy bolyp jumys istedi.
2023 jyldyń sáýirinen bastap búginge deıin Talǵar aýdany ákiminiń apparaty memlekettik-quqyqtyq bóliminiń basshysy qyzmetin atqarǵan.
15 qarashada Qazaqstan Respýblıkasy Úkimetiniń qaýlysymen Rahymjan Erjanuly Isaqulov ónerkásip jáne qurylys vıtse-mınıstri qyzmetine taǵaıyndaldy.
Rahymjan Erjanuly 1987 jyly Shymkent qalasynda dúnıege keldi.
Roıal Holloýeı London ýnıversıtetin, Bedford Nıý kolledjin, Japonııanyń Ulttyq aspıranttar saıası zertteýler ınstıtýtyn bitirgen.
Eńbek jolyn 2010 jyly Qazaqstan Respýblıkasy Prezıdenti Keńsesi referentiniń mindetin atqarýshy bolyp bastady.
2013-2018 jyldary Qazaqstan Respýblıkasy Prezıdentiniń Ákimshiliginde Memlekettik qyzmet jáne kadr saıasaty bóliminiń konsýltantynan bastap Memlekettik baqylaý jáne uıymdastyrý-aýmaqtyq jumys bóliminiń memlekettik ınspektoryna deıin túrli laýazymdy qyzmetter atqardy.
2018-2020 jyldary — Batys Qazaqstan oblysy ákimi apparatynyń basshysy.
2020-2023 jyldary — Astana qalasy ákimi apparatynyń basshysy.
2022-2023 jyldary — Qazaqstan Respýblıkasy Aqparat jáne qoǵamdyq damý mınıstrligi apparatynyń basshysy.
2023 jyldan bastap qazirgi ýaqytqa deıin Qazaqstan Respýblıkasy Ónerkásip jáne qurylys mınıstrligi apparatynyń basshysy qyzmetin atqardy.