Elimizde apta ishinde bolǵan kadrlyq taǵaıyndaýlar
Apta basynda Prezıdent ókimimen Rýslanbek Keńesbekuly Bekjigitov Qazaqstan Respýblıkasy Qaýipsizdik Keńesiniń Áskerı qaýipsizdik jáne qorǵanys bóliminiń meńgerýshisi laýazymynan bosatyldy. Onyń ornyna Marat Maqsutuly Aımashev taǵaıyndaldy.
Óńirler boıynsha, Almaty qalalyq Qoǵamdyq damý basqarmasynyń basshysy laýazymyna Aıdar Esenbekov taǵaıyndaldy.
Aıdar Esenbekov 1979 jyly 8 tamyzda týǵan, ál- Farabı atyndaǵy Qazaq memlekettik ýnıversıtetin bitirgen, áleýmettaný magıstri. Eńbek jolyn 2003 jyly M. Áýezov atyndaǵy Ońtústik Qazaqstan memlekettik ýnıversıtetinde oqytýshy bolyp bastaǵan. 2004-2006 jyldary-Ál- Farabı atyndaǵy QazUÝ oqytýshysy boldy.
Ol 2006 jyldan bastap memlekettik organdar qurylymynda jumys isteıdi. 2006 jyly Almaty qalasy Іshki saıasat basqarmasynyń Jetisý aýdany boıynsha aýmaqtyq bóliminiń bas mamany, Áýezov aýdany boıynsha ishki saıasat basqarmasynyń bólim bastyǵy qyzmetin atqardy. 2010-2012 jyldary etnosaralyq qatynastar jáne saıası partııalarmen jumys, úkimettik emes uıymdarmen jáne dinı birlestiktermen jumys jónindegi bólimdi basqardy. 2012-2016 jyldary-Almaty qalasy Іshki saıasat basqarmasy basshysynyń orynbasary. 2016-2019 jyldary - Almaty qalasy Din isteri basqarmasynyń basshysy. 2019 jyldan bastap búginge deıin Almaty qalasy Qoǵamdyq damý basqarmasy basshysynyń orynbasary qyzmetin atqardy.
Almaty oblysynda Memleket basshysynyń kelisimimen QR Sybaılas jemqorlyqqa qarsy is-qımyl agenttiginiń tóraǵasynyń buıryǵymen Bolat Serikpaıuly Jarmaqov oblystyń aýmaqtyq departamentiniń basshysy bolyp taǵaıyndaldy.
Bolat Jarmaqov 1986 jyly Qaraǵandy qalasynda dúnıege kelgen, 2007 jyly Qarjy polıtsııasy akademııasyn bitirgen. Ol 2003–2007 jyldary — QR Qarjy polıtsııasy akademııasynyń tyńdaýshysy, 2007–2014 jyldary — Astana qalasy boıynsha ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy), 2014–2021 jyldary — Astana qalasy, Aqmola, Pavlodar, Túrkistan oblystary boıynsha sybaılas jemqorlyqqa qarsy qyzmet departamentterinde basshylyq laýazymdardy atqardy.
Al 2021-2022 jyldary — QR Sybaılas jemqorlyqqa qarsy is-qımyl agenttigi anyqtaý jáne jolyn kesý qyzmeti basshysynyń orynbasary boldy. 2022-2023 jyldary — QR Sybaılas jemqorlyqqa qarsy is-qımyl agenttiginiń anyqtaý jáne jolyn kesý qyzmetiniń basshysy qyzmetin atqardy. 2023 jyldyń 15 jeltoqsannan bastap qazirgi ýaqytqa deıin — QR Sybaılas jemqorlyqqa qarsy is-qımyl agenttiginiń Almaty oblysy boıynsha departamenti basshysynyń ýaqytsha mindetin atqarýshysy boldy.
Aqtóbe oblystyq eńbek ınspektsııasy jónindegi basqarma basshysy qyzmetine Jandos Álimov taǵaıyndaldy. Ol buǵan deıin Aqtóbe qalalyq turǵyn úı qatynastary bóliminiń basshysy qyzmetin atqardy.
Jandos Álimov 1988 jyly Aqtóbe oblysynyń Shalqar aýdanynda dúnıege kelgen.
2006 jyly Qazaq gýmanıtarlyq zań ýnıversıteti janyndaǵy quqyq jáne ekonomıka kolledjin, 2010 jyly «Qaınar» ýnıversıtetin, 2014 jyly Turan ýnıversıtetin jáne 2016 jyly Prezıdent janyndaǵy Memlekettik basqarý akademııasyn támamdaǵan. Eńbek jolyn 2007 jyly Shalqar aýdandyq ádilet bóliminiń jetekshi mamany bolyp bastaǵan.
Eńbek jolynyń basym bóliginde QR Ádilet mınıstrligine qarasty memlekettik mekemelerde sot oryndaýshysy, sarapshy, basqarma basshysy, Qostanaı oblysy ádilet departamenti basshysynyń orynbasary qyzmetterin atqarǵan. 2020 jyldyń tamyz aıynan bastap Aqtóbe qalasynyń turǵyn úı qatynastary bóliminiń basshysy qyzmetin atqarǵan.
Oral qalasy ákiminiń ókimimen Arsen Zınnatuly Ǵubashev qala basshysynyń orynbasary bolyp taǵaıyndaldy. Ol qalalyq jumyspen qamtý jáne áleýmettik baǵdarlamalar, ishki saıasat, mádenıet jáne tilderdi damytý, dene shynyqtyrý jáne sport bólimderiniń qyzmetine jetekshilik etetin bolady.
Arsen Ǵubashev 1987 jyly Batys Qazaqstan oblysynda dúnıege kelgen. Bilimi – joǵary. M.Ótemisov atyndaǵy Batys Qazaqstan memlekettik ýnıversıteti men Batys Qazaqstan ınjenerlik-gýmanıtarlyq ýnıversıtetin qazaq tili men ádebıeti jáne memlekettik jergilikti basqarý mamandyqtary boıynsha támamdaǵan.
Eńbek jolyn «Aqjaıyq» FK» AQ-nyń baspasóz hatshysy qyzmetinen bastady. Ár jyldary Krýgloozernyı orta jalpy bilim beretin mektebiniń tálimgeri, QR Mádenıet jáne aqparat mınıstrligi aqparat jáne muraǵat komıtetiniń «Taldaý jáne aqparat ortalyǵy» RMK medıa-monıtorıng basqarmasy aımaqtyq BAQ monıtorıng bóliminiń BQO boıynsha sarapshysy, osy mekemeniń jetekshi sarapshysy, Oral qalasy ákimi apparatynyń bas mamany jáne bas ınspektory, Batys Qazaqstan oblysy ákiminiń apparaty jurtshylyqpen baılanys jónindegi qyzmetiniń basshysy bolyp eńbek etti. 2021 jyldan bastap Batys Qazaqstan oblysy ákimi apparaty basshysynyń orynbasary qyzmetin atqardy.
Qyzylorda oblysy ákiminiń orynbasary qyzmetine Jahanov Bahyt Dúısenuly taǵaıyndaldy.
Bahyt Jahanov 1974 jyly Qyzylorda qalasynda dúnıege kelgen. Qyzylorda polıtehnıkalyq ınstıtýtyn «Ekonomıst-menedjer» mamandyǵy boıynsha bitirgen. Eńbek jolyn 1999 jyly oblystyq aýyl sharýashylyǵy departamentiniń jetekshi mamany bolyp bastap, ár jyldary osy departamentte túrli laýazymdarda jumys jasaǵan.
2002-2008 jyldary oblystyq bilim jáne ekonomıka basqarmalarynda bólim basshysy, oblys ákimi apparatynyń bas ınspektory, oblystyq tabıǵı resýrstar jáne tabıǵat paıdalanýdy retteý departamenti dırektorynyń orynbasary laýazymdarynda qyzmet kórsetti. 2008-2022 jyldary Qazaly aýdanynyń ákimi, eki retten oblystyq aýyl sharýashylyǵy basqarmasynyń basshysy jáne oblys ákiminiń orynbasary retinde turǵyndardyń ózekti máselelerin sheshý jolynda eńbek etti. 2022 jyldyń sáýir aıynan bastap osy kezge deıin Qazaqstan Respýblıkasy Prezıdenti Ákimshiliginiń memlekettik ınspektory qyzmetin atqaryp keldi.
Mańǵystaý oblysynyń memlekettik eńbek ınspektsııasy basqarmasynyń jańa basshysy bolyp Nurbol Telegenov taǵaıyndaldy.
Nurbol Telegenov L. N. Gýmılev atyndaǵy Eýrazııa ýnıversıtetin quqyqtaný mamandyǵy boıynsha bitirgen. Eńbek jolyn 2004 jyly «Otan» partııasy Saryarqa aýdandyq fılıalynyń esep jáne statıstıka sektorynyń meńgerýshisi, «Jas otan» jastar qozǵalysynyń basshysy, Astana qalasy «Otan» partııasy ortalyq apparatynyń hatshy-referenti bolyp bastady.
2005 jyly «Stýdenttik qurylys jastarynyń eńbek jasaqtarynyń respýblıkalyq shtaby» mekemesiniń atqarýshy dırektory bolyp taǵaıyndaldy. 2006 jyldan 2007 jylǵa deıin – Bilim jáne ǵylym mınıstrligi jastar saıasaty departamentiniń áleýmettik baǵdarlamalar bóliminiń jetekshi mamany, 2007 jyldan 2008 jylǵa deıin – balalardyń quqyqtaryn qorǵaý komıteti ákimshilik-kadrlyq jáne quqyqtyq jumys basqarmasynyń bas sarapshysy, Bilim jáne ǵylym mınıstrligi zań departamenti quqyqtyq qamtamasyz etý basqarmasynyń bas sarapshysy, 2008 jyldan 2009 jylǵa deıin – Mańǵystaý oblysynyń ishki saıasat basqarmasy bastyǵynyń orynbasary, 2009 jyldan 2010 jylǵa deıin – Aqtaý qalasy «Qazaqstan temir joly» AQ personaldy basqarý departamentiniń menedjeri, 2010 jyldan 2013 jylǵa deıin – Mańǵystaý oblysy ishki saıasat basqarmasy basshysynyń orynbasary, basshysy bolǵan.
2013 jyldan 2014 jylǵa deıin – Qazaqstan Respýblıkasy Prezıdentiniń janyndaǵy ortalyq kommýnıkatsııalar qyzmetiniń front-ofıs qyzmetiniń basshysy, 2014 jyldan 2019 jylǵa deıin – Qazaqstan Respýblıkasy Prezıdenti Іs basqarmasynyń bas konsýltanty, sektor meńgerýshisi, 2019 jyldan bastap qazirgi ýaqytqa deıin – Mańǵystaý oblysy ákimi apparaty basshysynyń orynbasary bolǵan.
Sondaı-aq, Mańǵystaý oblysyndaǵy mańyzdy strategııalyq «MAEK» JShS-niń bas dırektory qyzmetine Qaırat Rahymov kiristi.
Qaırat Rahymov Qaraǵandy memlekettik tehnıkalyq ýnıversıtetin, Qaztutynýodaǵy Qaraǵandy ekonomıkalyq ýnıversıtetin jáne Seýl ulttyq ýnıversıtetin «ınjener-elektrık», «quqyqtaný» jáne «ınjenerııa magıstri» mamandyqtary boıynsha aıaqtaǵan. Eńbek jolyn 2006 jyly «Qaraǵandy-Jaryq» JShS-de elektromonter bolyp bastaǵan. 2007 jyldan 2008 jylǵa deıin QR Tabıǵı monopolııalardy retteý Agenttiginiń Qaraǵandy oblystyq basqarmasynda memlekettik monopolııany retteý jáne taldaý bóliminiń jetekshi mamany, 2008 jyldan 2009 jylǵa deıin – QR Tabıǵı monopolııalardy retteý agenttiginiń elektr jáne Jylý energetıkasy salasyndaǵy retteý departamentiniń tarıftik, Tehnıkalyq retteý jáne ádisnama basqarmasynyń Tehnıkalyq retteý máseleleri jónindegi sarapshysy retinde jumys istedi.
2009 jyldan 2010 jylǵa deıin – QR Energetıka jáne mıneraldyq resýrstar mınıstrligi energııa únemdeý, energııa tıimdiligi jáne jańartylatyn energııa kózderi departamenti energııa únemdeý, energııa tıimdiligi jáne jańartylatyn energııa kózderi salasyndaǵy memlekettik saıasatty úılestirý basqarmasynyń bas sarapshysy, 2010 jyldan 2015 jylǵa deıin – QR Energetıka mınıstrligi men Indýstrııa jáne jańa tehnologııalar mınıstrliginde Elektr energetıkasy jáne kómir ónerkásibin damytý departamentiniń bas sarapshysy, basqarma bastyǵy bolyp jemisti eńbek etti. 2015 jyldan 2018 jylǵa deıin – QR Energetıka mınıstrligi Elektr energetıkasy jáne kómir ónerkásibi departamentinde dırektordyń orynbasary, 2018 jyldan 2020 jylǵa deıin – QR Energetıka mınıstrligi Elektr energetıkasyn damytý departamentiniń dırektory boldy. 2020 jyldan 2021 jylǵa deıin QR Energetıka mınıstrliginiń vıtse-mınıstri qyzmetin atqarǵan. Al 2022 jyldan bastap búgingi kúnge deıin «Elektr energııasy men qýaty rynogynyń Qazaqstandyq operatory» AQ-da basqarma tóraǵasy bolyp jumys istedi.
Pavlodar oblystyq energetıka jáne turǵyn úı-kommýnaldyq sharýashylyq basqarmasynyń basshysy bolyp Erjan Imanzaıpov taǵaıyndaldy. Ol buǵan deıin Ekibastuz jáne Pavlodar qalalarynyń ákimi bolǵan.
Pavlodar oblysy ákiminiń ókimimen Imanzaıpov Erjan Beıbituly óńirlik energetıka jáne turǵyn úı-kommýnaldyq sharýashylyq basqarmasynyń basshysy laýazymyna taǵaıyndaldy.
Erjan Beıbituly 1984 jyly týǵan, joǵary bilimdi. Eńbek jolyn 2006 jyly Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń bas mamany bolyp bastaǵan. 2006-2011 jyldar aralyǵynda QR ındýstrııa jáne saýda mınıstrliginiń qurylys jáne turǵyn úı-kommýnaldyq sharýashylyq isteri komıtetiniń, QR tabıǵı monopolııalardy retteý agenttiginiń jetekshi mamany bolyp qyzmet etti.
2011 jyldan 2013 jylǵa deıin – Aqmola oblysynyń tabıǵı monopolııalardy retteý departamenti dırektorynyń orynbasary, odan soń 2014 jylǵa deıin – QR tabıǵı monopolııalardy retteý agenttiginiń basqarma basshysy, departament dırektorynyń orynbasary bolyp eńbek etti. 2014-2017 jyldary – Pavlodar qalasy ákiminiń orynbasary, Ekibastuz qalasy ákiminiń orynbasary qyzmetterin atqardy. 2017 jyldan 2019 jylǵa deıin – Pavlodar oblysynyń energetıka jáne turǵyn úı-kommýnaldyq sharýashylyq basqarmasyn basqardy. 2019 jyldan 2020 jylǵa deıin – Ekibastuz qalasynyń ákimi boldy. 2023 jyldyń qyrkúıegine deıin – Pavlodar qalasynyń ákimi laýazymynda qyzmet atqardy. Bul laýazymǵa deıin óńirlik kásipkerlik jáne ındýstrııalyq-ınnovatsııalyq damý basqarmasynyń basshysy boldy.
Soltústik Qazaqstan oblysy ákiminiń ókimimen Rýslan Álishev oblys ákimi apparatynyń basshysy bolyp taǵaıyndaldy.
Rýslan Álishev 1978 jyly Soltústik Qazaqstan oblysynda týǵan. 1997 jyly Petropavl ekonomıka jáne quqyq kolledjin, 2001 jyly M. Qozybaev atyndaǵy Soltústik Qazaqstan memlekettik ýnıversıtetin, 2006 jyly A. Myrzahmetov atyndaǵy Kókshetaý ýnıversıtetin támamdaǵan. 2004-2009 jj. — SQO «Petropavl qalasynyń Іshki saıasat bólimi» MM ártúrli laýazymdarda qyzmet atqarǵan. 2010-2013 jj. — SQO ishki saıasat basqarmasynyń bas ınspektory, orynbasary jáne bastyǵy. 2013 jyly Soltústik Qazaqstan oblysy Maǵjan Jumabaev aýdany ákiminiń orynbasary boldy.
2013-2014 jj. — QR Mádenıet jáne aqparat mınıstrligi Aqparat jáne muraǵat komıteti elektrondy BAQ basqarmasynyń basshysy laýazymynda boldy. 2014-2016 jj. — «Nur Otan» ortalyq apparatynyń saıası jumystar departamentinde ártúrli laýazymdarda qyzmet atqarǵan. 2016 jyly — QR Aqparat jáne kommýnıkatsııalar mınıstrligi Aqparat komıteti tóraǵasynyń orynbasary mindetin atqarýshy, 2016-2018 jj. — QR Aqparat jáne kommýnıkatsııalar mınıstrligi aqparat komıteti tóraǵasynyń orynbasary boldy.
2018 jyldyń mamyrynan 2019 jyldyń sáýirine deıin — QR Aqparat jáne kommýnıkatsııalar mınıstrligi «Ortalyq kommýnıkatsııalar qyzmeti» RMB basshysy, 2019-2020 jj. — Soltústik Qazaqstan oblysy ákiminiń áleýmettik máseleler jónindegi orynbasary boldy. 2020-2022 jyldary QR Prezıdenti janyndaǵy «Ortalyq kommýnıkatsııalar qyzmeti» respýblıkalyq memlekettik mekemesiniń dırektory, 2022 jyldan bastap «Nurmedıa» holdınginiń basshysy, 2023 jyldan bastap osy taǵaıyndaýǵa deıin «AMANAT» partııasynyń hatshysy bolyp eńbek etti.