Elimizde apta ishinde bolǵan kadrlyq taǵaıyndaýlar
Úkimet qaýlysymen Saltanat Tompıeva Kólik mınıstrligi Azamattyq avıatsııa komıtetiniń tóraǵasy bolyp taǵaıyndaldy.
Saltanat Erkinqyzy 1977 jyly Qaraǵandy qalasynda dúnıege kelgen. E. Býketov atyndaǵy Qaraǵandy memlekettik ýnıversıtetin, Týlýza bıznes mektebin, IATA halyqaralyq áýe kóligi qaýymdastyǵynda bilim alǵan.
Eńbek jolyn 1998 jyly QR Kólik jáne kommýnıkatsııa mınıstrliginiń avıatsııalyq qaýipsizdik sektorynyń jetekshi mamany bolyp bastady.
1998-2003 jyldary — QR Kólik jáne kommýnıkatsııa mınıstrligi/Kólik, kommýnıkatsııa jáne týrızm mınıstrligi bólimderiniń bas mamany.
2003-2008 jyldary — QR KKM Azamattyq avıatsııa komıteti Halyqaralyq qatynastar bóliminiń bas mamany.
2008-2014 jyldary QR KKM AAK bas sarapshysy, bastyǵy, basqarma basshysy bolyp jumys istedi.
2014-2019 jyldary — QR Investıtsııalar jáne damý mınıstrligi AAK basqarmasynyń basshysy, bas memlekettik ınspektory, basshysy — bas memlekettik avıatsııa ınspektory.
2019 jyly — QR Indýstrııa jáne ınfraqurylymdyq damý mınıstrligi AAK basqarmasynyń basshysy.
2019-2022 jyldary — QR IIDM AAK tóraǵasynyń orynbasary.
2022 jyldan bastap qazirgi ýaqytqa deıin «Qazaqstannyń avıatsııalyq ákimshiligi» AQ bas dırektorynyń orynbasary boldy.
Sondaı-aq, Jańaózen qalasyna jańa ákim taǵaıyndaldy.
Resmı málimet boıynsha, buǵan deıin qala ákim bolǵan Aıbek Qosýaqov óz erkimen qyzmetinen ketken.
Onyń ornyna buǵan deıin ákimniń orynbasary bolǵan Janseıit Qaınarbaev keldi.
Eńbek jolyn 2006 jyly jeke sektorda bastaǵan. 2012 jylǵa deıin osy salada sheber, bas mehanıktiń orynbasary bolǵan. Ártúrli JShS dırektory qyzmetterin atqarǵan.
2012 jyldan 2014 jylǵa deıin «Tazalyq» MKK bólim bastyǵy, Jańaózen qalasy.
2014 jyldan 2015 jylǵa deıin «Kommýnaldyq qyzmet» MKK dırektory.
2015 jyldan 2016 jylǵa deıin Túpqaraǵan aýdandyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy boldy.
2016 jyldan 2022 jylǵa deıin Mańǵystaý oblysy Túpqaraǵan aýdany ákiminiń orynbasary.
2022 jyldan bastap qazirgi ýaqytqa deıin Jańaózen qalasy ákiminiń orynbasary qyzmetin atqardy.
Ulttyq statıstıka bıýrosynyń Mańǵystaý oblysy boıynsha departamentiniń basshysy bolyp Altynshash Islamova taǵaıyndaldy.
Altynshash Sultanqyzy Sh. Esenov atyndaǵy Aqtaý ýnıversıtetin «Ónerkásip jáne azamattyq qurylys» mamandyǵy boıynsha jáne Mańǵystaý «Bolashaq» ınstıtýtyn «Ekonomıka» mamandyǵy boıynsha bitirgen.
Eńbek jolyn 1994 jyly Mańǵystaý oblysynyń statıstıka basqarmasynda ekonomıst bolyp bastaǵan.
Budan ári áleýmettik-demografııalyq statıstıka, eńbek jáne qamtý bóliminiń aǵa mamany bolyp jumys istedi.
Ol sondaı-aq qyzmet kórsetý jáne ekonomıka statıstıkasy bóliminiń bas mamany bolǵan.
2003-2004 jyldary aqparattyq-statıstıkalyq ortalyqtyń sharýashylyq bóliminde jumys istedi.
2005 jyldan bastap ónerkásip statıstıkasy bóliminde túrli qyzmetterdi atqardy.
2011-2018 jyldary ınvestıtsııa jáne qurylys statıstıkasy basqarmasynyń bastyǵy bolyp jumys istedi.
2018 jyldan bastap búginge deıin Mańǵystaý oblysynyń statıstıka departamenti basshysynyń orynbasary qyzmetin atqardy.
Soltústik Qazaqstan oblysy ákiminiń ókimimen Vladıslav Lýkın memlekettik sáýlet-qurylys baqylaý jáne lıtsenzııalaý basqarmasynyń basshysy bolyp taǵaıyndaldy.
Vladıslav Lýkın 1990 jyly Petropavl qalasynda dúnıege kelgen.
M.Qozybaev atyndaǵy Soltústik Qazaqstan ýnıversıtetiniń túlegi. Joǵary oqý ornyn «qurylys» mamandyǵy, «tehnıka jáne tehnologııa bakalavry» biliktiligi boıynsha aıaqtaǵan.
Eńbek jolyn 2012 jyly SQO qurylys basqarmasynyń sýmen jabdyqtaý bóliminiń bas mamany bolyp bastady.
2014-2016 jyldary SQO qurylys basqarmasy bólimi basshysynyń mindetin atqardy, bólim basshysy boldy.
2016-2017 jyldary SQO qurylys basqarmasy basshysynyń orynbasary bolyp qyzmet atqardy.
2017 jyldyń qazan aıynan 2020 jyldyń naýryzyna deıin SQO ákimdiginiń qurylys, sáýlet jáne qala qurylysy basqarmasy basshysynyń orynbasary laýazymynda qyzmet etti.
Buǵan deıin Petropavl qalasy ákiminiń qurylys jáne jedel máseleler jónindegi orynbasary laýazymynda boldy.
2020 jyldan bastap 2023 jyldyń tamyzyna deıin Mamlıýt aýdanynyń ákimi boldy.
Sońǵy taǵaıyndaýǵa deıin SQO Energetıka jáne turǵyn úı-kommýnaldyq sharýashylyq basqarmasy basshysynyń orynbasary, basshysynyń mindetin atqardy.
Aqtóbe oblystyq qurylys, sáýlet jáne qala qurylysy basqarmasynyń basshysy laýazymyna Erjan Muzdybaev taǵaıyndaldy.
Erjan Muzdybaıuly 1991 jyly dúnıege kelgen.
2012 jyly Saqtaǵan Báıishev atyndaǵy Aqtóbe ýnıversıtetin, 2017, 2021 jyldary Qazaq-Orys Halyqaralyq ýnıversıtetin támamdaǵan.
Eńbek jolyn 2012 jyly Aqtóbe oblysynyń energetıka jáne turǵyn-úı kommýnaldyq sharýashylyǵy basqarmasynyń ınspektory bolyp bastaǵan.
Atalǵan basqarmada bas maman, bólim basshysy, basqarma basshysynyń orynbasary bolyp jumys istedi
2021 jyldyń sáýir aıynan bastap osy kezge deıin Aqtóbe oblysynyń energetıka jáne turǵyn-úı kommýnaldyq sharýashylyǵy basqarmasynyń basshysy qyzmetin atqarǵan.
Bokstan Sıdneı Olımpıadasynyń kúmis júldegeri Muhtarhan Dildábekov jańa qyzmetke taǵaıyndaldy.
Laýazymy — Qazaqstan boks federatsııasynyń bapkerler shtabymen jumys jónindegi vıtse-prezıdenti.
Muhtarhan Dildábekov — Qazaqstannyń eńbek sińirgen sport sheberi (1997), asa aýyr salmaqta Olımpıada oıyndarynyń (2000) jáne áýesqoı bokstan álem chempıonatynyń (1999) kúmis júldegeri, «Parasat» ordeniniń ıegeri (2000).
Sháken Aımanov atyndaǵy «Qazaqfılm» aktsıonerlik qoǵamy prezıdentiniń eki keńesshisi taǵaıyndaldy.
Sonyń biri — belgili prodıýser jáne rejısser Qýanysh Beısek.
Áýelde kópshilikke «Irına Kaıratovna» tobynyń rejısseri ári prodıýseri retinde tanylǵan Qýanysh Beısek «Dástúr» atty jańa týyndysymen kıno mamandaryn moıyndatty.
«Ol Qazaqfılmniń shyǵarmashylyq damý baǵytyn qadaǵalap, sol baǵytqa jaýap beretin bolady. Qýanysh stýdııamyzdyń damýyna óz úlesin qosady degen úlken senimim bar», — dep jazdy «Qazaqfılm» AQ prezıdenti Azamat Satybaldy Instagram paraqshasynda.
Sondaı-aq, prodıýser Erkebulan Kúrishbaev ta Qazaqfılm ulttyq qınostýdııasy prezıdentiniń keńesshisi bolyp taǵaıyndaldy.