Elimizde alma tapshylyǵy bola ma

<p>ASTANA. KAZINFORM &ndash; Saýda jáne ıntegratsııa mınıstri Arman Shaqqalıev kontrafaktilik ónimge tosqaýyl qoıýǵa qatysty túsinik berdi.</p>

Eske salsaq, jaqynda Qazaqstanǵa almany avtokólikpen ákelýge tyıym salyndy.

«Polsha almalary bizdiń ımportqa eleýli úles qosyp otyr. Bul ónim tikeleı temirjol arqyly tasymaldanyp jatyr. Nege avtokólikpen ákelýge tyıym saldyq? Óıtkeni almany avtokólikpen tasymaldaý kezinde ónim shyqqan elge qatysty aqparat sáıkes kelmeı jatady», - dedi mınıstr Senattyń jalpy otyrysynan keıin tilshiler suraǵyna jaýap bere otyryp.

Onyń aıtýynsha, osyǵan deıin Ózbekstan taýary degen jeleýmen Túrikmenstannyń qyzanaǵy men qııary, almasy Qazaqstanǵa tasymaldanǵan.

«Jalpy, elimizde 12-den astam sortty qamtı otyryp, 300 myń tonnaǵa jýyq almanyń mol ónimi bolatynyn aıta ketken jón. Sondyqtan dúken sórelerinen alma joǵalmaıdy. Temirjol arqyly ashyq ári adal túrde jetkizilip jatqan ónimge shekteý bolmaıdy. Al zańsyz jáne kontrafaktilik ónimge tyıym salynady», - dedi vedomstvo basshysy.