Elimizde áleýetti tapsyrys berýshiler otandyq kásiporyndarmen shart jasasýǵa mindettelmek
«Memleket basshysynyń ofteık-kelisimsharttar jasasý tetigin tolyqqandy iske qosýǵa qatysty tapsyrmasyn oryndaý úshin mınıstrlik ónerkásipti damytýǵa baǵyttalǵan sharttar (budan ári – shart) jasasý máseleleri boıynsha zańnamalyq túzetýler («Ónerkásiptik saıasat týraly» Zań) ázirledi, oǵan ofteık-kelisimsharttar men kelisimsharttyq satyp alý sharttary (ofset) kiredi. Bul rette túzetýler aıasynda sharttyń túrlerin uzaq merzimdi kepildi sharttarmen keńeıtý kózdeledi», - dep atap ótedi mınıstr.
Munan basqa, onyń dereginshe, jer qoınaýyn paıdalanýshylarmen jáne kvazımemlekettik sektor kásiporyndarymen qatar oǵan júıe quraýshy kásiporyndar men tabıǵı monopolııalar sýbektilerin qosý usynylatyn sharttar jasasatyn tapsyrys berýshi kásiporyndardyń tizbesi keńeıtiletin bolady.
«Sonymen qatar, áleýetti tapsyrys berýshilerdi otandyq kásiporyndarmen shart jasasý rásimderin júrgizýge mindetteý usynylady. Óıtkeni qazirgi ýaqytta bul tetik erikti sıpatqa ıe. Іri kásiporyndardyń otandyq óndirýshilerdi qoldaý sharalaryn, elishilik qundylyq boıynsha kórsetkishterdi, sharttar jasasýdy, ShOB beldeýin qurýdy, áleýmettik qamsyzdandyrýdy jáne taǵy basqany qamtıtyn Elishilik qundylyqty damytý baǵdarlamalaryn qabyldaý jónindegi mindettemelerin belgileý josparlanýda», - dedi Qanat Sharlapaev.