Elimizde 5 myń shaqyrym avtojol jańartylady

<p>ASTANA. KAZINFORM - <strong>Memleket basshysynyń tapsyrmalaryn oryndaý jáne ekonomıkalyq ósimdi qamtamasyz etý jónindegi QR Úkimetiniń Josparyn iske asyrý úshin &laquo;Qazaqstannyń Damý Banki&raquo; AQ jalpy uzyndyǵy 5 myń shaqyrymnan asatyn respýblıkalyq mańyzy bar avtojoldardy qalpyna keltirý jónindegi ınvestıtsııalyq jobany qarjylandyrady. Bul týraly úkimettiń baspasóz qyzmeti habarlady.</strong></p>

450 mlrd teńge mólsherindegi uzaqmerzimdi nesıe qarajaty «QazAvtoJol» UK» AQ-ǵa tıisti kelisim sheńberinde bólinetin bolady. Bul sharalardy 2024-2027 jyldar aralyǵynda iske asyrý josparlanyp otyr.

Investıtsııalyq joba Qazaqstannyń barlyq aýmaǵynda iske asyrylady. Oblys ortalyqtaryn Abaı, Aqmola, Aqtóbe, Almaty, Atyraý, Shyǵys Qazaqstan, Jambyl, Jetisý, Batys Qazaqstan, Qaraǵandy, Qostanaı, Qyzylorda, Mańǵystaý, Pavlodar, Soltústik Qazaqstan, Túrkistan jáne Ulytaý oblystarynyń eldi mekenderimen baılanystyratyn joldardy da, respýblıkalyq mańyzy bar trassalardy da qalpyna keltirý josparlanyp otyr.

Sonymen qatar sý ótkizgish qubyrlardyń apatty kópirleri qaıta jańartylady. Sondaı-aq joldardyń qalpyna keltirilgen ýchaskelerinde kólik quraldarynyń salmaǵy men kólemine qatysty parametrlerin ólsheýdiń avtomattandyrylǵan júıesin iske qosý kózdelgen.

Jalpy, jobany iske asyrý avtomobıl joldarynyń tehnıkalyq sıpattamasyn jaqsartý arqyly óńirlerdiń kóliktik-logıstıkalyq áleýetin ashýǵa eleýli úles qosady. Kólik magıstraldarynyń ótkizý qabileti men jaılylyǵy artady. Jol boıyndaǵy eldi mekenderdiń odan ári damýyna da serpin berilmek. Halyqtyń iskerlik belsendiligi artady. Kólik qyzmetterin aqparattandyrý protsesi jedeldetiledi. Kólik tasymaldaryna qarjylyq jáne ýaqytsha shyǵyndar qysqarady. Bul óz kezeginde eldiń agrarlyq jáne ónerkásiptik sektorlarynyń damýyna oń áser etedi.